老公昨晚的指數有點上落
心中都有點擔心
心中都知道可能會作最壞的打算
但總希望有神績的出現
陪老公一整晚，到9點半左右我就諗住返屋企睇一睇洪寶寶
因為尋晚係朋友睇住佢
離開醫院前有同老公交待
返到屋企諗住整野比洪寶寶食
點知都左10點54分醫院打黎話老公有D危險，叫我即返醫院
快手同洪寶寶飛車去醫院啦
去到醫院老公已經走弓
真係好難接受
原來老公喺護士打比我後5分鐘就走了
護士話他不是一個人孤單咁走，護士有陪他的
D眼淚真係控制唔到
喺醫院見埋醫生
醫生解釋左個情況
喺老公心臟自然地停左
唯一安慰老公都唔太辛苦地離開
洪寶寶仲細，唔知係咪都未完全理解到死亡
雖然好傷心好唔捨得，喺側邊畫左一張心意卡比PAPA
朋友唔想我煮飯，DINNER去左買外賣
今日係我的45歲生日
特登喺12點前趕到醫院同老公一起過12點進入我的生日
人生活左四十幾年都無好認真許個一個願望
今年真係想認認真真許一個
今年的願望都留給我的老公
希望他能大步檻過
不是想你即起來無事
只想你慢慢好起來
我唔急你都唔需要急
豬豬都好好瞓喎
做左一份多士同沖左杯茶比我，真係好暖心
洪寶寶起身同家姐佢地出左去食LUNCH
大家都同老公講下野
大家都想比D鼓勵他
老公，你要加油呀！
我們仨
但家姐話出去食餐飯，再返屋企沖個涼啦
朱總朱C9黎陪我地
佢地真係好好，特登揸幾個鐘車過黎
仲陪洪寶寶玩
十一點幾我又揸車去醫院啦
其實個人好攰，但真係唔太瞓到
去到醫院拖住老公同佢講下野
跟住又瞓下醒下咁
尋晚個人真係唔太瞓得著
一時間太多突如其來的事
太多野要個腦去消化
喊左一日，對眼其實都好攰
剛合埋對眼休息一陣
醫院零晨兩點打黎，話老公的指數唔太好
要我地即刻返醫院
快手換衫就飛車去醫院
去到醫院話老公血壓低，要即照CT
照完就話腦科醫院肯接收
而且過到去會即做手術
引流腦中的瘀血同止血
同時間亦知道LEE個手術對老公黎講係一個風險好高的手術
有機會手術中會死亡
但有機會好過無機會，而且都唔到我選擇
到清晨終於安排左腦科醫院
點知去到醫院，我地完全搵唔到老公喺邊？
最後終於搵到，原來一去到醫院已經入左手術室即做手術
手術大約半個小時
手術順利完成，已經將瘀血引流同止左血
手術完同主診醫生見左面
亦了解左老公的最新情況
明白老公情況好差，但我唔怕
只要有一絲的希望，我唔怕等
見完醫生就入去病房見見老公
雖然老公瞓喺到，無反應比到我
但見到他就心安
大家成晚都無瞓覺，老公暫時交比醫護
我地就返屋企啦
返到屋企洪寶寶話要食少少野
跟住大家就瞓覺啦
雖然唔太瞓到，我都要休息下
漫漫長路，我都要有力氣先可以走下去
大家都瞓左幾個鐘，叉左電了
洪寶寶學校今日有活動
洪寶寶話想去
咁就喺屋企快手食個LUNCH
就返屋企JOIN COLOUR RUN啦
洪寶寶上學去
今日個人有點心緒不寧
尋晚瞓得唔太好呀！
老公話一陣就落去做檢查喇
都11點幾我就預備整LUNCH，一陣去探佢
點知醫院突然打黎話醫生要見我
心知有點不妙
去到醫院醫生話老公係做完檢查後
突然腦出血
宜家昏迷左
我喺ICU見到老公，我完全接受唔到
成個人一片空白
剩係識喊，點算呀？
醫生仲講到老公情況好差
點解呀？
快手去接洪寶寶黎醫院
喺揸車途中，一路要諗點解釋比個仔聽
點解PAPA突然會咁
一路諗一路喊
去到學校接左洪寶寶就即去醫院
洪寶寶見到PAPA都唔知有乜反應
不停問點解無啦啦會咁樣
醫院姑娘好好，見洪寶寶餓
又整左D意粉比洪寶寶
但等轉院都需要時間安排
醫生建議我先返屋企
等有消息就直接去腦科醫院
返到屋企快手煮左野比洪寶寶食
D眼淚不停咁流
不停後悔點解今朝唔陪住您
點解？點解？
醫院最後打黎話暫時唔會轉院
要等所有指數穩定先可以安排
希望有奇積出現
洪寶寶今朝學校有SPORT ASSEMBLY
送左佢返學再去轉SUPERMARKET時間剛好
今日個ASSEMBLY洪寶寶有份演講
又講得唔錯喎
洪寶寶的班主任，一個好好的老師
