新年前

話咁快又到了年廿九了

即係新年前的一天

今日好好陽光呀！

今朝一起身就先落街洗車，新年點都要幫架車洗白白的HAHA

其實我估一年最多都係洗4次車，一季一次HAHA

洗完車就同豬仔去跑跑先，D陽光真係好舒服呀！

 豬仔笑得幾開心

 同豬仔跑完步就要返屋企了，休息一陣又要準備出去了

約左紐紋同妹妹去維園行花市，我地大約5點半去到，早D去行冇咁多人，但原來都好多人，好才多人得黎都睇到野又買到野啫！

最後我地的戰積係廚房剪、刀SET、自拍棍同3D揮春

係咪好好笑呢?

行完後真係開始超多人了

我地就搭車落旺角醫肚，我地去左食放題，今日唔洗BOOK位之餘仲要好少人......太好了

食飽飽行左個圈就回家了

好眼瞓呀！

臨瞓前仲貼埋個揮春先

各位晚安

團年

我想問一問，點解新年前我會咁忙？

究竟我忙D乜呢？

今朝起身就要準備出去了

我要帶紐紋去按摩，控摩前先去食個車仔麵

紐紋按緊摩我就同姑媽傾下計啦

按完後我地快快走喇

因為我又約左大少奶去TEA一TEA

每年新年前我地總會密密見HAHA

佢BOOK左喺官塘整手甲，咁我地就喺工廠區搵間茶餐廳食個下午茶啦！

其實食物味道真係唔太重要，因為她都是要飲杯凍OT啫HAHA

食完個TEA我就要返屋企了

今晚屋企食團年飯呀！

我帶大家去睇下今晚食乜餸啦

炆海蔘

 薯仔餅&蒸嘉美雞

 盤龍鱔

 花生炆豬手&芹蒜炒豬腸

 腰果炒鴨掌瓜

 清蒸魚魚&冬菇炆鴨掌

 美極蝦蝦

媽媽靚花膠湯

其實仲有兩碟菜菜同一碟家肥屋潤

我地有豐富的晚餐，豬仔都有骨骨食

大家都食到好飽飽呀！

食飽飽仲有湯圓食，真係好滿足呢！

食飽飽同兒甥們玩左一陣又要出去了

我約左SUZAN教佢玩精油，跟住再約埋契仔媽去食糖水

返到屋企我的豬就已經要瞓了

一個好滿足又好忙的週末

收爐了

返埋今日就收爐喇！！！

大家放到幾時返工呀

我的小豬仔都準備好過新年了

今日我有好多MISSION呀

返工途中收到媽咪SEND來豬仔的相，好搞笑呢！

 

返到公司做左一陣野，跟住就約左包包同包包媽咪食個LUNCH，我地每年新年前一定要見一見架HAHA

其實平時都見HEHE

包包近排食野好曳豬，本來唔食的他，我們唔理佢，佢竟然......

 食飽飽後，我地行左一陣跟住就要分手了

我要先去筲箕灣拎番個行車證，跟住再搭BUS落上環幫SUZAN拎套STARTING KIT

跟住就搭地鐵返公司，覆埋少少野，我就回家DINNER了

真係一個好忙的FRIDAY

立春

終於都立春了

好唔容易終於都過了這個羊年了

這個羊年真係好多阻滯，真係想快快的過

我的豬仔都精精神神咁迎接LEE個立春

立春最緊要就係開開心心

 立春最緊要就係自然醒

立春最緊要係舒舒服服HAHA

今日立春著乜好

 今次凍凍地又唔係太凍，可以著短褸唔洗著長褸了

LUNCH約左EVA同TINA食立春LUNCH

我地兩個就TINA去MEGABOX

我地今日食PIZZA

牛油果乜乜沙律~~~個味道好好，配料又豐富，入面仲有好多NUTS，好味呢！

 PASTA~~~唔記得個名，但入面D配料係中西合壁的，有蝦蝦、菜脯、蒜片，LEE個意粉好好味喎，我下次可以試下整

仲叫左個PIZZA但掛住食唔記得影喎

食飽飽同EVA去左12蚊店行左個圈，買多3個玻璃樽就返公司

返到公司又快手焗埋D杏仁酥

跟住就放工返屋企了

DINNER回家吃

食飽飽又同豬仔玩下了

咁又過了一個簡簡單單的立春日了

餐廳資料：

California Pizza Kitchen

地址：九龍灣MegaBox 11樓10號舖

電話：3421 2351

頻頻撲撲

下星期就過年了，唔知點解我LEE個星期好似好多野做咁

我又唔洗辦年貨，又唔洗LEE樣唔洗果樣，但都好似好多野要做咁......

今朝返到公司又好想整D野

見材料齊就整個杏仁酥啦

個杏仁酥真係不得了，好味到不得了呀

食完一件又一件，停唔到口呀！

大約兩點就返屋企接豬仔去剪毛

放低豬仔後我又要揸車去筲箕灣了，咪就係多得我細佬唔少囉，搞到我續唔到個車牌，所以咪要行多轉囉......激C

跟住就返公司整埋少少野，再去接番豬仔

豬仔剪完毛又沖左涼，係咪好靚仔呢？

 返到屋企仲比條肰豬仔試下先

好得意呀！

 整好哂，我又要準備出去了

我約左RK的舊同事DINNER

今次DINNER好近我，喺牛池灣村

雖然係大排檔，環境麻麻地但味道唔錯喎

食飽飽返到屋企都係十點，好早喎

仲可以同豬仔玩一陣先瞓

GOODNIGHT

每年一聚

GOOD MORNING

 天氣又開始轉涼了，仲要好大風呀！！

天氣凍時最常出現的羽絨HAHA

今日返到公司好似好忙呀

忙左大半天，又決定早少少收工了

早點收工出左TST，先去阿宜到幫奶拎衫，跟住行落海港城睇下鞋，但竟然睇唔ARM

跟住就行番落ISQUARE，約左哨哨同紐紋DINNER呀

我們真係好耐冇見了

食乜其實都唔重要，我地選擇了食上海野

食物都係平平啦

重點係我們有講不完的話題

時間過得真快，我們又要各自回家了

希望我地會好快又見啦

好想整

朝早起身見到豬仔就跳左上婆婆張床

睇下豬仔個樣幾曳曳

 返到公司做左一陣野，就好似冇野搞

之前買左兩罐金罐牛油，咁就焗下COOKIE啦

焗左兩個味，伯爵茶VS古古力

 其實兩個味都超好味YUMMY

焗下焗下又一天了

放工後就回家DINNER了

食飽飽又同BELLA豬玩下

再同豬仔玩下

睇下電視又SLEEP了