FATHER'S DAY

係咪因為尋晚落左雨，今日就 冇咁熱呢

朝早起身跟住又瞓返，結果成12點幾仲要家姐E打黎先醒呀

起左身就同波子玩下跟住睇下電視又準備出去LU

原來著淺灰色LEGGING都OK喎！

同BELLA豬去探兒甥BELLE呀

BELLA豬見到表姐好開心喎

 玩到大約5點就要出去食父親節飯喇

 我地去左銅鑼灣間鼎泰豐

我地去到都未夠6點，但人已經好多了

等左10分鐘就有位喇，仲安排左間獨立房比我地添，太好了

 燻魚~~~味道甜甜，肉質實實地，味道唔錯

蒜泥白肉粉皮底~~~個汁調得好好味喎，粉皮吸哂D汁，好味

 涼拌雲耳~~~真係好涼喎，雲耳酸酸地又夠爽喎

涼拌豆干絲~~~又係酸酸地醒胃之選

乾扁四季豆~~~原來唔係熱的，唔會太油，細細碟

花雕醉雞~~~雞肉好嫰滑，酒味都夠濃，NICE

 菜肉VS香菇蒸餃~~~同樣皮夠薄，餡料夠豐富

蝦仁炸春卷~~~相信係即叫即炸的，上枱時好熱辣辣的，味道冇乜特別

川椒雞雞~~~辣辣地架，雞肉脆脆地而不乾，雞肉底下的葉炸得脆脆地，好味

小籠包~~~皮薄餡靚，湯汁又好豐富喎

 菜肉湯餃~~~皮好薄，餡料都夠多，湯底好清，其實係冇乜味HEHE

 鮮蝦肉紅油炒手~~~味道不錯，微辣

 紅燒牛肉麵~~~微辣，小朋友食唔到的，牛油炆得夠"林"，湯底好香濃，麵質都不錯

 排骨蛋炒飯~~~排骨炸得好香，有肉汁的，飯炒得好乾身，味道好

台式擔擔麵~~~麻醬夠香，但好似冇肉碎喎

蒜蓉炒菠菜~~~油左少少，味道OK

 台式酸辣湯~~~超多料，都幾辣架

我地食飽飽埋單都係7點鬆D，係咪好快呢？

 

跟住陪大家姐買電話，跟住就快快歸家喇

小波子仲未食飯呀......

睇下電視又瞓LU

餐廳資料：

鼎泰豐

地址：銅鑼灣怡和街68號地下

電話：3160 8998