車車的快樂日誌

2013年3月11日星期一

估佢唔到呀

倦倦的星期一
今朝一起身，出面好大風呀！
明明尋日仲係好熱的，今天好涼涼地呀！
大家真係要小心身體呀！

返到公司有咩搞，但又好似冇嘜野搞喎！
咁點算呀！好悶架喎！ (batting eyelashes)

整下野，上下網又到LUNCH TIME LU
是但同老細落樓下搞掂算了

返屋企途中，朋友SUZAN打來掃掃苦，當然係工作啦！

收工就返屋企食飯LU
媽咪煮餸真係好好味架！

感冒咳嗽良方

天氣一轉就會有好多人病
傷風、咳、發燒真係好辛苦
食西藥只係治標不治本，食中藥又好似太慢

喺網上睇到話LEE個洋葱湯飲完就可以止到咳喎

材料非常的簡單，就只係一個洋葱

【蒸洋蔥湯】

蒸洋蔥費時三十分，竟能把一個多月的酷酷聲消滅，比起冰糖燉梨和蜂蜜檸檬汁見效，久咳不癒的朋友不妨試試，材料取得簡單又不費功夫，而且肯定沒有副作用。

材料：
洋蔥一顆

做法：
洋蔥去外皮，切片放入大碗蒸三十分鐘，切記碗內不要加水，蒸好後只喝洋蔥湯即可。

提示：
1. 洋蔥蒸過的湯汁只有一點點，沒有辛辣味，有陣陣的甜味，小孩子也可以接受。

2. 這帖良方只適合感冒的咳嗽，如果是肺結核、百日咳還是快去看醫生喔

2013年3月10日星期日

狗狗沖涼+食食日

今朝晨早就起左身喇！
係扎醒左瞓唔返呀，唔係唔想瞓架！

醒左冇嘜野搞咪又煲下劇囉

起身飲左碗湯就去出去喇！

要帶波子同阿BEAR去沖涼呀！
放低左兩隻衰野，我地就去搵食LU

我地落番九龍城食野，細佬話要食泰國野，咁就去九龍城街市上面食啦
《泰苑》
先來三杯冰冰，紅豆奶茶、椰汁綠豆冰、青檸梳打

泰式豬頸肉、炸蝦餅

炒椰菜苗

蝦醬炒飯、生牛肉湯河

我覺得街市越來越唔抵食呀！

食飽左，家姐話要去食豆腐花呀
食荳花當然去公和啦

宜家真係物價上賬呀，豆腐花要$10碗呀
釀豆腐$8得兩件

跟住行左陣九龍城廣場，跟住就去接番兩隻衰野LU

DINNER喺屋企食呀！

食飽飽睇下電視又瞓覺LU
明天又要返工LU餐廳資料：
泰苑小食
地址：九龍城市政大廈3樓
電話：2716 3689

公和荳品廠
地址：九龍城福佬村道67號
電話：2718 0976

2013年3月9日星期六

糕糕製作日

瞓到10點幾就起左身喇！

整下野又要準備出去LU

臨出門口同小波子影副相先，睇下幾靚仔

今日約左4E教佢整卷蛋糕呀！
不過要先落APM買少少野先，跟住就坐車入去喇

去到先去醫醫肚先，我地去左附近間富臨飲茶，食飽飽後就要返屋企開工喇

睇下阿E幾專心學習

今日教左原味卷蛋糕同埋英式鬆餅，原本諗住整好就返屋企食飯啦

但原來整好哂都7點喇

咁就同阿E佢地一齊食埋飯先走LU

食飽飽，姨丈仲車埋我返屋企添
返到屋企都10點幾喇！

好倦呀！快D沖涼瞓覺LU

2013年3月8日星期五

遊車河

眼瞓呀！好眼瞓呀！
晚晚煲劇搞到唔捨得瞓呀！

今日係3月8日，三八婦女節呀！

今日又係相當的清閒呀，咁就諗下今日午餐食嘜好啦
《咖喱菇菇煙肉刀削麵》

D煙肉煎到好香脆同一D油都冇呀！

食飽飽又睇番尋日套〈心路GPS〉啦！

其實今日真係好無聊呀！

收到拿拿聲返屋企食飯呀，食飽飽要車媽咪去睇中醫呀！
咁就順便帶埋波子去遊車河啦！

波子坐車真係好乖仔架！坐定定唔會亂旭架！

車返媽咪返屋企後，我就去左超級市場買D野先返屋企喇！

2013年3月7日星期四

一晚吃兩餐

今天都是有點清閒呀！
工作真係冇嘜野搞，都係搵D野玩下啦

今晚約左朋友食飯呀！一於油下指甲啦！HAHA

隻色上個星期買架！搽上去又幾靚喎！

油完指甲冇嘜野搞又睇番尋晚套《心路GPS》先

今日早少少收工先，約左朋友DINNER AR
不過我要先去阿宜到敗家呀！不過今日只係買左兩條牛仔褲，一件外套再加一條LEGGING
買完野就開開心心去會合朋友了

朋友已喺SPASSO訂左位了
我到左就入去坐住等啦！我足足坐左差不多15分鐘都有一個侍應來倒杯水，直至我出聲要求才給我一杯水，這樣的服務真的要不得呢！

食物簡直差到不得了，我連相都唔想影呀！
我地一行六個人叫了一支紅酒、兩個PIZZA、一個蕃茄長通粉、一個蜆肉意粉、兩個沙律仲有一個白酒煮青口

沙律是冇問題的，蕃蕃長通粉也冇問題，但其他食物全到有問題呢
先講個PIZZA，這間是意大利餐廳，但他們的PIZZA比一般的PIZZA店還要差呀，個PIZZA底超厚呀！
個白酒煮青口仲過份，D青口我都唔知係本身質素比較瘦，還是煮得太耐，全部肉都細隻個蜆肉呀！
最大問題都係個蜆肉意粉呀！一上枱就聞到一陣嗅味呀！D蜆係壞架

叫個經理來收回，個經理竟然只係話幫我們換過碟，老實說你願意換我們也不願意食啦！仲話送番D咖啡茶比我地，我地係想即係埋單走人呀！

記得冇幾耐前才來食過都唔係咁差的，點解會變成咁架！
我唔會再黎囉！

我地個個其實都冇嘜食過野，於是行過隔離《夜上海》再食過啦

經停車場行過去，影下個夜景先！真係好靚呢