天陰陰

天氣好似又唔係幾好喎

 外面好似天陰陰咁

今日著左之前敗的牛仔褲，好靚喎！

個口唇真係好靚靚呀，條褲又著得人好SLIM，真係VERY GOOD

返到公司又做下野，下晝又落左阿信屋睇下有乜買下先

買左LEE罐木瓜牛奶，都唔錯喎！

收工後又返屋企DINNER，DINNER後又玩RAINBOW LOOM

今日又整左條新野喇

 玩玩下真係幾好玩！

幫一幫

少少忙的TUESDAY

天氣真係唔會凍了，所以都真係要換季了

 返到公司做下野整下野

下晝又要出去做野喇

約左老細去銀行整野呀！

一整就個幾鐘喇，返到公司都4點幾喇

做埋D手尾就收工LU

先返屋企同波子去行街街，跟住就開車去RYDER屋企LU

今晚要同OCEAN傾下佢條路點行呀

傾左一晚終於有點出路，太好了

今日係我大家姐BIRTHDAY

祝佢：生日快樂，想乜有乜，身體健康！

好好玩

又到了LAZY MONDAY LU

 唔係講笑，今朝直情唔知醒呀

 

瞓到成九點半先捨得起身

我係咪真係唔洗做呀！HAHA

拿拿聲換衫返工啦HEHE

出門前仲有閒情同波子影寫真

點解咁乖乖坐喺度影相呢？

 咪就係因為有骨骨食囉

 小波子，你慢慢食喇，我真係要返工喇

返到公司當然已經十點幾啦！

又煮個米粉食當早餐先

跟住就做下野喇，有D文件要準備

收工後就BACK HOME DINNER LA

食飽飯又同小波子去散下步，跟住就返屋企洗白白LU

LEE個黃金時間TVB做緊《西遊記》，真係完全吸又唔到想睇

 聽講LEE套野仲做到7月中呀！係咪即係叫我唔好睇電視呀

唔睇電視就搵D野玩啦

原本之前買LEE盒野係比兒甥們玩的，但原來大人玩都OK架

仲要幾好玩添呀！

睇下，係咪都織得幾靚呀

媽咪都好LIKE喎，仲要我整條比佢

合作

SO HOT SUNDAY

尋晚兒甥女ANNE打黎話要整CAKE CAKE呀

因為佢媽媽我大家姐星期二生日，所以佢想做個蛋糕比佢

真係好乖女呢！本身讀書又叻又聽話，真係好抵錫架

先約佢食個LUNCH，佢話要食壽司，咁就GO啦

叫埋媽咪一齊去，今日去到元氣竟然唔洗等喎，真係好奇喎

小朋友真係好LIKE食壽司架！

食飽飽，我同兒甥女返屋企開工喇

我地先做左個朱古力海綿蛋糕先

蛋糕焗好就可以做埋個MOUSSE喇

 話咁快就整好，可以放入雪櫃LU

整好都係4點幾，我就同波子落下街喇

今晚大家姐一家又返黎食飯呀！
媽咪今晚又整左自家制燒肉呀

 個皮真係超脆呀

DINNER真係食到好飽呀！所以連蛋糕都食唔落了

就PACK好拎番屋企，明天先切啦！

Hea Hea Saturday

一個好HEA的SATURDAY

朝早起身諗住同小波子去行下街街，但出面突然風雲色變，仲要落雨添，咁就唔落住了

咁見冇乜野搞就執埋另一個櫃啦！

 終於都正式幫所有櫃換哂季喇，YEAH

見天色開始好又開始出太陽，又可以同小波子去行街街LU

 行完番黎真係好好好熱呀！

我真係行到成身大汗呀！

小波子洗好腳，我又休息一陣就去街市睇下有咩買先

買左D蜆同帶子，今晚就整過油鹽帶子，蜆粉絲煲先

結果真係好好味呀 ！

食飽飽又同小波子玩下先

睇下小波子笑得幾HAPPY

 有得玩真係好開心架

 同佢玩完我都好倦呀！

早D瞓吧！

一晩兩場

HAPPY FRIDAY又到了

 

尋日煲左個湯唔好浪費，拎番出來加個米粉又可以變成一個好好味的午餐

 食飽飽就要做野喇

今日好似又冇乜野搞喎，咁就幫張枱做下大掃除啦！

一陣就乾淨哂LU

收工後約左SUZAN同冬冬DINNER AR

同SUZAN食BIRTHDAY DINNER AR

壽星女話要食泰菜喎

咁就搵個大家都方便的地點啦！

去左天后間泰出色試下啦

BOOK左位就唔怕冇位啦

準時到達，安排左坐卡位

睇下有咩食先，我地得三個人又唔係大食怪，所以都唔可以叫得太多，怕浪費麻

生蝦刺身~~~有蝦味，蝦肉爽口，個醃醬好味

 泰式蝦春卷~~~春卷皮厚左D，味道都OK的

 冬蔭公~~~好味喎！配料都算多，但成鍋只係得兩個蝦蝦

 紅咖喱蜆蜆~~~味道唔辣的，但咖喱都好番，用蒜蓉包包點D汁又GOOD WOR

 泰式炒椰菜苗~~~菜菜都好嫰，味道好好喎

食飽飽傾多一陣，又要埋單收LU

我又要去趕下場LU

下場就係約左RYDER佢地呀

佢地今晚都係食泰菜呀，不過佢地就係圓方間MANGO TREE喇

我去到佢地都差不多食飽喇

咁我地就轉個地方食下野又傾下計喇

我地去左W HOTEL間野飲野

 環境都唔錯喎！

傾下傾下又成點喇！

人家打烊，我地都要歸家喇

餐廳資料：

泰出色泰國餐廳

地址：天后電氣道86號

電話：2571 2287

營養

今日仲係RAINING DAY AR

落雨天真係好煩

周圍都濕笠笠，出街又要拎遮，真係好煩

LEE排減肥，食D冇味野真係食到好悶

返到公司就煲個湯飲下啦

蕃茄豆腐牛肉羹

LEE個湯又清清地，又好味又有營養，GOOD

整下LEE整到路，又收工LU

好多日冇同小波子去街街喇

 雖然出面落雨濕濕，都同佢去行下停車場啦

落完街街開心哂

乜咁大雨呀

嘩！嘩！嘩！

一覺醒來做乜咁大雨呀！

無啦啦做乜落雨呀！

真係NO GOOD AR

落雨天真係要小心揀衫著呀

著厚底鞋或都BOOT就係最佳選擇喇

 睇落好似真係瘦左喎！加油呀！

返到公司都10點喇

食個早餐就開工LU

其實係冇乜野做架......HAHA

 

收工後上左阿信屋買野，跟住就收到家姐E電話，想我出太子接BELLA豬

因為BELLA豬有少少痾出左去睇醫生呀

EE咁鍚BELLA豬當然冇問題啦

接到BELLA豬就歸家DINNER LA

食飽飽沖個涼睇下電視又SLEEP LU

After Holiday

四天的長假又完了

今日又要回到現實了.......即係要返工囉

今朝真係有D唔太願意起床呀！

但都係要起架麻

返到公司，其實係冇野做架......

整下自己野，又追番幾篇BLOG

跟住大約3點就收工走人LU

咁早收工做乜呀

約左家姐同細佬去睇車車呀

睇左個幾鐘都未有心水呀

都係打道回府吧

 先去商場買D野，跟住就歸家DINNER LU

好無聊的一天呀！

Hea下Hea下

又到4天假期都LAST一天LU

起左身喺度Hea下Hea下，又同小波子親子一下先

 

 下晝就同家姐姐夫出左九龍城黃明記食墨魚丸粉

食飽左就去九展睇下車先，其實都睇ARM左，不過要等埋細佬睇埋先決定

睇完就返屋企LU

媽咪買左D鮑魚，幫手洗洗刷刷，蒸10分鐘就食得LU

一家人簡簡單一齊DINNER都好開心

 假期就咁快就完了，明天又要返工LU

換季

朝早起身搵D野搞先

 

天氣真係開始HOT喇！

又係時候同衣櫃換換季呀

有時都想問問自己點解會有咁多衫

LEE度只係一部份

 只係幫其中一個櫃換衫已經用左個差不多兩個鐘呀！

好倦呀！

其他D櫃下回先分解喇

約左屋企人去飲茶呀！去左7樓間彩晶軒，都OK啦

食飽飽就返屋企喇

要同小波去行街街呀

 行完街街，小波要剪毛同洗白白呀

同小波子沖完涼我都成身汗呀！

佢就朝淨靚仔哂，我就超級倦呀！

跟住就上759買D野，跟住就返屋企沖番個涼等DINNER喇

食飽飽又同小BELLA豬玩玩LU

個傻豬今日玩得好HAPPY AR

再燒

天氣仲係好好呀！

朝早起身整下野，煲下劇同波子傾下計

今朝有人黎裝冷氣呀！

大約兩點又要出去LU

今日又係去BBQ呀！

我真係好LIKE BBQ架，鍾意到要連續燒兩日，HAHA真係好CRAZY！

今日就約左紐紋同佢屋企人去燒喇

BBQ真係好HAPPY架

燒左一陣食飽左，就打下麻雀

玩下又燒下，咁就一DAY LU

我地燒到11點鬆D就走LU

返到屋企都未夠12點

沖埋涼又要瞓LU

熱

究竟咩事咁熱呀？

一早起身已經感受都陽光的熱呀

 

見外面陽光咁好當然帶波子去同陽光玩下遊戲啦！

同小波子去行下街街，其實行左半個鐘已經熱到成身汗喇

返到屋企洗下腳仔，我又抖一陣又要出去LU

今日天氣雖然好熱，但我地約左今日BBQ

 大約點幾鐘就去約左家姐出發LU

雖然陽光真係好充沛，但好才都有風，所以都唔算係好熱

BBQ真係好HAPPY，我地由2點鬆D開始燒，燒到大約6點半就走LU

 

家姐要返去睇BELLA豬呀！

返到屋企其實都仲好飽，所以DINNER都冇食呢

同BELLA豬玩一陣，整下野又準備SLEEPING LU

Holiday Mood

返埋今日聽日又放假LU

仲要係一連四天的復活節假呀

今日好似好暖咁呀，又係短褲出場的時間了

輕輕便便真係好舒服

返到公司食左個輕便的早餐就開工LU

LUNCH又食得輕便D就食生果算了

 

HAHA今日其實冇乜野做，好想快D收工呀

長假前的症狀HEHE

大約4點就收工LU，先出旺角拎D野，跟住就返屋企放低野

就去醫院探大少奶LU，佢好精神喎

見佢精神唔錯真好呀，傾左一陣就返屋企DINNER LU

食飽飽睇下電視就SLEEPING LA

楓糖杞子包

搓一個包包有咩重點呢？

自己做包又有咩好呢？

 

咪就係自己搓包可以知道落左咩材料囉

仲有就係可以自己鍾意落乜就落乜

今日搞搞新意思，就係加入杞子喇

材料(A)：

高筋粉 450g

酵母粉 2茶匙

材料(B)：

凍牛奶 220ml

雞蛋 1隻

糖 20g

鹽 1茶匙

楓糖漿 20g

杞子 30g

 

 

 

 做法：

1. 先將牛奶浸軟杞子

2. 將材料(A)混合拌勻

3. 將材料(B)拌勻，加入(1)

4. 將麵糰搓至光滑及富性的麵糰

  5. 用濕布蓋上，發酵約45-60分鐘，或至雙倍的體積

6. 將麵糰取出排氣，滾圓蓋上濕布，放入雪櫃發酵約兩個小時

7. 將麵糰取出，平均分為4份，滾圓後將麵糰擀薄，卷起放入模內

8. 再發酵45-50分鐘

9. 在麵糰面掃上蛋液，以180度焗25-30分鐘

 

今次仲用左一半麵糰做左另個做形

 好LIKE包包個顏色呀！

好消息

今朝一起身就收到好消息呀！

朋友大少奶生左喇！真係好開心呀！

返到公司就整下野，跟住就拎番尋日搓左果個麵糰出黎焗喇

焗緊包包之際又整個LUNCH食下先

今日個LUNCH係蟹餅

 好好味又好鮮味~~~NICE

食飽飽又要開工LU

 收工後拎D野比契仔媽跟住就返屋企LU

返屋企前要去買瓜瓜比波子DINNER AR

BELLA豬宜家真係好搞笑，又好可愛

正氣

好大風的TUESDAY

 因乜事咁大風呀......

涼涼地都係著多件衫有著數呀

之前買左好多衫都未著......HEHE

 LEE排瘦番D就可以著到貼D的衫LU

因為減緊肥，LUNCH好耐都冇食過飯LU

返工前就去買D材料整個LUNCH先

就食下飯啦！阿媽話正氣D呀

《鮮冬菇肉碎菜飯》

一個好簡單又美味的飯，將全部材料放哂入電飯煲禁個掣就搞掂，食得

食飽見冇乜野搞就搓下包啦！

食左搓個養生包，因為加入杞子所以就養生喇

包包搓好又放入雪櫃發酵，聽日就可以焗喇

收工又返屋企DINNER

今日好似有D倦，所以冇同波子去行街街呀

DINNER後又同BELLA豬玩下，睇下電視又SLEEPING LU