聰明仔

一起身就見到波子咁樣瞓

 LEE個波子真係好聰明架，因為佢踼左D被半夜冇人同佢蓋番，咁佢就同自己瞓入張床墊底囉！真係好叻仔HAHA

仲瞓得好舒服咁喎......HAHA

 其實我每朝起床都會抱下小波子跟住同佢傾下計先去梳洗架

不經不覺波子都4歲幾了

換完衫準備出門返工，波子已經乖坐喺度了

 今日好似暖左好多，但都有少少涼，咁我件皮褸可以出場喇

喺韓國買番黎都兩個月喇，終於可以開封喇！YEAH

天氣暖了我的美腿又可以出來了......哈哈

返到公司清理一下工作，又係時間做個快樂LUNCH了

唔想落街買食材，咁就摷下雪櫃啦

有魚柳一條，有粟米，有黑松露醬又有一包食剩的薯片

 動動腦就搞掂我的午餐了

《黑松露粟米炒飯配薯片焗魚柳》

 清清雪櫃又可以有咁美味的午餐真係WIN WIN呀

見好似冇乜野搞，又做下包包比BELLA豬啦

BELLA豬LEE排要食腸仔包

包包焗起又係我放工的時間了

返到屋企又同小波子去散散步喇

 天已經黑了，快快行完返屋企DINNER了

食飽飽，BELLA豬仲要食包包

 包包好好味喎

 個衰豬搣左個包包比人食，自己食條腸仔

 整下野HEA下又係時間SLEEPING LU

分析

今日天氣好似冇咁凍喎！

咁我就可以唔洗著咁厚喇！可以著下裙仔了

我真係好LIKE著連身裙，因為實在太方便了

返到公司做左陣野就整自己野了

今晚TETE返意大利喇！

咁就整D野比佢食啦

 LEE個芝士脆條真係好好味架！

今日要早D收工，要返屋企餵波子食藥

餵完波子食藥再比佢食埋DINNER，咁我就出去了

今晚約左班舊同事、舊朋友食飯

食飯前我地先去名店行下

跟住就去打邊邊了

去左《豪》十下十下

其實今晚出來不是為了聚一聚，主要目的係為SUZAN分析一下佢個CASE

希望佢早日得到個清白啦！

好熱鬧

成個星期都好忙，又好倦

之前波子病了，要照顧牠，令到我瞓得不太好，所以真係好倦！好倦！超級倦！

起左身喺屋企HEA下HEA下

跟住就落街買野喇！

家姐E話今晚又打邊邊，落到街市買好哂野，跟住就返屋企洗洗切切喇

跟住就同小波子去下街

行左一陣就返屋企了

兩個兒甥BELLE同TETE，屋企真係超級熱鬧

小波子好耐冇見TETE表姐，見到表姐好開心喎！

 兩個表姐同BELLA豬都玩得好開心喎

BELLA豬今日二十個月喇！

TETE表姐好叻喎！夠力抱BELLA豬

 好HAPPY喎！吹

 TETE真係好鍾意同波子玩

 玩下、食下、嘈下！又一個愉快的晚上了

吸吸新鮮空氣

星期六了

朝早起身就準備出去喇！

BOOK左12點修甲，出到去時間剛好

修好甲跟住就返屋企喇！

小波子睇好返都係返去陪下佢啦

見天氣好好，就同波子出去行下

著左件唐老鴨衫超級可愛

行左一陣，曬左陣太陽就返屋企喇

話哂都ARM ARM好返，唔好玩得咁激烈

返到屋企洗下腳仔，跟住小波子就去瞓妟覺LU

我就沖個涼跟住HEA下都去瞓妟覺LU

真係好倦呀！

夜晚是但食D野又早D瞓了

波子好番喇！

幾天的長假話咁快就過了

朝早起身又要餵波子食藥，食完藥又要比波子食糧

跟住我都要換衫返工LU

中午時間媽咪SEND來波子的相

因為只有乾糧，波子都唔太有興趣食，但最後都會乖乖食哂！

 食完乾糧就乖乖去飲水，叻仔！

今日天氣暖左，媽咪就幫波子除左件衫

喺公司做左一陣野，跟住就出去同ELSA食個LUNCH

我地有密計傾就行遠少少食啦

去左《屋台屋》

每一個茶碗蒸~~~蛋蛋都蒸得好滑，味道都剛好

 秘制豬軟骨拉麵~~~湯底唔會過咸和過油...讚！麵份量都不少，質感OK啦！豬軟骨炆得好"林"又好入味！NICE

 三文魚刺身+海膽壽司~~~刺身厚切，食落口感十足；海膽都可以啦，但飯就大件左D

甜蝦壽司+帶子壽司~~~同樣都係飯太大舊了，甜蝦都不錯，帶子都GOOD

 食飽飽後，ELSA就番公司工作LU，至於我就落CWB處理一下私務

之後就番公司做下野了

收工後先去APM睇下買唔買到部NOTEBOOK比媽咪

最後決定左買LEE喇！

紅色好靚靚呀

買好哂就快快返屋企見我的小波子喇

一入屋小波子就好開心咁歡迎我喇！

我的小波子好番喇！YEAH

波子變番可愛精靈波喇！YEAH！

食飽飽，同BELLA豬玩下又同波子玩下

跟住整下LEE又整下路，又係時間SLEEPING了

私家看護

GOOD MORNING 2015

 各位朋友：HAPPY NEW YEAR

祝大家身體健康，工作愉快，想乜有乜，開開心心！YEAH

尋晚我同波子都好好瞓呀！

因為大家都冇瞓一晚，倦到呢......

瞓到朝早7點幾起身餵波子食左藥，再瞓多陣大約8點幾就比野佢食，因為醫生話每日要分開4餐食，等個胃可以分開消化

小波子今日真係精神好多了，肯食糧，仲食得好快添，可能真係太餓了

 新一年仲幫佢換左件新衫，係唐老鴨

食完糧仲自己去飲水~~~MY GOOD BOY

仲一飲飲左大半樽

 小波波只係病左一日就瘦哂了

 坐左一陣，小波子又要SLEEP一SLEEP了

 睇見小波子個樣真係覺得好可憐......慘慘豬

 雖然今日係HOLIDAY，但都冇出街

因為要睇住我的小波子，重點係佢每隔四個鐘要食一次野，所以都冇可能出街囉！

其實本來今日約左紐紋去做義工架，但因為要做小波子的私家看護所以取消了

 基本上小波子全日除了食野同飲水，去廁所，其他時間都係SLEEPING

小波子有去小便，但大便就未有喎！

其實睇住佢都幾倦架，所以我都要早D瞓了！

史納沙~胰臟炎

2014年12月30日零晨

我的小狗波子如常的在晚上11點就去瞓覺了

在我成晚都不停聽都佢在刮口水，係不停

直至到大約零晨兩點多，佢嘔，嘔了他的晚餐，還有些口水

嘔完後，佢不停要我開門比佢出去

我一開門佢就飛奔去佢自己個TOILET，原來佢肚瀉，仲要係噴射式果種寫，心想佢可能食錯野，波子當時好驚，因為佢從未試過咁樣肚瀉

抱抱佢後比左少少水佢飲，就抱抱佢再瞓了

大約過左3個鐘後，波子又嘔多次，今次佢係嘔口水同有D泡，跟住又肚瀉，又係噴射式的肚瀉，真的有點擔心

今日嘔完又瀉完就再抱佢瞓啦

最後波子都乖乖瞓了，冇再嘔又冇再肚瀉了

但都唔放心，等診所一開門就打去BOOK醫生睇喇！

姑娘好好比到個位波子見醫生

見左醫生後，波子冇發燒

醫生懷疑波子係胰臟炎，因為史納沙這狗種，他們的胰臟都比較敏感，只要食左油的東西都會有影響

 

醫生幫波子抽左血化驗，結果波子真係有輕微的胰臟發炎，所以會影響到牠上吐下瀉了

因為波子都有輕微缺水，所以醫生幫佢打了皮下水，仲打左技針(Cerenia (Maropitant) 10mg/ml)

醫生仲建議波子轉糧，要轉一隻油份較低的糧

Hills Cani i/d Low Fat Dry

醫生仲開左以下藥比波子，咁食哂冇事就唔洗覆診了

Metronidazole 200mg Tab

Promax Cat & Small Dog 9ml

Tramadol SR Tablet 100mg

Zantac Syrup 150mg/10ml

仲開左兩個電解粉開水比波子當水飲

經過今次後，波子食野都要小心D喇！

養史納沙的朋友真係唔好比狗狗食油份高的食物呀！

狗狗病我仲辛苦過佢呀！