入秋

時間過得好快，話咁快又到九月最尾的一天喇！

同時天氣都開始涼涼地， 亦即係話秋天已經到喇！

今朝返到公司做下野

LUNCH同同事去左樓下飲茶，食飽飽又返公司整下野喇

大約4點就收工LU，因為我要幫個同事去旺角拎回鄉証呀！

個天開始落雨呀！真麻煩

整好哂D野，就落左阿宜到敗家，敗完家就JOIN埋SUZAN去DINNER LU

我地今晚去HOTPOT呀

我同SUZAN先去拎位再食住等冬冬......HEHE

冬冬剛轉左工作好忙呀！8點半終於都到喇！

食下傾下又分享下真係好HAPPY

希望大家的生活及工作越來越好

輕輕鬆鬆星期天

天陰陰，但好涼快呀！ 

宜家D天氣真係好舒服呀！

 起身食左個炒烏冬就睇下電視啦！

係梳化睇睇下就瞓著了，一瞓就瞓左個幾鐘喇

瞓醒整下野就出去DINNER LU

同家姐C，TETE同媽咪一齊出去食

蒜蓉包配上自家制的蕃茄SASA

好香脆的包包，個SASA又係起好味呀！

 芒果蟹肉PANCAKE卷

芒果好香甜，啖啖蟹肉好正呀！

白酒煮青口

好青好甜的白酒湯底配上肥美的青口，YUMMY

Parma Ham帶子卷~~~煎得香香地，不過有D咸

蟹餅~~~啖啖鮮蟹肉，正呀！

 TETE豬真係好可愛架

 我最愛的菇菇湯

用了多種唔同的菇菇真係好香好濃呀！

香煎黑顱魚，魚皮煎得好香脆，魚肉又好軟滑

香蒜炒海鮮意粉~~~意粉軟硬適中，蝦蝦又夠爽口，帶子都好甜美，好味！

香煎香草羊架~~~羊煎得剛好，肉質好軟滑，真係好好好正呀！

真係食得好飽，連甜品都食唔落喇

TETE豬明天要返學呀，要快D返屋企喇

我都要趕住返屋企比波子仔食飯喇！

沖埋涼睇下電視就瞓LU

餐廳資料：

Amore Italian Restaurant

地址：銅鑼灣駱克道487-489號駱克駅25-26樓

電話：2573 2838

BB蕉

星期六瞓到安安樂樂咁醒

 瞓醒已經係11點幾喇！

星期六冇乜野做就執下野，就休息下喇！

 家姐E打黎話去食野喇，近近地去左《味王》便算了

食飽飽同BELLA豬玩一陣就返屋企睇下波子，跟住又要去LU

去街市買D野就車BELLA豬出去睇醫生再去家姐C屋企BBQ LU

 BBQ真係好開心架，天氣涼涼地真係好舒服架

 但係呢！

燒到一半竟然落雨呀！

 被迫收爐，好才我食飽喇！HAHA

又一個愉快的晚上

悶悶

HAPPY FRIDAY?

悶悶的星期五?

 你係邊樣呢？

天氣真係開始涼喇，大家都要小心身體呀！

除左涼了，仲乾燥左呀！

皮膚同身體都要保濕呀！

小波子每天都精精神神

 我每天都會同講，你乖乖呀！我返工喇！今晚返黎同你玩呀！

 返到公司做下野整下野話咁快又收工LU

今晚又返屋企DINNER AR

DINNER後又同小波子去散步喇

唔知係咪食左藥，好眼瞓呀！

早抖喇！

都是要吃藥

今朝起身仍然覺得唔太舒服，尋晚飲左的鴨仔茶好似唔多WORK喎！都係要面對現實食藥吧啦！

希望食左藥D鼻水真係會停啦！

返到公司又煲個粥食先

 用料十足架

《皮蛋瘦肉粥》

 個粥真係好甜美架！

因為煲多左叫埋契仔媽過黎開餐，佢食飽飽當然返去繼續工作啦！

做下野又收工LU

放工當然返屋企DINNER啦

食飽飽又同小波子落街散散步，散完步出一身汗又真係幾舒服喎！

見仲係有少少鼻塞塞就整杯煲檸樂加薑飲下啦

落左好成個LEMON，好好飲呢！

飲完食埋藥就早D瞓LU

流鼻鼻

今朝一起身就感覺到有點兒作病呀

一起身打左幾個"乞痴"就開始流鼻水喇

媽咪今朝整左早餐

《雙層芝士餐肉漢堡》

 食哂個包包真係好飽呀！

食飽當然食番粒藥啦！

食左藥真係好眼瞓呀，都係瞓陣先喇，一瞓就成個鐘呀！

見真係有D唔舒服，收工去睇醫生啦

睇完就返屋企DINNER

食飽飽又同小波子去散步

返到屋企冇食西藥，飲左媽咪煲的《鴨仔茶》

我飲緊鴨仔茶，波子就坐喺度望住我

 飲完碗野早D瞓喇

秋涼

終於都感覺有點點秋意喇

 好舒服的秋天終於都來喇！

今朝返到公司又做下野先，跟住就煮個米粉食下先

一個簡單又非常美味的湯米

《通菜牛肉碎湯米》

食飽飽又做下野啦，話咁快又收工LU

歸家吃飯，食飽飽就帶波子落街散下步先

小波子有得落街街就一定好HAPPY

 行完街街洗好腳就乖乖休息喇

臨瞓覺得好鼻有D塞喎！

都係食粒藥早D瞓喇！

有打過風嗎？

尋晚打8號波，但屋企完全感覺唔到風，仲覺得有點焗添

今朝起身都仲係8號就繼續瞓啦！但天文台話會在十點前落波，咁就起身準備返工啦！

點知十點幾所有風球都落哂呀！

LEE個風真係冇想像中的勁呀！

落到街都唔覺打過風呀！仲有D焗又有D熱呀！

落左波個個都趕住兩個鐘內返回工作崗位，但我一D都唔趕喎！HAHA

諗住搭巴士，但等左四、五架都上唔到，就去搭MTR啦！

地鐵又唔多人喎！真係估佢唔到呀！

返到公司食左少少野就做下野啦！

收工就返屋企DINNER

食完飯又同小波子玩一陣

 笑得幾HAPPY

我要瞓喇！好倦呀！

真的打風嗎？

今朝好早就起左身呀！

起左身見外面又冇落雨就帶波子落公園玩下啦！

點知落到公園就開始落雨，又唔係落得好大就照玩一陣啦

 因為天氣唔好，公園得波子一個炸

玩完濕哂就返屋企洗白白喇

洗完白白靚仔哂

同波子沖完涼我都要休息下呀

跟住就出去買少少野FOR今晚DINNER

天文台話會傍晚時間掛8號呀！

担白講我覺得冇乜風囉！只係有D雨

咁明天究竟洗唔洗返工呀？

颱風天兔來臨前

今日天氣好焗好熱呀！

好似喺個蒸爐入面咁呀！

咪因為隻天兔準備打緊黎囉......

天文台話LEE個風係超級颱風黎架

今晚又約左朋友BBQ呀

大約4點去街市買少少野就會合TINA出發去EVA屋企LU

去到傾下計就上去BBQ LU

除了BBQ仲有蜆食，真係好好食呀

 EVA仲焗左個包包比我地食呀！好好味呀！

玩下食下傾下又十一點喇！

開始好大風呀

係時候返屋企喇！GOODNIGHT 


今日係同學仔精靈的大婚日呀！朋友SEND左佢D相比我睇，新娘子真係好靚女呀！

祝您：新婚快樂！甜甜蜜蜜！

追月日

今年個月亮真係又圓又大呀！

但就好熱好焗囉！

因為有個超級颱風吹緊黎呀！

今朝起身就出去買定D雞翼FOR明天的BBQ

LUNCH就炒左個蒜片意粉食，休息一陣又要準備出去LU

約左朋左上山頂行下

途中的景色，好靚呀！

 上到去喺商場行左個圈，再上去睇下個香港景

 點解會咁多人架

 跟住就去凌霄閣行下就走喇

 見冇乜野行就不如去睇場戲喇！上網睇一睇邊到有得睇

出發去鑽石山睇啦

睇《被偷走的那五年》呀

買左飛仲夠時間去食個DINNER

突然好想食越南粉呀，一於GO LA

 香茅豬扒湯檬粉

豬扒好香香茅味，又夠"林"喎！湯底也不錯，又唔會好勁味精

 越式粉包

個皮好厚，NO GOOD

食飽飽時間剛好可以入場LU

套戲唔錯喎！又未至於會喊到豬頭，但都幾感人

睇完都10點喇！要返屋企喇！

等巴士時又見到大大的月亮呀

好倦喇！GOODNIGHT

餐廳資料：

越棧越式湯粉專門店

地址：鑽石山荷李活廣場2樓232號

電話：2321 2133

中秋夜

中秋節快樂

今日係中秋節呀！

大家今日有冇收早呀，定係放半日呢？

我就決定比同事收半日喇！係咪好好呢？HEHE

收工又去左買海鮮FOR今晚BBQ呀

返到屋企仲將條三文魚切左做刺身先

 家姐已經準備好哂其他野喇

睇下個天，好靚呀！

出面好塞車呀！TETE豬等到傻左呀！

睇下，燒龍蝦呀！好鮮味呀！

 

個月亮又真係好圓喎

大人就食食食，小朋友就玩玩玩

玩玩食食又差不多十二點喇，要返屋企喇