唔係麻

一起身就已經係11點了

老公望一望個電話，8號風球...唔係麻！

出面一D風都冇，雨都冇滴喎...

真係打風咩....

天文台搞咩呀！！！

我地原本要出去睇世界女排決賽，咁宜家點呀？？？

開電視睇下，話會閉門作賽，要退票呀！

好失望呀！我想入場睇下

但又會2點落波喎...

唔理喇！出去醫肚先啦

我地去左V-CITY食越南野

LEE個蕃茄蟹肉湯濛好好味喎

食飽了，我地見已經落波，咁就出去入場睇波啦

講真，出面真係唔似打風，連1號風都唔似呀！

我地去到大約兩點幾，日本對緊俄羅斯

都好刺激呀！

日本先輸兩局，最後反勝俄羅斯

跟住就到中國隊喇

場球賽真係好好睇

雖然中國最後輸左

完場後，我地就拎車返屋企了

返到去休息一陣就諗下DINNER食乜啦

老公肚仔又有D唔舒服，但佢太為食，最後話食上海婆婆

跟住返黎又同豬仔玩下啦

 跟住又要沖涼SLEEPING了

緊張

HAPPY SATURDAY

今朝一起身野都未食就要幫家姐E出去拎野

咪就係大頭仔個JUMPER囉

拎完就極速回家，回家前先去SUPERMARKET買餃子

返到屋企快手煮個牛肉麵+餃子

一路食就一路睇波

世界女排日本VS塞爾維亞，跟住再睇埋中國VS俄羅斯

豬仔又陪我一齊睇

 真係好緊張呀

大約6點半就完了

又要準備DINNER了

我地今晚簡簡單單，有湯有餸咁就一餐

食飽後，同兩個仔去新公園玩

豬仔又幾鍾意LEE個公園喎

玩完就要返去洗手腳就SLEEPING了

HEA爆

一早起就整早餐比我老公食了

尋日做左吞拿魚包，整番熱再打杯火龍果特飲

好健康呢！！！

豬仔又比老公玩了

 玩下玩下，我同老公就出去食LUNCH了

我地去左紅橋食拉麵

老公食魚湯拌麵，我就食黑蒜油拉麵

 我終於明白點解LEE間野咁多排隊了

真係好味喎！

 LEE枝水果醋好好好味呀，加入個濃湯好GOOD呀

我食左成枝呀！HAHA

食飽了就返去搵兩個仔了

見冇乜野做，就清潔下塊面啦

又同臭豬仔玩下啦

 整好哂野又差唔多時間出去了

我地要先出官塘拎狗糧，再去接BELLA豬再返屋企接媽咪老豆，再出去DINNER

今日媽咪BIRTHDAY

 今日又係姐夫K舊曆生日喎 

 HAPPY BIRTHDAY TO MY MOM

要身體健康！心想事成呀！ 

食飽了就車左佢地回家，我同老公都回家搵我們的寶貝了

自己

今朝我地兩個就早D起身返工了

今日試下留低豬仔喺屋企比老爺睇住

老爺得閒SEND豬仔D相比我

 老公車左我返公司，跟住佢返去泊車，跟住再返工

返到公司又落大雨了

做下野，又拎個麵糰出黎做包先

包包焗起即食一個先，好好味呢

我又差唔多時間要收工了

我兩個仔玩到倦終於瞓了

返左屋企HEA左一陣，等埋老公收工就一齊回家了

返到去就有DINNER食了

今晚食扒

食飽了又同兩個仔去行下了

跟住返黎就瞓覺了

好眼瞓

個天又係落雨落唔停，幾時先好天呀？

今朝我地兩個又瞓到唔想醒呀

我地尋晚瞓得落床都兩點喇

起左身快手換衫跟住就返工了

睇下LEE個傻狗幾好笑

 點解個樣傻都咁

出面時晴時雨，車老公去九龍站，跟住我就返屋企放低架車

跟住再上去睇下豬仔，跟住就返工了

返工前先去街市買少少野先

返到去快手做少少野就煲個湯飲下先

《花生眉豆螺肉蟲草花煲雞腳》

個湯真係好甜呀！

大約5點幾就收工回家了

返到去執少少野就帶埋豬仔去接老公一齊回家了

返到食飽飯，見出面冇落雨個地又乾左，就同兩個仔出去行下啦

行左個大圈返到黎洗手腳就要瞓了

豬仔都好倦了

 GOODNIGHT

我地都要瞓了

MY BIRTHDAY

又大一歲了

點解人大了，時間就過得越快。。。快到得人驚呀！

今朝我地早D起身返工，老公逢星期二都有會開

但出面好大雨喎！

咁就車佢去九龍站啦

放低左佢車開左先發現佢兩部電話都放左喺車冇拎...

佢返到公司用電腦MSG我，咁我見今日其實都冇乜野做，咁一陣就拎過中環比佢啦

我先返左公司做少少野，跟住就去上環YL拎野，跟住就去搵老公食LUNCH了

老公又帶老婆去食好野

前菜同茶碗蒸

 我地兩個都係叫左LEE個海膽丼，真係好好好鮮同好好好味呀

 仲有個烏冬

仲有芝麻雪糕...好好味呢！

食飽飽我地就各自返公司做野了

大約5點我就收工返屋企先喇，返到去都成身汗了

先沖一沖身先

跟住同豬仔玩一陣我又要出去了

老公BOOK左位同我食生日飯，原本我諗住是但食完就去睇戲

但老公話唔可以，佢話老婆生日唔可以求其同是但HAHA

老公原來係BOOK左CAFE 103

CHEERS

LEE到食物唔多，但質素就好好

蠔雖然細細隻，但好鮮好CREAMY喎
龍蝦、蟹同蝦蝦都好鮮味呀

 刺身就選擇少D囉，但味道好好的

 咸點都唔錯

老公又再一大碟...HAHA

南瓜蟹肉湯.....好好好味呀！

 甜品就好多選擇喇

 而且每樣甜品都好吸引呀！

老公為我準備的BIRTHDAY CAKE

我老公真係好SWEET架

最後仲食埋雪糕添
個咖啡味好好味呀

食到好飽呀！
時間剛好入場睇猿人了

140分鐘的猿人話咁快就睇完了

我覺得好好睇喎

時間已經係零晨12點幾了，我地要回家了

出面又好大雨呀！
返到去都點幾了，快快洗白白就瞓了