外賣仔

今日我要放半日假呀！

上兩個星期前去探契仔媽，整左D包包比佢食，佢一家食過番尋味呀！
成日都問我幾時再整，幾時再去探佢呀！

見LEE排又冇嘜野搞，咪整一大堆係一大堆呀！
粗略估計應該有40個呀！

講番今朝先，一早返到公司拿拿聲將麵糰拎出黎做形啦！
收到契仔媽話要腸仔包同埋芝士包，之前一日仲整左黑糖合桃包同埋麥片硬豬仔

11點幾終於焗好哂喇！

因為包包仲係熱辣辣，如果放落保鮮袋一定會有倒汗水架！
我一路都好想買D紙袋放包包呀！但又唔知去邊樹買喎！
靈機一觸，去麥當當拎咪得囉！得左HAHA

整好哂所以野拎住4大袋包包去做外賣仔呀！
人地唔知以為我係包工場送貨呀！

外面個天好好好熱呀！

搭車入到屯門都已經成點喇！
我同契仔媽都肚餓喇！要去搵食喇！
諗來諗去都唔知食嘜好，是但去左PIZZA HUT

食下傾下，搭車番去睇下大細契仔喇！
細契仔個樣又唔同左喇！小朋友真係每日都唔同樣架！
仲未有機會同佢影相呀！因為佢都係得十幾日人仔，唔係食就瞓呀！

跟住大契仔都瞓醒喇！
同佢玩左一陣，都已經5點幾喇！
我都係時候返屋企食飯喇！