唔識飽

又星期一喇！
尋日買左對新拖鞋喺公司著呀！

 今朝媽咪買左份公司三文治比我做早餐呀！
雖然好大份，但又食得哂喎！

食飽飽就做野喇！
唔知點解今日好似好多野做咁喎！
但我又要搓定個黑糖合桃包麵糰呀！

明明已經食左成份三文治，理應LUNCH都唔洗食架！
LUNCH就真係食唔落喇！不過TEA就食得落喇！HAHA
TEA去左樓下間米線食左個三餸米線呀！

喺等外賣時順便行去麥當當拎紙袋，因為星期三要整包包比契仔媽呀！

 收工又要入馬鞍山做球證呀！

10點鐘準時收工走人，唔知點解明明今日食左好多野都仲係好肚餓
搭車返屋企食去海皇食碗艇仔粥先，返到屋企沖完涼仲要食左廿幾粒車厘子先捨得去瞓！

早抖喇！

脆到呢!!!!!!!!

話說尋晚諗起奶油脆豬，講過今日要整黎食
一返到公司即刻開工搓左個豬仔包麵糰先

不過雖然一返黎就搓，但等得發酵都要TEA TIME先有得食架喇！HAHA

今日我只係整個大約四個豬仔包的份量，因為整得太多食唔哂麻
兩個豬仔包整奶油脆豬，兩個就整左朱古力流心包
真係正到呢......！

真係超脆到超美味呀！
個外皮脆到卜卜聲架！真係食過自家制的翠華的都無得比呀！

 朱古力軟心好好味呀！又係外脆內軟呀！

為左食LEE個包包，用左我幾個鐘都係抵架！因為整在太美味喇！

今日會早D收工呀！因為要幫老細過尖沙咀拎D野呀！
過尖沙咀又唔趕時間當然會選擇搭船啦！

 過到去拎完野，諗住順便去睇下D叮噹啦！
嘩！D人多到根本睇唔到

 見到咁多人都係速逃了

今晚又要去做球證呀！又要入馬鞍山呀！
唔知點解今日個人好倦呀！成日都覺得好眼瞓咁呀！

球賽順利完成，快D返屋企瞓吧！

球來球往

一個好疲倦的星期一，因為兩天的假期都係去左做球賽，所以真係好倦呀！

可能做兩天的球證，我感覺自己好像瘦了一點！WAKAKA

幸好工作都不是太忙

收工後我又要趕入馬鞍山做球證呀！

9點半球賽就完了，好倦！快快搭車回家吧！
落車時好肚餓呀！因為未食DINNER呀！

去海皇食碗粥先

簡單而美味的一餐

GOODNIGHT

超級丹

好耐都冇試過咁早起身做球賽喇！

8點半出門口

去到大會好好呀！買埋早餐比我地食呀！
不過咁早真係冇嘜胃口呀！
我只係食左一件鮮竹卷同一件蝦餃就飽了！

開始比賽了！
今天好好陽光呀！

真係要飲番枝葡萄適補充水份先

雖然陽光出黎同大家見面，但又有少少涼風，所以都唔係太辛苦！

LUNCH去左翠華食左個魚片頭河粉就番去開工LU

5點到所以賽事都完了！

跟住因為要睇奧運，所以去左陸SIR屋企睇奧運再去左元朗間《自家人酒家》食飯呀！
8點做男單羽毛球決賽呀！好緊張呀！

《林丹VS李宗偉呀》
一路睇一路食飯，其實都冇食到D咩！
一人一分咁上落！
最後林丹以3:1的局數得金牌！恭喜哂

雖然林丹拎到金牌，但其實兩個都打得好好，好精彩的一場比賽，真係值得鼓掌！

最好笑的係，林丹最後贏果球，全間酒樓D人一齊拍掌，氣氛真係好好呀！

食飽飽，又睇埋奧運都要返屋企喇！玩左成日真係好倦呀！

今日係兒甥女TETE同埋姐夫K生日呀！
喺度祝TETE生日快樂、身體健康、快高長大、繼續做個開心寶寶！
祝姐夫K生日快樂、身體健康、越賺越多、心想事成！

餐廳資料：
自家人酒家
地址：元朗大馬路123號開心廣場9樓
電話：2479 1886

探細契仔

今朝要早D起身呀！
因為我要焗包包呀！

今日要入屯門做球賽呀，所以順便去探下我的細契仔呀！

焗好包包就換衫出門口LU
D包包仲係好熱，所以唔可以封袋呀！

球賽先同契仔媽去食個LUNCH先，唔知食嘜好......最後去左食越南野

《豬扒撈檬》，《雞絲湯河》
兩樣都麻麻地，不過我地都係想傾下計，坐得舒服就算了！

 食飽飽後，我就去做球證喇！

幸好的天氣唔係太熱，又唔係太曬，又有少少風，真感恩啊！

3點開波，6點幾搞掂收工

跟住去左契仔媽屋企，見下大細契仔呀！同埋食埋DINNER呀！
一開門見到大契仔個頭起左個大樓呀！心痛死喇！
唔好咁八厭喇！

因為細契仔仲係粉糰一個，所以我冇抱佢呀！
同埋佢日瞓，所以冇同佢影相呀！
等契媽下次先同你影相先！

食飽飯同契仔媽吹下水就走LU，返到屋企都11點幾喇！
要快D瞓喇！聽日要早起身呀！因為聽日又有球賽呀！

今日兒甥女Belle開生日會呀！但因為我有球賽做去唔到呀！
不過佢未到生日的，都仲可以同佢慶祝！HAHA
家姐WHAT'S APP左個報置比我
睇下報置得幾靚幾有心機

早抖了！

餐廳資料：
Saigon Bistro
地址：屯明市廣場一期2樓2182舖
電話：2899 0093