擔心C

又一個星期的開始了

大家又要面對現實返工了

但我的小豬仔仲在睡夢中喎。。。太幸福了

 返到公司做做下野就收到我HONEY一副相，收到相前HONEY叫我冷靜，我都知冇好野

 佢又衝動喇！！！

 跟住佢又冇講清楚咩事，搞到我擔心左成朝呀！！！

 最後原來都唔係大件事，我先放心D

 跟住就做左個LUNCH食

保險魚魚過黎搵我LUNCH順便學油，咁就炒個米粉一齊食啦

《香菇肉碎炒米粉》

 食飽飽就教佢點用油了

 傾下講下又3點了

 我都要繼續做野了，大約5點等HONEY休息起身後就同佢講我想去見一見佢，佢竟然一口答我"NO"，我真係好傷心呀！D眼淚真係流左出黎

 雖然我知道佢唔係唔想見我，只係唔想比我見到佢傷了，而會擔心，但我唔見咪仲心掛掛

 最後講完一輪，HONEY都比我去搵佢，咁我就放工返屋企沖完涼再食左少少菜就出去了

 去到HONEY屋企，世伯整左D粉卷，我又食左少少

其實真係好好味

 跟住傾左一陣再等HONEY沖埋涼幫佢搽埋油，我就返屋企了

 返到屋企再同HONEY傾左一陣就瞓了

 擔心左一日真係好倦呀！

行街街

HAPPY SUNDAY

瞓夠就起身了，但其實瞓醒已經係12點了

 見唔曬就同豬仔去跑下先

球場冇人，豬仔跑得好HAPPY呀

 跑得開心，豬仔真係笑得好開心呀！

 跑到倦再行多個圈就返屋企剪毛同洗白白了

 豬仔洗完白白我就車媽咪落去街市買D野，跟住就返屋企休息一陣就出去了

 我同HONEY今晚決定拖下手仔拍下拖，我地去左旺角無目的咁行下，又可以掃下街

行到差唔多9點，肚仔開始餓了，諗住食PIZZA，但冇得食呀，人地要收工喇

咁諗唔到的情況下，我地去左食放題，真係好抵呀！

其中一個半價呀！

 食飽了，我地再行多陣

 HONEY又話要去買衫就去行下啦

我們的第一張合照

 夜喇，我地都要回家了

 返到屋企快手沖個涼再傾多陣就要瞓了

 我們都過了一個好開心的星期日

AGAIN

未夠十點已經比人嘈醒了

 我的他條氣管唔順，D呼吸聲真係好嘈呀...

但最後之之左左都成點先捨得起身

 起身後我地又準備出去了

 我換衫化妝時，HONEY就幫我洗車...太好了

搞掂哂我地就出去了

HONEY要落深水埗拎車，咁我地就落深水埗食野啦

 食飽飽，HONEY去搵佢個車(電單車)，我就自己返屋企先

 返屋企前先去街市買少少海鮮，因為HONEY話今晚又想BB蕉

D海鮮真係好靚呀

 洗好海鮮，我就同豬仔去跑下LU

 又識到新朋友了

 好開心咁喎

 由天光行到天黑，要返屋企喇

返到屋企豬仔洗手洗腳，我都要沖一沖身了

 跟住又要換衫準備出去了

我地今晚又去巴希雅BBQ呀

點知去到超多人呀...多人到冇位呀

 

 最後我地要9點幾先有位燒，不過都係等左一陣啫

 開爐後就開餐了

 D海鮮真係好鮮甜呀！

燒下燒下又兩個鐘了，我地都好飽飽喇

 跟住我地去左科學園行左一陣就回家了

瞓得落床都3點幾喇！

 真係好眼瞓呀！

 GOODNIGHT

見足一天

GOOD MORNING

 HAPPY FRIDAY

 原本今晚約左敗家們BBQ，但因為豬豬病了所以CANCEL了

 立即告知我HONEY知道，咁我地就可以PLAN一PLAN今晚點算喇！！

今朝返到公司做左一陣野，我HONEY就黎搵我喇

 HONEY出黎搵我食LUNCH，但時間太早我地都未有胃口，就做多陣野妟少少先食

 大約兩點幾先出去食，行左去附近食

 HONEY的漢堡同我的SLOW COOK豬

 食飽了就返公司做野了

 HONEY都要做野喇，我都做野唔煩佢喇

 做完野時間又6點了

 我先返屋企，HONEY就出深水埗整少少野

 我返到屋企都7點喇，家姐E買左好多海鮮呀

 食少少後，媽咪又燉左燕窩

好足料架！

今日BELLA 3歲半生日喎，她的爸爸當然買個蛋糕比佢吹啦HAHA

 飲左湯，食左燕窩又食埋蛋糕，我沖個涼又要出去了

 我約左HONEY去食B仔涼粉的雞翼尖

我臨出去，豬仔已經準備瞓覺LU

 去到HONEY屋企都11點喇！

 我地坐左一陣，大約12點就出去食野了

 我地食左腸粉、雞翼尖同埋雞腳就返去了

 返到去快手沖個涼就要瞓喇！

 瞓得落床都3點了，真係倦喇！

GOODNIGHT

見下都開心

我覺得LEE個星期好似過得好快咁喎

話咁快又星期四了

天氣涼涼地真係好好瞓

 連豬仔都好似瞓到唔捨得起身咁喎

 懶豬豬

 返到公司快手做下野，原來諗住拎番D湯米出黎整熱食，但RYDER打黎叫食LUNCH喎

 GO GO GO LA

又係老地見

 今日好想食牛牛喎

食飽飽又傾下計，又幾個鐘了

傾下傾下又3個鐘了，返到公司都3點幾了

做埋D手尾都6點喇

 本來諗住回家DINNER，但HONEY又想同我DINNER，咁就GO GO GO LA

我先返左屋企換件衫再洗個面等HONEY過黎

 跟住我地就出大角咀打邊邊啦

 去左財記打邊邊，我地去到都8點幾啦，估唔到要等位喎

坐底後快手叫野食

 食飽飽坐一陣都12點喇

 返到屋企沖埋涼都點幾喇！

 傾左一陣就瞓喇！

 GOODNIGHT

保養一下

又是新的一天了

 今朝返公司前我要先去MARKET買少少野

 第一樣一定要買就係蕃薯喇！

 豬仔D餅餅食哂喇，又要焗比佢喇！
 同埋要買少少肉碎做LUNCH

 返到公司快手做好野，就整定個麵糰做餅餅比豬仔先

 跟住就煮個我最愛的肉碎湯米食下先

我真係好LIKE個湯米粉呀

食飽飽又努力工作了

大約5點又收工了
BOOK左去做FACIAL呀

天氣轉涼中，皮膚真係要保養一下了

做完FACIAL都7點幾了

出面真係涼左好多呀，大家記住要著多件衫唔好冷親呀！

 返到屋企食少少野就入房休息一下了

 臨瞓前當然是我和HONEY的SWEET TIME LA

有求必應

在心情靚的一天出發

是日靚靚OL LOOK

 返到公司做下野又LUNCH了

 喺唔知食乜好的情況下，就整個簡簡單的便算了

《煎腸仔炒滑蛋配排包多士》

HONEY同我講好想飲羅漢果茶，我當然即煲啦！

煲好後，我放工可以拎比佢

 下晝又要做下野，話咁快又放工了

 放工後，我先拎D羅漢果茶出中環比HONEY，跟住就落銅鑼灣DINNER

 約左ELSA同ANNABEL去炸雞

 今次去韓國冇食炸雞，咁就返香港食一轉啦

 甜辣炸雞~~~好味喎！外面脆脆辣辣的，入面又夠JUICY喎！

 LEE杯野真係幾好飲喎！！！

 乜乜年糕~~~超辣呀！我地已經係叫少辣炸，真係辣到個嘴都賬埋呀

 粉絲蛋卷~~~味道同口感都唔錯喎！

 食飽飽又吹夠喇就要回家了

 返到屋企都11點幾喇

 同HONEY傾一陣都要瞓了