探細契仔

今朝要早D起身呀！
因為我要焗包包呀！

今日要入屯門做球賽呀，所以順便去探下我的細契仔呀！

焗好包包就換衫出門口LU
D包包仲係好熱，所以唔可以封袋呀！

球賽先同契仔媽去食個LUNCH先，唔知食嘜好......最後去左食越南野

《豬扒撈檬》，《雞絲湯河》
兩樣都麻麻地，不過我地都係想傾下計，坐得舒服就算了！

 食飽飽後，我就去做球證喇！

幸好的天氣唔係太熱，又唔係太曬，又有少少風，真感恩啊！

3點開波，6點幾搞掂收工

跟住去左契仔媽屋企，見下大細契仔呀！同埋食埋DINNER呀！
一開門見到大契仔個頭起左個大樓呀！心痛死喇！
唔好咁八厭喇！

因為細契仔仲係粉糰一個，所以我冇抱佢呀！
同埋佢日瞓，所以冇同佢影相呀！
等契媽下次先同你影相先！

食飽飯同契仔媽吹下水就走LU，返到屋企都11點幾喇！
要快D瞓喇！聽日要早起身呀！因為聽日又有球賽呀！

今日兒甥女Belle開生日會呀！但因為我有球賽做去唔到呀！
不過佢未到生日的，都仲可以同佢慶祝！HAHA
家姐WHAT'S APP左個報置比我
睇下報置得幾靚幾有心機

早抖了！

餐廳資料：
Saigon Bistro
地址：屯明市廣場一期2樓2182舖
電話：2899 0093