家常便飯

尋日放左半日假，今日要快手做埋D野喇

做好哂後，就要諗諗今日食嘜好喇
尋晚食剩左D炆牛展，拎左返黎煮麵
《蕃茄炆牛展刀削麵》
真材實料個蕃茄湯好好味呀！

 食飽飽又搵下野搞先，前兩日整左D花花百力滋，一於整番個花樽先
整完仲要整埋D麵包超人餅呀！係幫朋友整的
快快手就搞掂哂喇

無驚無險又收工LU，今晚去家姐C屋企食飯呀！家姐今晚親自下廚呀

睇下今晚食嘜餸先
蒜蓉蒸開邊蝦~~~正呀

 清蒸懵佬魚、白灼芥蘭

帶子蒸水蛋、節瓜蝦米粉絲煲

白酒煮大花甲

 炒三絲~~~LEE個超辣呀，不過好好味

仲有紫菜魚蛋湯
真係好好味呀！家姐C煮飯真係好好味架！
真係好滿足的一頓晚餐呀！
THANKS

食飽飽都9點喇！兒甥TETE都要瞓喇！
而我地都要返屋企喇

返到屋企沖埋涼就瞓喇
今日D天氣好濕呀！今晚要開冷氣呀！

在忙碌的一天出發

真係好忙好忙好忙
有好多私務要做呀！

今朝返公司拿拿聲做埋D野就要出去喇
諗住先去金鐘續左個牌薄先，但又好似好趕，所以都放棄了

去有機店拎左芝士就去搵契仔媽喇

我地要先醫醫肚，諗唔到食嘜結果去左食元氣
是但叫左D壽司、烏冬同小食SHARE

壽司都OK，唔太大舊飯

好悶的牛肉烏冬

 小食---椒鹽魷魚

 食飽飽就去接大契仔放學LU

接左大契仔就一齊返去同細契仔玩喇
佢兩個宜家真係好搞笑架

 LOVELY BOY

同佢地玩左一陣我都係時候要歸家喇！

返屋企食飯呀！

唔知做嘜今日隻腳好倦呀！

餐廳資料：

元氣壽司

地址：屯門市廣場一期1樓1108-1112號舖

電話：2459 7388

鮮茄雜菜炆牛展

真係好鍾意食牛肉架
牛同蕃茄簡直係好朋友啦！

買左兩條牛月展原本想整鹵水牛月展，但細佬話想食蕃茄炆喎！咁就一於蕃茄炆啦

材料：
牛展肉 兩條(約2磅)
蕃茄 8個(約2斤)
薯仔 4個
紅蘿蔔 2條
洋葱 1個
冰糖 少許
薑 3片

 做法：
1. 先將牛展出水，將冰糖及薑加水煮滾，將牛月展放入，水一定要蓋過牛月展肉，煲約半小時，熄火後待水完全冷郤後將牛展取出備用
2. 將薯仔，紅蘿蔔，蕃茄切角洋葱切粗條備用
3. 將蒜蓉爆香，加入紅蘿蔔、洋葱及薯仔爆香，再加入牛月展肉炒香
4. 加入蕃茄煮蓉，加入兩碗水煮滾再加入1 小粒冰糖煮溶
5. 放入煲內炆兩小時，臨食時加少許鹽調味即可。

突然的午餐

今日好似有好多野做咁喎，不過唔係公事係私事呢

工作都係冇嘜野搞，都仲係比較清閒

咁ARM紐紋係附近做野，咁就一齊食個LUNCH喇，同埋儲埋左360蚊COUPON咁就去食上海野喇！

拍青瓜~~~好清新又好醒胃

擔擔麵~~~麻麻地，唔夠味，麵又太"林"
春卷~~~好味，夠香脆又唔油

 小籠包~~~普通啦！

 埋單$264，比左270蚊COUPON咁就一蚊都唔洗比喇！

返到公司見下晝冇嘜野搞就焗定個鬆餅聽日拎比契仔媽先！

 收工就返屋企食DINNER，尋日整左的牛展，放左一晚今日好入味呀！YUMMY

睇下電視打下機就瞓LU餐廳資料：
香港老飯店
地址：北角電氣道218號麗東酒店地庫
電話：2508 1081

將平凡變得不變凡

今日係年十五，即係元宵佳節又即係中國情人節喇

瞓醒冇嘜野搞，就搵D野玩下啦
之前見過小王子媽媽教過同百力滋整花花，一於無聊玩下先

有時有D野就係花點心思就會唔同哂架喇

 當我好專心整緊D百力滋時，波子亦都好專心咁睇住我

波子~~~YOU ARE SO SMART

 整好哂D百力滋就去整D牛月展喇
本來想整鹵水的，但細佬話要食蕃茄炆呀！

宜家有左FISSLER高速煲，炆野真係方便左好多呀！
20分鐘話咁快就炆好喇！

 今晚本來想同媽咪出街食，但坐下坐下又懶懶地，最後是但喺屋企煮下麵食便算了

今晚電視做中華小姐呀！好悶呀！都係早D瞓吧！

買新床

又瞓到11點先捨得起身喇！
起身冇嘜野搞睇下電視先，跟住又炒番熱D糯米飯食先

跟住就帶埋波子去陪BEAR BEAR沖涼先
係呀，係陪阿BEAR去沖涼呀，因為波子冇BOOK位所以咪冇得沖囉！

放底左阿BEAR後，家姐同細佬同埋林公公去食野，我就同波子去跑下步先
跑完步就上左DADA屋企坐下喇

喺等緊阿BEAR沖涼之際，收到狗店的消息，佢地做埋下個月就要結業喇！
咪又係加租囉！一加就50%，真係痴線架！
就係因為就黎結業，所以所有貨品都半價呀！

咁就睇下有咩買啦，咁ARM要買床比波子就買張比佢啦！
仲買左盒餅同一個伸縮帶添，加埋都係2佰幾炸

玩下坐下等埋阿BEAR沖完涼就返屋企喇！

返到屋企就到我幫波子沖涼喇！

波子好鍾意張床呀！仲好似瞓得好舒服添

 GOODNIGHT！

一個人的晚餐

又到HAPPY FRIDAY LA
今日有咩做呢？
係冇的！HAHA
唔洗返工咩？
係要的，但係冇野做的！HAHA

老細仲喺香港呀所以會佢叫食LUNCH，諗左好耐都唔知食嘜好
結果去左食燒味飯，好耐都冇食過燒味飯，所以又覺得幾好食喎

食飽飽就去左銀行整少少野就返公司LU

話咁快又收工LU
先去有機店幫林公公拎芝士再去幫契仔媽拎契仔的衫

點知去到間舖冇人喎，不過有張紙貼住話10分鐘後回來，咁我就等一陣啦
點知等下又10 分鐘，等下又10分鐘，我足足等左差不多30分鐘，打左無數次電話也沒有人聽，做後終於有人聽，但店主竟然話她已經走了。
走了不是問題，但為何要貼張野話10份內回來呢？店主竟說這是今朝的，忘記搣
雖然她有道歉，但這樣的服務態度真的要不得，客人特登到來取衫，但竟摸門釘，店主一句的我已走了，這是道理嗎？
如果一開始到來我不是見到一張寫著會回來的紙條，我一定不會等的
真的很氣憤，浪費哂我的時間！今次我會給這店一次機會，如果有下一次我一定會開佢店舖名的！
最後店主都有一點歉意，說會星期一親送件到我的公司，這樣條氣都順番D

因為咁樣等一等，搞到我遲左返屋企呀！搞到波子遲左食飯，餓死隻豬仔喇
波子醫左肚就到我喇

老豆返左鄉下，媽咪約左人，屋企今晚冇飯食，不過媽咪整定左D糯米飯，我就炒番熱加埋葱粒同花生食喇

 好美味呢！

睇左陣電視就瞓Lu ZZZZZ

可口可樂的另類用途

相信一定冇人唔知可口可樂係咁架啦
可樂係打邊爐同BBQ的好朋友
食左重味精野，飲罐可樂即時爽哂

 但原來可以唔止可以飲架，仲有好多唔同的用途架！
有興超即管睇下啦！
或者仲有一兩樣可以幫到你的！

1. 將可樂倒入燒熱的平底鍋中並煮滾，可以去除所有污漬
2. 要將一張現代照片整成老照片那樣深褐色的其實好簡單，只要用刷子輕輕將可樂刷在照片表面並讓它迅速乾燥即可
3. 柒髮後若覺得顏色有點重，用無氣的可能幫你把它變淡
4. 將舊硬幣浸入可樂裡能讓它們變得閃閃發光、更加適合收藏和裝飾
5. 把可樂倒入水壼放上一天，可清除水壼裏的殘垢
6. 將一罐可樂倒入廁所裡，可以當清潔劑用，可樂裡的酸會馬上起作用
7. 把可樂蕃茄醬一比一混合在一起可以做出非常美味的燒烤醬，在燒烤前塗在雞肉或牛肉上簡直是人間美味
8. 沒有氣的可樂是很好的護髮素，把它倒在你的頭上，沖洗並抺乾，你的頭髮會煥然一新
9. 把一個倒滿可樂的盤子放在花園裡可以驅除植物上的蟲子
10. 用鍚紙沾上可樂，可清潔汽車電池端的腐蝕物或車頭保險桿的鐵锈
11. 用一杯可樂洗洗你的珠寶，用牙刷輕輕地在表面抺後沖洗乾淨
12. 沒有氣的可樂能治療胃部不適，但不能喝有氣的可樂
13. 把可樂倒入廁所兩三小時，裡面的酸情物質起作用，可以去除尿垢
14. 舊的毛巾浸泡在可樂裡，可以變得更新
15. 用沾有可樂的毛巾擦拭，可以除鎖頭的生鏽
16. 倒一罐可樂入洗衣機，加入洗衣粉可以幫助去除衣物的油漬

朋友係要見架

今日真係好忙碌呀！

返到公司做左一陣野，寫埋幾篇食評就出去跟舊同事食個LUNCH喇
不過去食飯前先做左D公事先

會合左SUZAN，我地兩個先去拎位喇
佢地提意食丼丼屋呀
上次係屯門同契仔媽試過都唔錯
不過要等位囉！

等左一陣就有位喇！坐底睇下食咁先
睇埋食咩，TIM同冬冬就到喇！

我就食左個滑蟨豬扒丼

 滑蛋豬扒好難唔好食呢！

食飽飽就要各自回到工作剛位LU
返到公司做埋D手尾都差不多收工LU

DINNER約左RYDER，TINA同EVA去打邊邊呀！
EVA一早喺九龍城《禾牛薈》BOOK左位啦

我好早就去到喇！

點定野食等佢地啦！
因為九龍灣果到有嚴重的交通意外呀！所以超級塞車呀！
終於8點齊人喇！

飲杯先

 湯底都唔錯，冇嘜味精，因為食完都唔太口乾
打邊爐材料都好新鮮而且質數都唔錯，最好就係又唔貴麻
但今日座都位置就麻麻地喇，可以係冷氣風位問題，D蒸係咁蒸住塊面呀！

食下傾下笑下又11點喇！

我地幾個傻人去親九龍城食飯一定會去豪華餅店買包包架

THANKS HONEY請我地食包包

 返到屋企沖埋涼就瞓LU

開開心心又一個晚上

餐廳資料：

丼丼屋食堂

地址：太古城中心1樓102號舖

電話：2164 8636

禾牛薈火煱館

地址：九龍城南角道36號地下

電話：2383 9863

豪華餅店

地址：九龍城衙前圍道136號

電話：2382 0383

追劇

今朝晨咁早就比媽咪噪醒呀！
比人噪醒真係好『炆』架

唔知係咪LEE排夜瞓左，所以好似好唔夠瞓咁呀
咩事會夜瞓左呢
咪追劇囉
《童顏美女》

 套戲其實都幾好笑架，仲有D位都幾感動架
大家無聊的話即管可以睇下架

我之前未寫的BLOG終於都寫番哂喇！
下次都係今天的事今天做好喇！

豬BEAR 2ND BIRTHDAY

經過放左咁多日假，其實都仲好似放緊假咁呀！
不過事實歸事實，真係要面對現實
假期已經完左喇！

返工拿拿覆埋D E-MAIL就要努力寫埋我未寫的BLOG同食評喇

經過我一日的努力終於都寫得八八九九喇！

放工就返屋企食飯LU

今晚又番風喇，大家記住著多件衫唔會冷親呀！
外面仲要落雨呀

今日係BEAR BEAR正日生日呀

 生日快樂，身體健康，繼續活潑，不過唔好再肥喇！仲有就係要乖D喇！
因為落雨唔可以帶波子哥哥黎同仔玩，下次先一齊玩啦！

上不得

今日真係正式開工喇！

原本今日要上廣州架，亦都準備上廣州架
仲約埋同事一齊上架

但係呢......
我去到落馬州才醒覺我冇帶身份證呀！
咪早兩日囉，換左個銀包唔記得放返身份證囉，帶回鄉證係有帶架
所以就行個大運送同事到落馬州而我自己就搭番原車走囉

既然係咁我就去探下契仔啦
返屋企放低D野，再拎埋尋日焗的蛋糕就出發LU

去到先約契仔媽食個LUNCH先，但契仔媽剛食左野冇幾耐，所以只係陪食囉
喺OUTBACK食左簡簡單單的沙律就算了

食飽飽行一陣就去接大契仔放學LU再番去同細契仔玩
大契仔一返到屋企就瞓著左LU
只好同細契仔玩啦
細契仔真係越黎越抵打呀，個面珠仔真係好得意呀
不過太懶喇，仲未肯轉身呀

 坐左喺張彈彈椅，玩得超HAPPY，仲彈得好勁添呀！

 契媽愛死你呀！

玩左一陣要走喇，我要去車房拎番我架車呀！
拎完車就返屋企食飯LU

食飽飽睇下電視就覺覺豬LU