驚蟄

今日係驚蟄日呀！
大家身邊會唔會都有小人需要打一打呀！

 其實身邊難免會有小人的，只要大家做事小心D，好多事都可以避免的

睇開報紙，有講開有關驚蟄的資料，大家有需要的話可以參考囉！

「驚蟄」又稱「白虎開口」

今晚是『打小人』的最佳時機，尤其是今天「犯太歲」的生肖《虎、猴、蛇、豬》最『犯小人』

《打小心口訣》
打你個小人頭，打到你一世無出頭
打你個小人耳，打到你俾人淋狗屎
打你個小人口，打到你有氣冇定透
打你個小人胸，打到你變了豬肉鬆
打你個小人肚，打到你人老錢又冇
打你個小人腸，打到你放屁特別響
打你個小人手，打到日日搽跌打酒
打你個小人腳，打到你情人節冇人約


其實我都覺得個口訣幾好笑，不過個人覺得以上這些習俗知道就得了，不能夠盡信呢