吃不停的SATURDAY

尋晚煲劇煲到零晨4點呀！係冇錯呀，係零晨4點呀
諗住今日放假冇所謂啦，可以瞓死都唔怕麻

但千算萬算都算唔到隔離屋裝修呀，晨咁早就喺度鑽地呀！
搞到晨咁早已被噪晨了

但真係好眼瞓喎！都係瞓啦！唔好理喇！
瞓到大約11點起身，食左個蘋果就出去了

約左契仔媽食LUNCH呀！
諗唔到食咩好，就是但去左譚仔食米線，跟住再去食雪糕
《抺茶館》
紅豆白玉抺茶雪糕

抺茶雪糕

D雪糕好滑好濃味，食物質素OK的，但服務真係有待改善喇
每位服務都係冇嘜反應的，尤其係個店經理呀！
唔改善的話，好快會被淘汏的！

食下傾下都已經5點喇，我都係時候要走去下場喇
我搭車落番荃灣，不過先去南豐中心的ORANGE買D野先

跟住就去千色店會合家姐E去食大餐喇
我地又去石圍角邨的飯堂食飯喇

先來個自家靚湯《響螺蟲草花煲雞》
個湯煲得超甜同超濃呀！無得頂呀！我足足飲4碗呀！

刺身~~~象拔蚌、帶子同北寄貝，超新鮮呀！

清蒸羔蟹，D羔真係超級勁多呀！
好鮮味呢！

 金翠豆腐、白灼冬風螺

上湯龍蝦伊麵底~~~D龍蝦肉超彈牙呀！不得了呀！

 陳皮蒸鮑魚，好好味呀
你睇隻鮑魚碗咁大隻架！

北寄貝炒西芹、花甲秋刀魚丸煮白菜
食到LEE個時間已經飽到食唔落喇！好飽呀！

仲有生果拼盤呀！好好好味呀

 真係飽到行唔到呀！

點知家姐仲話要去元朗食B仔涼粉呀
去到都係10點幾，不過超多人呀！
家姐想食榴槤PANCAKE不過已經售罄了
咁芒果啦！都係冇的，太失望了！
最後叫了楊枝金露啦！
都幾好味，D芒果都幾甜！

 仲叫左腸粉同雞翼尖食添！真係好飽喇

食飽飽真係要歸家喇！

返到屋企剛剛灰姑娘時間，沖埋涼就瞓LU 

餐廳資料：

抺茶館 MACCHA HOUSE
地址：屯門市廣場2期UG樓21號舖
電話：2682 0969

佳記甜品
地址：元朗教育路大坑渠側
電話：2473 3148