颱風後的洗禮

起身時聽聽收音機仲係掛緊8號波呀！
繼續瞓吧！

瞓下醒下，天文台話會係10點前後落波呀！
終於10點10分落波了
要返工了

換好衫整好哂野就出門口了
嘩！一落街就見到成條街都係樹枝樹葉同埋碌到周圍係的垃圾筒

見到D清潔工人不斷的清理，辛苦你們了！

因為大家習中左一齊返工，真係超級多人，但幸運的是我還會有位坐呢！HAHA

返到公司都差不多12點LU
煮個一人午餐食下先
買左盒豆腐，一於煎左去食先
簡簡單單煎一煎再加椒鹽便可以了

YUMMY！正！

食個LUNCH後，做左一陣野，再上左陣網，又收工LU

今晚返屋企食DINNER，食飽飽要幫波子沖涼呀！仲要剪毛添！
一搞已經成個鐘喇！

到可以坐低睇睇電視已經係9點半喇！
好倦呀！

3號、8號、9號、10號唔係掛

在大風大雨的一天出發

今朝返工行去搭車果陣，超級大風呀！
有拎遮下半身都濕哂呀！但其實唔係好雨架炸！

返到公司個天都黑哂！
阿PAUL又打黎喇！其實每次聽到佢打黎都好開心，因為知道佢一定係好精神，有精神先可以打比我！你要記住健健康康呀！

佢又話要約我地食LUNCH呀！
OK！NO PROBLEM！BOOK位先

我地BOOK左12點半喺HARBOUR GRAND食LUNCH BUFFET
嘩！夠鐘就出發了

去到食個沙律先

 好味！

食食食，有D冇影呀！

 再食甜品先！雪糕好好味呀！

 食飽飽舊同事們都要趕住返去工作喇！
我就自己行返公司喇！
嘩！出面落狗屎咁大雨呀！有遮都冇用呀！

返到公司冇幾耐，CARRIE上左黎搵我呀！
佢有D唔開心想同我傾傾，傾傾下已經五點喇！
收音機話會黃昏前後掛8號風球

終於5點40分終於掛左8號喇！
我地傾到都仲未捨得走，不過唔走唔得喇！
再唔走冇車搭同埋超多人呀！

終於7點到返到屋企喇！
媽咪已經煮好飯喇！不過要等埋家姐返黎先食得

睇睇下電視突然話會掛9號添！

 原來到12點幾仲掛埋10號添
個韋森特真係幾利害，真係估佢唔到呀！

餐廳資料：
Harbour Grand Cafe
地址：北角油街23號港島海逸君綽酒店3樓
電話：2121 2689

Dan Dan & Brian's Wedding Day

RAINY SUNDAY

今日D天氣真係麻麻地呀！
不過落下雨都是好事，起麻冇咁熱麻！

十一點幾起左身，冇嘜野搞！
睇下電視，整下LEE整下路都4點幾喇！

去沖個涼，都係時候化個粧換件衫出門口喇！
今晚要去飲呀！
今日係DAN DAN同BRAIN的大婚日呀！

著嘜好呢？LEE條裙買左成年幾都冇著過，一於著佢啦！
又幾靚喎！HAHA

 因為我BOOK左6點做個EYE MAKE UP，所以要早少少出門口呀！

化左個靚裝又著左件靚靚裙，約埋阿JOE就上去了
今晚的飲宴在九龍站的W HOTEL

一對新人真係好登對呀！個場都佈置得好靚靚呀！

 飲宴食物都係大同小異，但以這樣的價錢，我覺得真係好麻麻呀！
D食物唔熱唔凍咁，好似整完放左好耐咁！NO GOOD

個場雖然好GRAND，但真係麻麻地，因為有D位根本係睇唔到個台架！仲要冇電視睇，好似自己喺酒樓食飯咁！又NO GOOD

為左尊重主人家，當然唔會早走啦！但真係冇諗過要食到12點囉！
真係多得個大妗姐唔小，超煩！

返到屋企已經成點喇！
落埋粧沖埋涼，瞓落床已經點喇！

喺度祝一對新人
『新婚快樂』
『百頭到老、永結同心』
『快快生番個BABY』

媽咪HAPPY BIRTHDAY

今日係媽咪的正日生日呀！
HAPPY BIRTHDAY TO MY MUM

今日個天好焗熱呀！仲要D空氣質數好差添呀！

起左身冇幾耐就出街了
一落街的煙霞好勁呀！
唔旭都會出汗呀！

心諗在戶外工作D人真係好慘呀！
在喺街企多陣都可能會中暑呀！

約左家姐E去行街街呀！
行呀行！買呀買！食呀食！
突然下大雨呀！跟住又有陽光！所以又見到彩虹了！近期為什麼成日都見到彩虹呢！

 希望我心中的彩虹快點出來便好了！

夜晚約左媽咪同佢食飯呀！
問下佢想食嘜！佢又冇IDEA
問佢去美心打邊爐好唔好呀！佢又話OK喎！

咁同家姐E行完街返屋企放低D野，就出發去藍田間美心LU
打邊爐都冇嘜特別野影LU，都係食野吧！

生日當然要有蛋糕啦！

媽咪：我祝您『生日快樂』『身體健康』『心想事成』『開開心心』

食飽返到屋企都11點喇！快快沖涼瞓覺喇！

Birthday Dinner and Birthday K

Happy Friday La
今朝起身行出廳就見到波子好乖咁瞓左喺佢自己張梳化到呀！
就同佢影番幾張寫真先

波子仔真係好乖架！

同佢影完相，我都要去換衫返工了！唔洗做咩！HAHA

今晚約左班舊老闆舊同同事食生日飯同埋唱生日K呀！
7點準時到逹

今晚晚的地點是君怡酒店入面的君怡閣

前菜是椒鹽雞軟骨和涼拌雲耳，很特別！味道也不錯

 先來個冬爪盅先，很清甜

 全豬烤香苗，好味但好肥有點"流"

其實仲有好多野食架，不過掛住食有影到！HAHA

最後有生日馬拉糕！好味！
又許個願先，都係果句今年唯一的願望希望可以逹成啦！

食飽飽我地就出發去唱K喇！
我地原本BOOK左NEWAY CEO同埋RED MR，最後揀了RED MR
唱呀唱！玩呀玩！飲呀飲！
已經差不多點幾喇！要返屋企喇！好倦呀！

真係多謝咁多位舊同事&老闆呀！

餐廳資料：
君怡閣中菜廳
地址：尖沙咀金巴利道28號君怡酒店M層
電話：2369 8212 / 2723 3888

突然的BIRTHDAY LUNCH

又到星期四了
返多一天又放假了

今朝返到公司做做做
突然收到PAUL的電話，他想跟我食個LUNCH呀！
聽到他打來真的好開心，因為他身體應該好了才會有精神打給我！

你咁有心約我食LUNCH，我當然沒有拒絶的理由啦！

我地最後去左數碼港食日本野
雖然並不是什麼豪華的餐廳，但見到了身體好多了真的很感恩

《刺身定食》好新鮮的！YUMMY

我的魚子海膽飯，一般啦！冇特別

 食飽飽我又係時候返公司做野喇！

夜晚返屋企食DINNER，睇下電視又一晚了

多謝您給我的生日利是呀！
既然又食生日飯，等我又許個願望先！
希望我今年唯一的願望可以逹成啦！

餐廳資料：
奧壽司 Oh Sushi and Tappas
地址：數碼港商場307號舖
電話：2989 628

HAPPY BIRTHDAY TO ME

今天是我的正日生日
先祝自己生日快樂，心想事成，每天都開開心心，身體健康

生日其實每年都會有，而且人大了真的不想過生日，因為又要提醒自己又大一歲了
HAHA！總是想長不大吧！

雖然今天是生日，但我都選擇上班去，天氣這麼熱都冇咩地方想去
只係跟朋友吃個簡簡單的晚飯，傾下計已經好好了

今晚約左老友CARRIE食飯呀！
我選擇左中環的《松家》吃我的生日飯

 食之前我地去左行一陣，行到差不多先去拎位
實在太肚餓了，一坐下就叫野食喇！

 

 兩個人係咁食食食，不停的食，不停的講
開心時間真係過得好快

咁就食左三個鐘喇！

再喺LEE度祝自己
生日快樂
心想事成
工作順利
身體健康
開開心心
青春常駐

今年生日有一個願望，希望可以逹成啦！

餐廳資料：
松家日本料理
地址：中環德輔道中55號協成行中心2樓
電話：2526 1012 / 2526 1013