全天候食食食

尋日落左一日雨，係超大雨果隻
今日終於叫做好D了

起身已經係中午了，又要準備出去喇
早幾日已經約定左紐紋要去BBQ
雖然個天仲係天陰陰但也不會打消我們的念頭

大約2點就到燒烤場了，要快D動手了，好肚餓呀

 燒雞翼，我鍾意食

不停的燒不停的食，時間過得真係好快
燒到大約7點就走LU

跟住我仲要去會合我兩個家姐去食大餐呀！
唔係，家姐C話食清清地去食碗翅喎

我地今晚選擇左去官塘間《陶源》，貪佢靜靜地唔多人

佢宜家做緊個滙豐信用卡套餐好抵食喎！
4人鮑魚晚市套餐5折優惠，原價$1975，宜家$998，份量仲十足架

我地4個大人1個小朋友叫左LEE個套餐再加多兩個小食，己經飽到抱住個肚，仲要打包添呀
兩個小食燒腩仔，涼拌雲耳
燒腩仔細細件好香脆，肥瘦均勻
涼拌雲耳加入了少少芥苿，少少辣辣地更好味呀

我們的四人套餐，睇下有咩食先

 原隻鮮鮑魚拌玉掌
鮑魚同玉掌都炆得好入味仲好"林"添呀

因為燉湯已經賣哂，所以我地加左$338換了這個足八兩雞燉翅

睇下幾足料，個雞湯底真係燉得超濃郁呀！仲超重膠質呀，飲完感覺皮膚也充滿骨膠原呀！

翡翠百合炒日本元貝
粒粒元貝都5蚊咁大架，鮮味十足

 彩塘大蝦球

蝦球配上蟹子沙律醬，一個好MATCH的配對，蝦蝦下面仲放了一小件菠蘿，更可提升蝦蝦的鮮味

頭抽脆皮黃金雞
雞肉做得好軟滑，皮也炸得好香脆，而且隻雞雞又唔會好肥喎

粒粒田園泡菜苗

石窩鮑魚雞粒炒飯
原本跟餐係荷葉飯，但已經賣哂，所以就轉左LEE個石窩飯喇
飯炒得好乾身，用料又十足，放在石窩可以保持溫度，GOOD！

 生磨蛋白杏仁茶、鮮果拼盆
杏仁茶好香的杏仁香，蛋白也很嫰滑
西瓜同菠蘿都超清甜，絶對唔係浸糖水的甜呀

一頓豐富的晚餐後，真係要行一陣消化下呀

我地去左APM間吉之島行左一陣就歸家去了

真係吃個不停的一天呀！

餐廳資料：
陶源酒家
地址：官塘開源道興業街1號駱駝漆中心1樓
電話：2366 8108

長命雨

今朝一起身就見到出面仲落緊雨呀！
放假先黎落雨，仲要係落唔停果隻呀

約左家姐E車佢地去拜山呀！
要先出土瓜灣買衣紙再入大圍寶福山
D雨越落越大，點解可以落咁耐架

拜完山就要搵野食喇
今朝到宜家都未食過野呀，好肚餓呢

我地揸番去九龍城搵野食，外面落緊大雨唔好週街走喇，都係留喺商場入面搵食算了

《江南美廚酒家》
原來已經係兩點喇，仲有下午茶，好抵喎
可以揀一個麵食再揀一個小食

酸辣湯湯麵~~~夠熱，酸辣湯味道剛好，LEE個麵幾好食喎！

 蘿蔔絲酥餅AND煎鍋貼
兩個都係即叫即整的，所以好熱辣辣
鍋貼仲充滿肉汁添

青菜煨麵，超大碗呀

炸春卷AND小籠包

雪菜肉絲湯麵

担担麵

一個下午茶餐先係$42，真係好抵呢！

如果唔係假期就$36
雖然價錢咁平，但味道一D都唔差呀！

食飽就歸家去休息下喇

返到屋企同小波子玩下先

原本諗住今晚出去食飯的，但出面真係太大雨喇
都係喺屋企是但食D野算了

餐廳資料：
江南美廚酒家
地址：九龍城廣場1樓126號舖
電話：2798 8921

復活假的第一天

一連四天假開始喇

尋晚飯局的味道仲停留在我的味蕾呀

媽咪今日起一連四日去左旅行呀！
我瞓醒已經係11點幾喇，整下野就約家姐E出去食野同行下喇
出面個天係灰灰的，但又未至於落雨咁

我地先去大埔食魚蛋粉，行左陣一田就搭車落旺角LU
行左陣花園街，再去寵物店買牛奶骨比波子
先返屋企放底D野，餵波子食晚飯就到我地諗諗食嘜喇

家姐E話要去藍田買BB的洗衫液呀，咁就去藍田搵食啦
口點知去到賣BB洗衫液的店舖已經收左LU，真運吉

咁就去搵野食啦

見LEE間好似幾好，一於試下啦

 石窩燒香辣海鮮手打烏冬
同相片真係有好遠的距離囉！
味道一般啦，畢竟係55大元的貨仔，不能太高要求

 炸雞軟骨、炸蝦餅
雞軟骨好乾身好脆口，但蝦餅一點蝦味也沒有只吃到粉

 燒石鍋蒜香牛肉飯
這個是大人氣食品，但真的不太明白為何會大人氣
佢唔係難食，但又唔會係好好食囉，而且賣相也不是太吸引吧

加州卷、三文魚壽司

 燒芝士海鮮菠菜千層麵
這個真係唔好食，雖然料都算多仲好多魷魚添，但那個所謂白汁真係好難食
仲有個面係燒芝士，但担白說一點芝士味也沒有

芥辣魷魚、牛肉炸薯餅

燒石窩鰻魚飯
飯是炒飯可以的，但鰻魚可能燒得過左火，好乾同好硬呀

 其實這個價錢，我也不會要求太多，不會難食便可以了
但服務態度真的要好好的改善下，坐底後我們想點菜，服務員竟然答，我唔識落單我新來的，你新來不是錯，但唔係咁答客人囉

之後來了一位經理幫我們點菜，這位經理的態度還比那位新來的職員更差，黑口黑面好似我們欠了他的咁，但不得不讚賞一下，有一位戴黑框眼鏡的男職員，他的態度真的超好呀！

如果一間食店能有好的服務態度，食物質素就算是平平，也會客似雲來的！

食飽飽外面開始落雨了，仲要越落越大呀！
快D返歸喇！

外面超大風呀！連窗都開唔到呀！

餐廳資料：
富田和食亭
地址：藍田啟田商場2樓207號舖
電話：2727 0063

飯局

天氣真係不太好呀！
情深深雨濛濛咁呀！

今日好似好忙碌咁，有好多野要安排，可能因為係假期前席的關係呢

LUNCH想食得清D，於是食個清清地的鮮果沙律

 奇異果，APPLE同蛋白，好健康呢

食飽飽又要努力工作了

今晚約左事頭去飯局，我地約左先去銅鑼灣行過圈
外面落緊雨又唔想再行就去ZOE飲杯野啦

好好飲的凍古古力，好香濃

 每人最低消費50大元，其實也不難，一杯飲品已經過啦

 時間差不多了，出發去飯局

今晚飯局的地點係RaIronMen
清酒、炸米餅

蟶子凍 Bamboo clams topped with radish
一個好清新的食法，蟶子好鮮味配上冬菇、蘿蔔蓉、枝豆，作為前菜真係VERY GOOD

手作有機豆腐 Homemade organic tofu
豆腐好滑滑，仲有好香濃的豆香，配上海膽、魚子醬同三文魚子

 海膽燉蛋 Sea Urchin Chawanmushi
蛋蛋蒸得好滑，時間真的剛好
但個人唔太喜愛蒸熟了的海膽，因為有點"鞋"
燉蛋內有銀杏、冬菇同木魚啫喱
我好鍾意個燉蛋碗呀，好似一個蛋殼的形狀，好想帶佢返屋企呀

 和牛壽喜燒 Beef Sukiyaki
不得了呀！件和牛好味到除了好味唔知講咩好呀
件和牛真係入口即溶咁呀！
我宜家仲好掛住件牛牛呀

 赤麵豉鵝肝煮 Goose Liver "Oden"
鵝肝我覺得煎得唔夠香，不過其實都好好味的
下面的蘿蔔煮得好入味好清甜

 特色拉麵 Innovation twist ramen by Chef Nori

凱撒沙律 Caesar Salad
一個好特別的湯底，真係冇諗過Caesar Salad用喺熱熱的湯裡會咁吸引，我唔識用字眼去形容，不過真係值得去試一試
配料係煎得好香的豚肉，一味油膩的感覺得冇架！YUMMY

A5級和牛 A5 Wagyu Beef
湯底是牛肉湯底，好香濃的牛肉香味，但一點都唔油架，仲好清添
拉麵一半是湯煮，一半是炸過的，雙重口感！正呀
配料當然是和牛啦，同樣的美味，同樣的香濃的牛香呀！

阿拉斯加帝皇蟹腳 Alaska Crab
雞湯配上牛油，LEE個湯底不得了，真係唔飲哂佢有感覺得對不起自己呀
燒得非常香甜的粟米配上鮮甜的蟹腳

雖然食到LEE PART已經飽到行唔到了，但見到這美味的食物又怎能抵抗呢

一頓美味的飯局當然唔會少了甜品啦
甜清酒慕絲 Sake Mousse
好輕好滑的Mousse配上紅豆

雪糕棒棒糖 Ice Cream Lollipop
脆脆的朱古力包著濃濃的綠茶雪糕

開心的時間過得特別快，時間已經係11點喇！

外面落好大雨呀！真係要快快歸家喇！

今晚真係食得好滿足好HAPPY呀！
多謝哂事頭的邀請呀！THX

餐廳資料：
Zoe Cafe
地址：銅鑼灣開平道4-14號新寧閣地下6號舖
電話：2234 7188

RaIronMen
地址：銅鑼灣新會道4號地下
電話：2808 2728