真係唔講唔知喎

今朝好乖咁早左少少返公司做野
因為我下晝有私人野搞呀！HAHA

好快公事就搞掂LU

LUNCH約左奶去希慎間《Amaroni's Little Italy》試菜
又一城果間真係食過唔少次，原來喺希慎有，真係唔講唔知喎
可能佢喺14樓，好少人會特登行到咁高，而且LIFT又唔到喎，所以唔知真係唔奇

餐廳環境都幾好，宜家仲有光猛添
入到去坐低後，侍應好快就送上麵包籃

 我叫了一個KIWI Lemonade，好好飲喎，有多奇異果肉，而且檸檬味好清新，感覺好開胃

 先來一些前菜先
意大利芝士，風乾肉拼盤 Salumeria Tasting Platter
絶對要講下個黑松露蜜糖呀！好香好好味呀
LEE個拼盤只係希慎廣場店獨家的，要食就要過海喇！

焗釀釀菇菇
菇菇焗得好JUICY，味道也剛好

 鹽燒沙甸魚 Grilled Sardine with Roasted Vegetable
好肥美的沙甸魚，魚皮燒得好乾身但肉就一D都唔乾
連唔太鍾意食魚的，都覺得幾好

 主菜時間
墨汁魷魚意大利飯 Risotto Nero with Calamari
黑漆漆的一個意大利飯，賣相一點也不吸引但一試味道真的好吸引呀
意大利飯煮得剛好，軟硬適中
魷魚也是煮得剛好呀，不會煮到好似食緊香口膠咁呀！讚

 牛膝燴意大利ORZO PASTA
味道是好味的，但牛膝好似炆得未夠腍，如果炆得腍D，我諗會相當好味呢
個ORZO PASTA配上蕃茄蔬菜汁好好味，而且仲好夾添

 

吃完主菜，當然要食甜品啦

Tiramisu
好大件呀！

 意大利雪糕~~朱古力、雲呢拿同青檸

味道我覺得有點普通，因為意大利好像唔係咁的

 再來一個好RICH的CHEESE CAKE~~~芝味十足

總括這間意大利餐廳係好適合一班朋友一起來的，因為份量大足，而且味道都唔錯的
價錢又合理，地點也算方便的

最可惜的是這個商場是沒有停車場的，如果要揸車就要泊利園或者禮頓中心喇

食飽飽我同奶行左陣街再陪佢去CITY SUPER買餸就分手喇
我就要返公司繼續我的工作了

放工後BOOK左做FACIAL呀

扮完靚靚就歸家喇

餐廳資料：

Amaroni's Little Italy

地址：銅鑼灣希慎廣場14樓1401號舖

電話：2523 7818 

有點繁忙

今日好懶呀！
瞓到唔願起身呀！
放假唔洗返工嗎？又唔係喎！

終於搞到9點幾先捨得出門口，返到公司10點幾，整下野又一個朝早LU

兩點幾又出左去了
又去做RESEARCH呀，今次係做飲品呀！

做完就返公司LU，因為有D公事要處理呢！唔係我一定會收工歸家去的

整呀整已經6點喇，要收工喇

返到屋企要揸駕車出去叉下電呀！因為太耐冇揸過駕車電池冇電呀
順便落去車埋家姐E返屋企食飯啦！

一天看似冇嘜野搞又好似好繁忙的一天呀

今日有兩個朋友生日呀！
祝她/他 生日快樂，身體健康！

媽咪自家制

又再番風仲要落雨添
同埋好大風呀！

今朝返到公司做下野整下野又一個上午LU
LUNCH是但食左D麥提沙就算了HEHE

下晝冇嘜野搞喎！
睇左陣MY TV跟住就收工喇

今晚媽咪又整左燒肉呀
真係好好好脆呀

 自家制真係好味好多架

食飽飽就車媽咪去家姐C屋企拎行李箱呀，因為復活節去旅行呀！
順便帶埋波子去遊下車河先

跟住就返屋企LU

飽

又晨咁早起左身喇！
但其實我係好倦好眼瞓架，不過真係瞓唔到呢！
起左身就抱波子上床玩下啦

睇下我幾靚仔！HEHE

好開心架！有得上床玩同覺覺豬

起身後，媽咪話家姐C唔舒服，煲左D羅漢果水叫我車比佢同埋車兒甥TETE過黎喎

好啦！出發喇！
車左TETE返屋企後，就要出發去食BUFFET喇
去車埋家姐E同朋友就GO GO GO

去到剛好12點，可以開動喇
先來一隻蟹蟹先，嘩好多肉好多膏呀！

睇下D膏多到呢！真係食一個都有D飽呀！

 食D沙律醒醒胃先，沙律菜菜都好新鮮又好爽甜喎
煙三文魚又好好味

 刺身要了三文魚、甜蝦同埋帶子，樣樣都好新鮮
壽司卷都唔錯，但唔會食太多，如果唔係好易飽
蝦蝦同螺都好GOOD

 行去睇下有咩甜品食先，睇完一陣先拎

海南雞~~雞肉好滑但冇嘜雞味
叉燒~~正呀
菜膽花膠~~件花膠超大件呀！仲好厚添，食完個口真係好膠呀
蒸斑件~~魚魚好好味，又一D都唔腥喎

 食下甜品先
梳乎厘~~難食呀！甜到有點過份呀！
NEW YORK CHEESE CAKE~~非常的軟滑，芝味十足
BROWNIE~~有點乾，味道是OK的
無糖低脂芝士蛋糕~~一點芝士味都冇，唔知以為只係普通的海棉蛋糕

 再來一碟
泰或炒菜苗~~雖然好辣但好好味
刺身當然好先會ENCORE啦

冷盤、熱盤都好好，但甜品真係麻麻地，希望下次黎時會改善下啦！

飽飽喇就拎車走LU！有三個小時FREE PARKING

返到屋企同TETE玩左一陣，睇左陣電視就要諗下今晚食嘜
但諗下諗下又唔知食乜好，最後又唔肚餓所以冇食到囉！

今晚要早D瞓喇！

餐廳資料：

萬豪咖啡室 Marriott Cafe

地址：金鐘太古廣JW萬豪酒店5樓

電話：2810 8366

狗狗日

今日唔知點解又好熱呀！
又唔知點解LEE排成日都瞓得唔好呀！

唉！晨咁早就起左身喇，仲要瞓唔返呀......

起左身又玩下CANDY啦！

下晝要帶波子去沖涼剪毛呀，臨出去前同佢去球場跑下步先

球瑒冇人可以好開心咁跑呀！
睇下跑完幾開心笑！

跑到又熱又倦就接埋阿BEAR一齊去沖涼喇

放底左兩隻野，我同家姐E就落九龍城《德昌》食個TEA先家姐的炸魚柳拼炒蛋腸仔配鮮奶

 我的牛腩粉，河粉好滑但D牛腩超級"鞋"呀

仲叫左個剩魚蛋SHARE，都好多魚蛋喎！

 食飽飽行左一陣九龍城廣場間吉吉島，跟住就去接番兩隻豬隻喇

車返佢兩個返屋企，又到我們的晚飯時間喇
剪左毛的波子幾靚仔

 

搞掂哂D野就去食野喇，去左試工廠區內的打邊邊呀
去到工廠大廈的樓下真係睇唔出入面喺有火煱店架！

 店內座位真係唔多架，眼看大約坐多20人到啦！
睇下有咩食先

價錢唔會因為喺工廠大廈而平D喎，其實同平時出面的火煱店價錢差不多

叫了一個澳門豬骨鍋湯底

調味料，連比較少有的芹菜都有呀

先叫左D小食食下先
炸蝦餅、炸芝士蝦丸同埋炸鯪魚球
其實蝦餅同蝦丸係冇分別的，不過我覺得蝦丸好食D

頂級手切牛，肉質都唔錯

 鯇魚腩、手打墨魚丸

炸魚皮、魚皮餃

豬大腸、手打烏冬

蜂巢豆腐、招牌餃

湯底都唔錯喎！唔太咸，而且都幾香濃！GOOD

火煱配料都幾好，不過可能我地咁夜先食，所以有D野都冇哂喇！

我地6個人，又唔算食得好多野都食左差不多1200，原來仲會收醬料費架，好似每人6蚊

雞囉！我覺得費左D囉！畢竟都係工廠大廈麻

食飽飽就車左細佬出銅鑼灣就歸家SLEEP LU

餐廳資料：
德昌魚蛋粉
地址：九龍城福佬村道88號嘉福閣地下
電話：2718 3838

火煱仔
地址：官塘開源道55號開聯工業中心A座2樓11室
電話：2389 0008