新年快樂

大年初一

祝大家

新年快樂！

身體健康！

心想事成！

今朝瞓到安樂醒，跟住就扮定靚靚等家姐佢地黎拜年

一早就收到BELLA豬同EE拜年喇

家姐佢地番黎同媽咪老豆拜完年食埋個HAPPY LUNCH又要準備出去LU

我地要去細舅父屋企團拜呀

新年當然要著得鮮色D啦，係咪好靚靚呢！HEHE

 去到舅父屋企真係好熱鬧呀！人又多狗都唔少架！

舅母好有心機裝飾呀

 

MACHI真係好得意呀

MACHI雖然好大隻，但好乖仔架

喺舅父屋企玩完一輪，又要出去DINNER LA

我地出發去又一村會食飯

新年都係食一圍圍的餸啦

 好似元寶的鮑魚

 仲有好多翅

真係食到好飽飽呀！

因為好早就食飯，所以返到屋企都係9點幾

但要快D比波子食DINNER喇

年三十晚

大家收爐未呀！

我就收左兩日喇

尋日同大少奶食完個團年LUNCH以為要新年後先再見，點知一日後我地又見喇

我地又一齊食LUNCH LU

餐包~~~味道唔錯

 忌廉薯仔湯~~~夠熱，不過不失

 吞拿魚乜乜意粉~~~味道普通啦，試一次便夠了

白汁菇菇意粉~~~味道OK喎，唔差咁啦

食飽飽又行一陣就返屋企喇

返到屋企就同小波子同肥BEAR去公園玩喇

 真係玩得好開心呀

玩完真係好倦呀

 返到屋企清潔完又要出去LU

我約左家姐出去食野同行下

唔想太迫就是但去德褔行下

去德褔就去食南小館

BELLA豬可以自己坐坐喇

香炸小黃肉~~~外皮炸得香香的，但肉質仲係好嫰滑的

 酸辣湯~~~好細碗喎！味道不錯

醬燒骨~~~是冷盤唔係熱的，細細粒味道好好喎

涼拌雲耳~~~酸酸的，好醒胃，雲耳好爽口

麻醬雞絲粉皮~~~好味喎

香炸雞扒菜飯~~~雞扒炸得好香脆，肉質仍好軟滑，菜飯都好味喎

炸銀絲卷~~~香脆的外皮，軟軟的內心，配上揀奶，正呀！

紅油炒手~~~醬汁微辣，雲吞好味，細細粒一口一粒

湯水餃~~~湯底清清的，水餃味道不錯，皮薄薄的

小籠包~~~皮薄餡靚，湯汁豐富

生煎包~~~底部煎得好香脆，包內肉汁好多喎

生煎鍋貼~~~好味喎！肉汁又係好多喎

排骨膽膽麵~~~排骨好鬆軟，膽膽麵湯底有少少的麻香

真係食得好飽飽呀

跟住就去行下街街喇

行左一輪又買左野就返屋企沖涼瞓覺喇

餐廳資料：

Italian Tomato Cafe

地址：官塘APM商場C-41號舖

電話：3148 1284

南小館

地址：九龍灣德褔廣場一期G53A號店

電話：2348 2299

年廿九

今日開始放假就瞓到安樂醒，起身已經係11點幾喇

要快快換衫出去喇

我今日約左大少奶去食個HAPPY團年LUNCH呀

我地約左喺APM，近近地唔洗去咁遠，因為新年前周街都係人

我地今日去食泰菜《御泰坊》

 叫左個二人SET LUNCH就有以下一堆食物喇

咖喱豬頸肉~~~咖喱好重椰汁味，OK啦

炒什菜~~~菜菜都算新鮮，炒得唔炒GOOD

小食拼盤

香葉包雞~~~香葉打開竟然唔係雞肉，係雞肉餅NO GOOD

串燒~~~太乾了

沙律~~~OK啦！唔差咁囉

個類似草菇炒牛肉的餸，芡汁太多了，味道絶對唔泰式囉 

 送的甜品，一個字"差"，兩個字"難食"

食飽飽兩個人行左陣就各自歸家LU

返到屋企休息一陣又要出去喇

我要去做耳穴呀

真係好痛痛呀

睇下今日著靚靚同SUZAN同冬冬DINNER

針完耳仔就落阿宜到拎埋件靚靚褸就去DINNER LA

約左佢兩個去太古城間RUBY TUESDAY

Ribs & Chicken Wing
Ribs~~~揀了蜜糖味，味道剛好，肉質也不錯
雞翼~~~選了辣味，外皮辣辣脆脆的，肉質滑滑的GOOD
芝士煙肉焗薯條~~~好香芝士配上外脆內軟的薯條yummy

墨西哥乜乜意粉~~~忌廉汁做得不錯喎，但意粉"林"左D

自助沙律~~~砌得好靚喎！OF COURSE LA我砌的麻HEHE

我的藍莓檸檬什飲~~~味道好FRESH，好醒胃呢

真係好飽呀！

食下傾下又個偷快的晚上

好夜喇！我地要返屋企SLEEPING LA

餐廳資料：

御泰坊

地址：觀塘APM商場4樓1-2號舖

電話：3580 1660

RUBY TUESDAY

地址：太古太古城中心一期5樓505號舖

電話：2907 1133

洗邋遢

年廿八洗邋遢

大家今日要唔要洗邋遢呀？

今朝收到BELLA豬的食菜菜開心相呀

真係好HAPPY WOR

下晝整下LEE整下路又要出去LU

今日年廿八洗邋遢，我又要去洗邋遢呀！不過係同塊面洗邋遢

今日做左個8合一FACIAL，真係做完乾淨哂

過年前的工作天

新年前的最後一個星期一

返埋今日就放假喇，我的8天假期就開始LU

返到公司做埋D手尾，基本上係冇乜野做HAHA

LUNCH同同事落左樓下飲茶，見到蠔仔粥好想食呀

味道不錯喎，蠔仔都幾肥美下GOOD

仲食左芋角添，宜家好似好少酒樓有芋角食LU

LEE度D芋角做得不錯，又唔會炸到好油，正

其實仲叫左唔少點心，總括都唔錯

食飽飽就返公司做下野喇

話咁快就收工LU

收工後就返屋企DINNER LA

DINNER後就同小波子去行街街LU

團年飯

尋晚追劇，搞到好夜瞓

所以今朝好晏先起身

起身後就約埋豬BEAR去公園玩LU

睇下有得去街街，好緊張呀！

 去到公園放電，勁跑呀

 

跑完玩夠就去姐姐度沖涼LU

襯兩隻野去左沖涼，我地就去搵食LU

我地落左九龍城食《小曼谷》

泰式清湯牛腩金邊粉~~~個湯底好清，牛腩好"林"仲好入味，而且仲有好多呀！　

 泰式清湯牛丸金邊粉~~~牛丸係牛筋丸，好味

 芝心炸蝦丸~~~拳頭咁大粒，熱辣辣好好味，蝦丸做得好彈牙

食飽飽行左陣吉之島跟住就接番兩隻野就返屋企LU

返到屋企整少少野，比埋波子食飯，又要出去喇

今晚屋企食團年飯呀

響螺雞湯~~~個湯超甜呀　

 陳皮蒸鮮鮑魚~~~蒸得剛好呀

 芝士龍蝦~~~龍蝦肉好爽口又鮮甜，伊麵底又好OK喎

紅燒元蹄~~~好味到不得了呀！D肉係化哂架，仲非常的入味

 

清蒸斑斑~~~蒸得剛好，魚肉好滑

 東坡肉~~~家姐E最愛的菜式，又係心機之作，師傅做得好好味呀！

 咕嚕肉~~~味道剛好，肉外脆內軟GOOD

豉油王煎大蝦~~~蝦肉真係好爽口，配合好香的豉油，正

 中式牛柳~~~牛柳好"林"呀

 腰果西芹炒蝦仁~~~又係好味

豉油雞~~~雞肉好香好滑

 薑汁炒芥蘭

蒜蓉炒豆苗

 仲有好靚的生果拼盤

 BELLA豬同表姐玩得幾HAPPY

 食飽飽就返屋企LU

 出左一日街真係好倦呀

餐廳資料：

小曼谷泰國美食

地址：九龍城南角道8-10號

電話：2716 7828