買新床

又瞓到11點先捨得起身喇！
起身冇嘜野搞睇下電視先，跟住又炒番熱D糯米飯食先

跟住就帶埋波子去陪BEAR BEAR沖涼先
係呀，係陪阿BEAR去沖涼呀，因為波子冇BOOK位所以咪冇得沖囉！

放底左阿BEAR後，家姐同細佬同埋林公公去食野，我就同波子去跑下步先
跑完步就上左DADA屋企坐下喇

喺等緊阿BEAR沖涼之際，收到狗店的消息，佢地做埋下個月就要結業喇！
咪又係加租囉！一加就50%，真係痴線架！
就係因為就黎結業，所以所有貨品都半價呀！

咁就睇下有咩買啦，咁ARM要買床比波子就買張比佢啦！
仲買左盒餅同一個伸縮帶添，加埋都係2佰幾炸

玩下坐下等埋阿BEAR沖完涼就返屋企喇！

返到屋企就到我幫波子沖涼喇！

波子好鍾意張床呀！仲好似瞓得好舒服添

 GOODNIGHT！