好朋友

 年初四

洪寶寶起身又KO一下新年的功課啦

做完又話餓喇

快手焗個意粉🍝啦

好香呀！！

食左野喺屋企HEA下

執好野又換衫出去喇

約左朋友仔去青衣公園聚下呀

又見到好多鸚鵡曬太陽呀

仲撞到之後學籃球的朋友仔呀

一班小朋友跑跑跳跳又一個開心的下午

又見到好朋友喇

老公又同班小朋友玩航拍

玩完我地又同幾個FAMILY去打邊爐

食食下我突然覺得好暈

仲覺得個肚有點唔舒服

最後瞓左一陣，再去左轉TOILET

又好D喎

返到屋企快手沖涼瞓覺喇

初三

 玩左幾日，大家都要休息下喇

洪寶寶都要做下練習喇

明天約左一班小朋友去玩

襯有時間，我又焗定蝴蝶酥啦

用左黑糖真係特別香呀

我一路焗，洪寶寶一路話好香

一出爐凍左就請佢食啦

真係好好味呀！

食左LUNCH又玩下啦

轉頭又食件cake啦

今日天氣無咁凍

又去球場玩下啦

見番兩個姐姐呀

又可以一齊玩啦

玩玩下又多個小朋友

跟住仲跟埋人地入屋玩

仲玩到要留低DINNER

最後都比我捉返屋企

快手煮飯比洪寶寶食

我同老公都簡單煮湯麵食就算了

皮蛋鮮蝦粥

 一個好鮮甜又容易做的粥

材料：

皮蛋 2個

蝦 10隻

乾瑤柱 3粒

薑絲 適量

米 半杯

做法：

1. 蝦洗淨去殻去腸，蝦頭備用

2. 米洗淨備用

3. 蝦頭吸乾水分， 油加熱放入蝦頭爆香，盡量按壓蝦頭

4. 加入滾水煮滾，將蝦頭撈出，加入米，薑絲，皮蛋及已浸軟的瑤柱大火煮滾，轉中小火煮20分鐘

4. 最後加入蝦肉再煮5分鐘，放入芫茜，生菜絲即可

初二

 今朝一起身又換衫出去了

又係團拜呀

今日係公公果邊的團拜

每年見一次

洪寶寶成日話要施淇表姐隻蠟筆小新

影張相留念吧

有D小朋友無見幾年都大個哂喇

肥姑媽都好健康

睇下我老豆見到D親戚幾開心

飲完茶，兩個表姐陪洪寶寶去左科大玩一陣

洪寶寶勁開心呀

太好玩喇

表姐們陪玩真HAPPY

仲玩左轉航拍

玩完就去舅公屋企拜年喇

又有表姐表妹一齊玩

真係玩到全身都濕哂呀

DINNER有海鮮HOTPOT

好好味呀

食飽飽再玩下就要回家喇

因為早食飯，返到屋企都好早

洪寶寶都仲可以玩下先瞓