好病

好病呀！

我真係病了！

鼻水長流呀！

好辛苦呀！

豬仔~~~GOOD MORNING

 今日好暖，連外套都唔洗著呀

 返工前先去睇醫生先

咪就係喺韓國冷親囉

乖乖食藥啦

返到公司又要努力處理一下公務，跟住又整下私務先

 

之前喺淘寶訂D樽樽到了，要洗下佢先

 唔知係咪口淡淡好香食D濃味野，煮個麵焗隻雞搥食下先

做埋少少野又早點收工了

成個星期冇同豬仔去跑跑，唔舒服都同佢去跑下啦

 點解會靚仔架

 動感的豬

 SO SMART

 今日真係好大風呀！

跑完就返屋企了，返到屋企出面又開始落雨了

我同豬仔洗左手仔腳仔，到我沖完涼

食完飯再食埋藥都瞓了

我好倦呀！

我個鼻好塞呀！

燒到嘭嘭聲

尋晚半夜發高燒，其實我都唔知自己燒到幾多度，但成個身都熱到不得了

零晨3點幾終於頂唔順，起身落床拎藥食，食左都唔係好WORK，要食多粒，隔左一陣終於都冇咁熱

真係有一刻諗，我會唔會燒到傻左架......

食左藥就一直瞓，瞓到十點幾就起身換衫去睇醫生啦！

小波子，我去睇醫生，一陣就返黎力架喇！

 睇左醫生拎左藥，就返公司做少少野就快快返屋企休息下喇

 返到屋企，食左藥真係好眼瞓，瞓一陣就起身食粥

食飽了就同波子玩下BALL BALL啦！

 工人姐姐見我發燒，幫我按左幾下頸，又真係舒服左好多

食左藥都係早D瞓LU

咳咳咳

咳！咳！咳！

喉嚨好痕呀！

尋日睇左醫生，食左D藥都好似唔係好WORK咁喎！

返到公司做下野，跟住就同BOSS去左附近食個LUNCH

病病地都冇乜胃口，就是但叫個拉麵食

《吉列豬扒拉麵》

 個拉麵不錯喎！豬扒都炸得好香好脆而唔油~GOOD

食飽就返公司做多陣野就收工去睇中醫LU

我睇開個中醫喺石硤尾，搭地鐵去啦

睇完就早D返屋企休息下喇！

唔係咁舒服就唔同波子去跑步喇！

請佢食粒餅啦

食飽飯後，媽咪幫我煲左中藥，飲埋碗藥就早D瞓喇！

唔好睇碗藥黑Mun Mun，一D都唔苦仲有D甘甜

希望LEE碗藥幫到啦！明天一瞓醒會好返啦！

GOODNIGHT

激死了

中秋過後大家今天又要上班了

唔知係咪LEE排又BBQ又打邊邊又鐵板燒，搞到我病病地呀

今朝返公司前再去睇多次醫生

返到公司做一陣野就整個HAPPY LUNCH食下先

《茄乾意粉配香煎羊架》

好美味的午餐呢！

食飽了我有大PROJECT要做

提外話：上星期新請了一個新同事，LEE個同事仔見工時正正常常，有問有答！但由第一天返工已經覺得佢有點不正常，唔多出聲，問野又冇反應，重點係問佢乜都笑一餐，仲要唔正常咁笑，有時仲要大笑......真係好恐佈呢！

今日LUNCH前我叫佢拎件文件去銅鑼灣，諗住同佢CONFIRM一下的資料，講講下佢竟然將份文件比番我，重點係一句野都冇講過，跟住仲要想離開......嬲爆了

經過同老闆相量後，我們決定要解僱他

LUNCH回來後，我已經準備了有關信件，並通知他已經被解僱，但他好似收不到我的MSG，比左信佢後就叫他執好野就可以離開，但他一路坐喺位又唔出聲又冇意識去走......佢想點呀？

結果我要警告他，若果他還不離開，我會報警

結果......我真係要報警，警察來了，他還是不肯走，仲係好似之前咁，十問九不應，事情終於搞左成個幾鐘，最終佢都係離開了.....煩死人

其實我地真係想比機會佢，但他真係不願與我們溝通，我們又可以點呢？希望他能找到他想做而又開心的工作啦！

搞掂好LEE單野後，我又要做埋D手尾喇

收工後就返屋企DINNER LA

食飽飯後，媽咪煲了《鴨仔茶》比我飲

 希望飲左LEE碗野，一覺醒明天會好返啦

我都要早D瞓喇！

GOODNIGHT

瑤柱皮蛋瘦肉粥

我真係好鍾意食粥架

好多時諗唔到食乜就會煲粥食

個人覺得粥係好容易煲架

材料：

米 1飯碗

瑤柱 5-8粒

瘦肉 約15-20元

皮蛋 2個

生菜 1棵

薑絲 適量

 

 

做法：

1. 米先洗淨，將米放入保暖杯再放入熱水至滿蓋上，大約焗1小時，備用

2. 瘦肉切絲，加入豉油及水略醃備用

3. 瑤柱浸軟備用

4. 皮蛋洗淨切粒備用

5. 生菜洗淨切絲備用

6. 將已浸泡的米放入煲再加入適量熱水煮滾，加入薑絲及瑤柱及水再煲滾

7.  加入瘦肉絲及皮蛋，轉細火煲至粥至綿

8. 最後加入少許鹽調味再加入生菜絲即可

都是要吃藥

今朝起身仍然覺得唔太舒服，尋晚飲左的鴨仔茶好似唔多WORK喎！都係要面對現實食藥吧啦！

希望食左藥D鼻水真係會停啦！

返到公司又煲個粥食先

 用料十足架

《皮蛋瘦肉粥》

 個粥真係好甜美架！

因為煲多左叫埋契仔媽過黎開餐，佢食飽飽當然返去繼續工作啦！

做下野又收工LU

放工當然返屋企DINNER啦

食飽飽又同小波子落街散散步，散完步出一身汗又真係幾舒服喎！

見仲係有少少鼻塞塞就整杯煲檸樂加薑飲下啦

落左好成個LEMON，好好飲呢！

飲完食埋藥就早D瞓LU

病人通

我覺得通粉應該係病先會食，平時冇病冇痛係唔應該煮通粉架！
就算早餐都唔應該食通粉架！

但偏偏我家小弟就好LIKE食通粉，原因係一個字懶囉！
因為通粉淋淋地，唔係咁需要咬麻

有個星期日佢叫我煮比佢食，咁 我就簡簡單煮個火腿螺絲粉佢食啦！
但又唔可以冇菜麻，咪切少少生菜絲囉！

材料：
螺絲粉 1小碗
火腿片 1片
生菜絲 適量

調味：
鹽 半茶匙
麻油 少許
胡椒粉 少許

 做法：

1. 先將螺絲粉用清水煮約5-7分鐘，用冷水過冷河

2. 煲滾一小煲水，放入火腿及螺絲粉，待滾後放調味

3. 放入生菜絲，熄火即可