流星

起身已經係11點喇！

 見好好太陽就同小波子去跑下先

 雖然有陽光但好大風呀！吹到波子D毛都亂哂了

 跑夠就返屋企洗腳仔LU

跟住我都沖個涼，HEA左一陣就瞓個晏覺先，因為今晚有特備節目呀！

約左朋友睇戲，所以瞓到4點就要起身換衫了

去MEGABOX睇《出埃及記●神王帝國》

套戲有150分鐘架，中間都冇悶場，又幾好睇

完場後當然係去食個DINNER啦！

MEGABOX的聖誕裝餅好靚呀！

好可愛的薑餅人

諗唔到食乜，行過就食LEE間啦！

燒牛舌~~~牛舌好乾，冇味！旁邊的芽菜好爽口但同樣都係冇味的......

和風豆腐沙律~~~個芝麻醬好香，豆腐夠滑但冇乜豆味，沙律菜好新鮮爽脆

泡菜海鮮石頭飯~~~熱辣辣，有少許飯焦，味道不錯，但好似唔係好食到海鮮

 三文魚刺身~~~厚切，不過不失啦！

天氣凍我就好想食雪糕
食飽了見MENU個芭菲好似幾吸引，咁就叫來試下啦！

綠茶雪糕芭菲~~~雪糕球好細，綠茶味尚可，其實的可以不值一提了！

食飽了就搭車走LU

唔係返屋企喎！仲有下一站的節目喎！

約左紐紋同一班人去睇流星雨，但又未夠鐘就上去佢屋企玩一陣跟住大約11點半先出發

我地去清水灣郊野公園睇，去到都差不多12點半喇！

風唔算好又，但係雲好多呀！

就係因為雲好多，所以唔係好睇到呢！

OH！！！

最後只係睇到兩粒，都好才唔係一粒都睇唔到，自我安慰中

返到屋企都3點喇！好眼瞓呀！

 

餐廳資料：
白木屋居樂屋
地址：九龍灣MEGABOX2樓34號舖
電話：2817 5788