BBQ DAY

平安夜

大家今日有乜節目呢？

我地今朝起左身，又要換衫準備出去了

家姐E一家坐車入黎搵我地食LUNCH

我地夾好時間就去食拉麵了

食飽飽就先車奶粉返屋企，跟住就出發去BBQ了

BELLA豬都玩得好HAPPY喎

我地燒下，傾下，跟住打下麻雀，老公又打下機咁又一日了

最後玩到差唔多十點幾點走了

返到屋企快手洗白白就瞓了

GOODNIGHT

大頭仔1YR

一連幾天的假期開始了

今朝一起身就要換衫出去了

今日係大頭仔一歲生日會呀！

我地先返娘家接豬仔，跟住再去接埋大頭仔就去開PARTY了

豬仔第一次見KING KING伯伯

大頭仔有得去街又有野食好HAPPY呀

 

 

話咁快就1歲了

個生日蛋糕好靚，好似大頭仔呀

 豬仔都玩得好HAPPY喎

 公公與豬仔 

 大機影的，又真係靚好多喎

 又做嗲豬了

 BELLA豬有蛋糕食，又有表姐陪玩幾HAPPY

開完PARTY，我地就返左阿媽到瞓一陣，跟住再等家姐E一齊DINNER

我地去左土瓜灣食雞煲，再食埋湯水就回家了

好倦好倦！

好熱鬧

冬至快樂！

洪寶寶話咁快就26週了

今日我地兩公婆都放假

起左身就換衫準備出去了

我地先返公司拎野，跟住就帶左豬仔返媽到

我地就再出去食LUNCH

去左MEGABOX食PIZZA

跟住車老公去按腳，我就返娘家瞓個妟覺

小豬仔食左DINNER，小休中

 我們這一家的冬至飯

每人煮一兩樣就放到一枱都係

食飽飽同小朋友們玩下，再等埋媽咪煲湯丸，咁就非常滿足喇

返到屋企都十一點了

快快洗白白就瞓了

明天又有節目要早起呀！

做冬

是日休息一天

聽晚返媽咪到做冬，咁今晚我地就自己喺屋企做啦

今朝起身後寫低今晚食乜餸，跟住寫埋材料叫老爺去買

跟住我再休息一陣，豬仔又陪瞓了

 瞓得好舒服喎！

 跟住我又準備出去食少少野，再去SUPERMARKET買D野

兩個仔又睇餅食了

 原本諗住是但食個茶記，行行下就行左去食粥

食飽飽就去買野，跟住慢慢行返屋企

返到去就要準備今晚的DINNER了

快手煲左個湯，跟住炆埋個餸，再整左隻豉油雞先

跟住切定D配料，望一望鐘原來已經5點幾了

老公收工去拎狗糧返到黎都七點了

開飯喇！

洪太的第一個冬至飯

秘制豉油雞

蒜蓉蒸開邊蝦

 清蒸紅鮪 

 花膠冬菇炆鮑魚鵝掌

鮑魚生菜

 花膠螺片煲雞湯

食飽飽休想一陣仲有湯丸

薑汁湯丸

其實整左一日，我條腰真係就斷喇

好倦呀！

我真係要瞓了

GOODNIGHT

倦

今朝一起身都9點幾了

開緊車返工途中，BELLA豬又打黎話想跟我返工呀！

咁車老公去九龍站就去車埋BELLA豬返工啦

中途去買少少材料炒意粉佢食啦

返到公司就先叫BELLA豬幫手切香蕉做餅餅比兩個仔

 餅餅入左爐，就整個意粉比個傻妹食喇

做左個白汁再加入蘑菇同火腿，個傻妹食得好開心

食飽飽，比顏色佢畫下，跟住我又整埋個薰蹄就差唔多要收工返去了

其實我都好倦喇

車左BELLA豬返屋企，跟住就出南昌接老公

跟住再返去車兩個仔出去跑跑

跟住返到去洗手洗腳，再幫手砌埋工人姐姐張床都差唔多十點了

我好肚餓呀！我地兩個跟住去左食麥記就算了

返到黎快手瞓了

我條腰好痛呀！

嬲嬲豬

今朝兩個又瞓到唔捨得起身喇！HAHA

返到公司都差唔多12點了

返到公司就拎隻豬手出黎整先

做下野又差唔多5點要收工了

老公今晚約左人傾野，咁我就自己返屋企先

返到去我地就食飯了

今晚又係牛肉粉呀！D湯仲濃呀！

食飽飽沖左涼又同豬仔玩下啦

 玩到倦我都瞓了

瞓瞓下醒左原來都差唔多12點了

老公仲未返...又唔覆MSG

嬲呀！