很久很久不見

GOOD MORNING EVERBODY

小波子同大家講"早晨"呀！

 天氣唔係咁凍，波子都唔洗著衫LU

咁我又可以著短裙LU......YEAH

返到公司做左一陣野就出去LU

約左CARRIE飲茶呀，我地兩個真係好耐冇見喇！

我地去左利舞台間翠亨邨試下佢個任食

尖椒螺肉~~~少少辣，螺肉"林"左D，味道OK

沙薑雞腳~~~味道好好，SIZE都唔細

椒鹽雞中翼~~~炸得好香好脆，雞肉仲好滑，味道唔錯

椒鹽豆腐粒~~~細細粒，一口一粒，炸得唔油，豆腐夠滑

 陳醋拍青瓜~~~青瓜好香脆，陳醋味好香
滷水牛腱~~~滷水味都好香，牛腱切得太薄欠決口感

荀尖鮮蝦餃~~~皮都算薄，蝦肉好爽口NICE

潮州粉果~~~皮薄餡又多，好味

 韮王鮮蝦腸粉~~~腸粉夠滑，每條都有3隻大蝦GOOD

蠔皇叉燒包~~~包SIZE適中的，餡料都好豐富

北菇蒸燒賣~~~味道不錯

 羅漢腐皮卷~~~外皮好香，唔油，餡料都是素菜YUMMY

安蝦咸水角~~~應該是即炸的，熱辣辣好好味

 錦鹵脆雲吞~~~雲吞？冇蝦喎！雲吞？冇雲吞皮喎！唔好食

生磨杏仁茶~~~幾滑，杏仁味都好香GOOD

生磨合桃露~~~好香合桃味，夠滑

椰茸糯米糍~~~皮好硬，餡好奇怪，難食

 一餐茶我地兩個由1點坐到4點，真係好抵HAHA

之後我地去左行12蚊店，跟住就坐車各自歸家LU

返到屋企都天黑了，原本想同波子跑下都唔去了

DINNER後睇下電視又係時間瞓覺LU

餐廳資料：

翠亨邨

地址：銅鑼灣利舞臺廣場22樓

電話：2409 4822