唉！我成晚都冇瞓過呀！
我的小波子病倒了，佢都差不多成晚冇瞓呀！
你睇下我的小波子幾可憐......嗚！
話說尋晚大約12點幾，小波子突然嘔，嘔哂夜晚食的狗糧
因為平時佢都會嘔，所以都不以為意；因為平時佢食得太飽都會嘔，但一般嘔完都會冇事的！
咁佢嘔左就繼續瞓覺啦！但同平時有D唔同，就係佢成晚都喺到嘴旭旭咁，好奇怪
到左大約零晨3點，小波子又嘔，今次係嘔一泡加D口水，跟住就要我開門比佢出去，原來波子要便便，但佢D便便係痾水，見到佢好驚，其實我都好驚
半夜三更就佢清理完現場，比左少少暖水佢飲，跟住就抱住佢瞓啦！諗住應該冇事的......
又瞓到大約6點，波子又要出去，又嘔第二次，又係噴射式的水狀便便；其實都唔知佢發生乜事，又清理完現場就比左半粒喇叭牌波子食再比少少暖水佢飲，跟住就比佢瞓
我都要瞓一陣了，瞓到大約9點起身，小波子都繼續瞓緊，又冇再要痾又冇嘔了
咁我就返工去啦！
返到公司做左一陣野，媽咪就打來話波子又嘔多一次，但今次好少少，係糊狀，但都係睇下醫生穩陣D
快快打去診所睇下有冇位睇啦！姑娘見波子的情況就比一個位佢睇，我就快手飛的返屋企，再帶埋波子去睇醫生喇！
個衰豬一出街又好好氣咁吠人喎......
去到診所大約12點，等左一陣就可以見醫生了，平時睇開的DR ANDREW FULL BOOKING了，所以今次睇DR CAROL
波子入到診政室都已經好驚，探左熱又比醫生檢查完，表面上問題應該都不大
但醫生話波子LEE種狗，個胰臟比較容易有事，所以建議驗血會比較穩陣D，不過抽左血要等大約半個鐘，等個報告出
都黎左睇醫生，當然驗啦！
小波子好乖跟姑娘去抽血，跟住就出番去等報告，大約半個鐘就入番去見醫生，結果波子真係胰臟有輕微發炎
其實可能係因為胰臟發炎導致波子痾嘔，又可能係食錯野又可能係食左D好油的東西
最後波子要打一支皮下水，因為佢痾左幾次水，要幫佢補充番D水份，仲打左支針，LEE支針醫生話好痛架，但小波子都好乖，一D都冇反抗
最後拎埋藥就走得了！
今次又放係左千捌蚊......只要波子快快好返就乜都抵了
配左一包低脂狗糧，一支止瀉益生菌(食3日)，一支止痛藥水(食4日)，一包胃(食4日)，一包腸胃抗生素(食7日)，仲有兩包電解粉
小波子返到屋企就瞓覺LU，因為真係好倦！
波子：你要快D好返呀！唔好要我擔心喇！
小波子瞓左覺，我就落街食碗粉，跟住就去街市買野，今晚喺屋企打邊邊呀！
買好哂野就快快返屋企LU
返到屋企就快手洗好的食材，跟住就陪下我小波子啦！
大約7點，小波子就開始肯落地山行下，跟住又再嘔多左一次，雖然都係爛但唔水 ，仲有就係佢有VV了
仲肯飲水，跟住我就先比左益生菌佢食，隔左一陣就比藥佢食，醫生話隻藥水好苦的，食完可能會流口水的，但小波子好乖咁比我餵食藥，我將藥丸直接放入喉嚨，又將藥水直接射入喉嚨，所以佢應該唔覺得太苦，食左藥後大約飲左大半枝電解水
大約9點就比左少少狗糧佢食，可能好肚餓，所以佢都肯食
肯食野又肯飲水，跟住又再繼續SLEEP了
波子：你要乖乖，快D好返，做番個快樂健康的波子
我的大除夕就係在少少的擔心下過了！
各位朋友：新年快樂！
2014 BYE
2015年見！
