車車的快樂日誌: 12月 2012

2012年12月31日星期一

2012 BYE BYE

今日係2012年的最後一天呀
今日好凍呀！
大家有冇著多件衫呀

大家又有冇諗定今日有咩節目呢？
大家今日有冇得放早呀？

今朝雖然好凍，但我都起到身返工呀！

返到公司做左陣野，就同同事出去食LUNCH喇
去左附近間酒樓飲茶

飲完返到公司一陣就收工LU

我首先入左契仔媽到食個TEA，順便拎埋條卷蛋比契仔媽

我地是但去左間茶餐廳食粥&麵，跟住就去吉之島買扒LU
個吉之島好似唔洗錢咁呀！超多人呀！

返去同契仔玩左一陣就走LU

因為約左家姐E去家姐C到BBQ呀
為免塞車我選擇搭西鐵呀！

經過市買左大眼雞同番薯就去家姐到LU

燒呀燒

HAPPY NEW YEAR

2013年希望各樣都順順利利，身體健康！

回望2012及展望2013

回望2012當然有開心的有傷心的有感動的有歡欣的啦

過去一年我都仲係單身

今年其實冇咩大事發生過

喺3月開始左我寫BLOG的人生，記錄左我每天的趣事

4月踏出左一步去左紅線去找我的另一半，當中認識了好幾位男仕，但都不能開花結果

6月時跟一位男子開始但最後無疾而終，但當中我亦學懂好多事情真的不能勉強

工作上今年真的好開心，老闆給我都自由度令我每天都過得很快樂

今年認識了好幾位新朋友，希望能繼續的開心快樂瘋下去

屋企今年雖然發生了很多事情，但希望我們這一家繼續的快快樂樂，齊齊整整
細佬快的生性，唔好再要屋企人擔心
大家姐一家，生活愉快
二家姐一家，生意興隆，事事順境
三家姐一家，身體健康，生個肥肥白白的叉燒B
媽咪老豆就身體健康
我自己就快D可以搵到我都MR RIGHT都工作繼續順意

新年快樂！

2012年12月30日星期日

自家制

尋晚睇完戲返到屋企都兩點喇！

出面又凍凍地，最好的節目當然係喺張床到暖笠笠啦！

瞓到差不多12點起身，天氣凍凍地不如帶波子仔落街跑下步啦！

跑完返黎我就去買雞皮返黎整卷蛋喇

整好左個蛋糕底後就同家姐E同帶埋BEAR BEAR去九展睇車喇

行左一轉就返屋企食飯LU

返到屋企個卷蛋底都凍哂喇，就打埋個CREAM卷埋個卷蛋先

媽咪今晚整臘味糯米飯呀，睇下食左係咪真係會暖D先

之前買左個FISSLER高速煲比媽咪，宜家媽咪煲湯炆野整乜整物都用佢，仲話好好用添

等我得閒又玩下先

媽咪仲炸埋花生配糯米飯呀

真係好凍呀！宜家得8度炸，真係凍死人地個女呀！

2012年12月29日星期六

吃喝玩樂玩樂SATURDAY

又到星期六LU

天文台話今晚氣溫會急降至13-14度呀！係咪真架

瞓醒約左家姐E去食野食完行一陣買下野就返屋企同隻衰BEAR玩一陣喇

比埋DINNER佢食我地就出去醫肚喇！

成日食野食到周圍都係呀！

出面好大雨呀！我地出左太子七喜野，食完就去睇戲LU

我地買左飛睇《無敵破壞王》

都幾好笑，唔錯

睇完散場都12點喇！出面真係凍左好多呀！
家姐仲話要去食D野先返屋企呀！
是但去左銀龍食少少野就返屋企喇！

2012年12月28日星期五

悶悶的

今朝返到公司好努力做埋D野

因為月尾真係會比較忙，忙乜乜物物囉！

今日唔知點解，仲係悶悶地咁呀！

收工落左旺角拎野，跟住就行左一陣，見又唔係咁肚餓，見想食糖水
就去左食碗紅豆沙喇

平平無奇的紅豆沙加左蓮子，好好味呀！

返到屋企沖埋涼就瞓LU

2012年12月27日星期四

難得齊人

今日又變返暖暖的呀！
搞咩呀！都12月啦仲係暖暖的，凍又只係得幾日喎！

不過今年的冬天的天氣真係好奇怪呀！

今朝返工好多野做呀！首先就係要追番LEE幾日的BLOG啦！

正經野當然都要做啦！好努力地做左成個朝早，下晝就可以整下自己野喇！HAHA

今晚約左D同事聚一聚呀！香港同事真係難得齊人呀！
我一早已經BOOK定枱，BOOK左兩間比同事揀
最後揀左食日本野

一坐底就先叫左盤刺身拼盤，睇下幾豐富！
刺身都幾新鮮，唔錯！

D壽司都OK喎！

至於其他食物都好好味，就係因為好好味所以掛住食冇影相！HAHA

食飽飽番到屋企都未夠十點呀！

沖埋涼上床瞓覺都波子玩一陣，點知個衰仔一上張床就好似好眼瞓咁呀！

GOODNIGHT LA！

餐廳資料：
滿屋日本料理
地址：銅鑼灣廣場二期8樓
電話：3622 3366

2012年12月26日星期三

BOXING DAY TEA 一 TEA

今朝終於都瞓夠起身喇！

瞓醒見冇嘜野搞就帶波子落街跑跑啦！

之後就返屋整下野之後就出去LU

約左CONNIE去大坑食個TEA呀！
好耐冇見喇！朋友係要見架！HAHA

我地喺大坑兜左個圈，就決定食越南野喇！

雖然係TEA時間，但我地兩個都未食LUNCH，所以就叫左一個火車頭河粉SHARE
味道都OK，好才係SHARE如果唔係一個人都幾難食得哂！
味道都幾好，不過應該都幾勁味精，因為之後超口渴呀！

仲叫左沙嗲雞肉串燒，我覺得麻麻地，不過個沙嗲醬就VERY GOOD喇！

食完我地行左一陣同傾下計，又行左去希慎兜左個圈，因為太口渴喇行左去義順飲左杯木瓜鮮奶就搭車返屋企LU

家姐E打黎話返屋企打邊邊呀！叫我去買少少野，買埋少少野就返屋企LU

家姐E拎埋平安夜食剩的雞翼落黎，咁就放入焗爐焗熟佢啦！

好飽呀！好飽呀！

食飽飯仲有飯後果，山竹同菠蘿！正呀！

餐廳資料：

火車頭越南餐室
地址：大坑浣沙街11號地下
電話：2882 8227

2012年12月25日星期二

Merry Christmas

Merry Christmas!!!!

祝各位聖誕快樂！

尋晚玩到好夜先返到屋企，成四點幾先瞓呀！所以好眼瞓呀！

瞓到11點到起身，跟住就出去喇

因為約左兒甥們去太子食野呀
並唔係食D咩特別野，而係食兒甥A推介的吉列豬扒通粉呀！

我地就食兒甥推介的特餐，揀吉列豬扒、火腿奄列多士拼通粉

塊豬扒超大塊，而且仲炸得好香脆&仲KEEP得住D肉汁呢

睇下兒甥們食得幾開心！

另外仲叫左奶油豬同埋豬扒包，都幾好味喎！

食飽飽行左一陣旺角就搭車返屋企瞓下先，因為真係好眼瞓呀！

返到屋企同波子一齊瞓左個甜美的晏覺

瞓到差不多5點就起身LU

真係老喇！瞓左個晏覺都好似COVER唔到咁呀！

DINNER簡簡單食左少少野，今晚都係早D瞓喇！

餐廳資料：
澳門大豐新翠苑餐廳
地址：太子花園街228號地下
電話：2309 1660

2012年12月24日星期一

平安夜

平安夜

今朝好凍呀！咁先有聖誕氣氛麻

今朝好努力做埋D手尾，3點就收工LU

收工前先送D餅餅比細佬先，再去海鮮店買左D花蟹同象拔蚌仔FOR今晚BBQ燒的

拎住D海鮮去家姐E到先，同BEAR BEAR玩左一陣就返屋企拎車出發去BBQ

今晚去大尾篤蘇菲屋企燒呀！

睇下幾多野食！YUMMY

雖然冇天文台話咁凍，但可能係郊區都好凍下喎！

睇下隻蟹蟹幾大隻，好好味呀！仲好甜添

燒到大約2點就入屋打麻雀LU

喺走時發生了一則笑料，就係MARCO隻鞋比狗咬左一隻鞋呀！
結果佢要著住對MGM的拖鞋走！真係笑到標眼水呀！

返到屋企都4點幾喇！好眼瞓呀！

2012年12月23日星期日

行程緊密的一天

今朝又瞓到日上三竿先起身呀！

約左家姐E同媽咪老豆去飲下午茶，去左鱷魚恤中心間玉桃苑飲呀！

食飽飽就去買手提電話比媽咪，係家姐E同細佬送比媽咪的聖誕禮物
老豆就話要買部收音機喇！

買完就約埋BEAR BEAR去球場跑下步喇！
買夠就去洗白白喇！

放低在兩個小鬼，我地就去左搵TETE，初初諗住幫包包剪指甲，點知因為工人姐姐放假唔知D指甲鉗就喺邊呀！OH

大約7點可以去接番兩隻野喇！先帶左佢地返屋企，我地再出去食飯

家姐C未食過喜記，一於再去食啦！

今日食雞雞蟹煲，好好味呀！

雞雞夠入味，蟹蟹又夠甜喎！

避風塘茄子~~~好香脆但一點也不油呀！

小炒王~~~今日係四季豆，同樣的好味！

即炸響鈴~~~NICE

食飽飽就去左APM滿記食糖水就返屋企LU
外面好凍呀！

正呀！最鍾意凍凍的天氣架！

2012年12月22日星期六

返風呀

天文台話今晚會返風呀！
大家記住要著多件衫唔好冷親呀！

今朝瞓到成11點起身，跟住整下野，HEA下
見　唔係咁凍就去洗下架車先！好耐都冇洗過車喇
又執下車尾箱D雜物

跟住就出去旺角買番個欖枕先
行左一陣花園街，買左欖枕去埋日本城買埋膠箱就返屋企LU

喺車場整理埋D雜物就返上屋企LU

DINNER簡簡單今左D菜就算LU

家姐G WHAT'S APP左兒甥們幾年前的聖誕相，真係好好笑呀

SO SWEET

2012年12月21日星期五

冬至

今日係冬至呀
老人家成日都話做冬大個年呀！

不過我們這一家一早做左節喇！所以今晚就唔洗同一迫喇HEHE

今日唔知做嘜，天氣好熱呀！完全唔洗著褸呀！
不過聽日開始又會轉冷喇！

公司已經早一日做左節喇！

今朝一早起身去送貨呀！送D雪人去舊公司呀！因為HANDSOME幫我落左ORDER送比佢D下屬呀！GOOD BOSS

跟住就返工LU

雖然今日會收早，但都要食LUNCH架
食咩好呢！做冬食好D啦！

《蟹粥》

真係超級甜美呀！

用左四隻蟹去煲三個人的份量，真係好好好甜呀！仲落左大量葱同芫茜！正呀！

食飽飽，過多一陣就放工LU

我先落左旺角拎GROUPON野呀！
痴線架！超多人呀！等LIFT都等左成半個鐘呀！

一次過去三個地方拎哂野就諗住搭VAN仔返屋企啦！
嘩！發生咩事呀！條隊打哂蛇餅呀！又等左成半個鐘都未見曙光呀！
終於先到的士，不過又塞車！激死

終於都返到屋企，放低D野就出去食飯喇

家姐E話去喜記食呀

今日去冇食雞煲呀！因為媽咪同老豆都麻麻地，所以就叫餸食算了
6個人叫左8碟餸

《鐵板炒芥蘭》~~~好香呀
《小炒王》~~~送酒一流呀