團年飯

今年冇年三十呀
所以今日係年廿九，明天就新年喇

媽咪今年又為屋企整左好多HANDMADE的新年佈置呀
掛左上牆真係好有新年氣氛呀
係咪好靚靚呢

 朝早起身執下野就準備出去LU
同家姐細佬出去食個QUICK LUNCH先

 醫左肚家姐同細佬就行左陣旺角，我就上阿宜到拎埋D衫，唔好"擇"過年麻

搞掂哂就返屋企食團年飯喇

 媽咪今晚大製作，一早預備左兜翅，條條牙簽咁粗架

 媽咪好犀利，足足煮左13個餸呀！超勁
足料上湯翅

係咪好壯觀呢！

三隻小魔怪等食飯呀！婆婆食得未呀？

媽咪自家制的鹵水飯同白切家美雞
兩樣都好入味呀！讚

 豉汁蒸盤龍鱔，我唔食的，但見家人們相當喜愛

 芹菜大蒜炒豬大腸AND肉片炒青豆
食左芹菜蒜就勤勤力力有得算，LEE句係媽咪話的

清蒸唔知咩魚

炸蟹鉗係家夫REQUEST的
發財好事CROSSOVER橫財就手

冬菇炆海參

原隻鮑魚生菜

 好耐都冇試過一家喺屋企團年喇！宜家屋企越來越多人多數都會選擇出去出面食，唔洗媽咪煮得咁辛苦麻
其實我地都係鍾意喺屋企食多D囉！

仲有飯後甜品

 兒甥仲因為食Macroon而“LUCK”左門牙添

 冇左門牙的小朋友係最得意架！

食飽飽就各自歸家了，本來想出去行下花市，但又懶懶地都係早D上床瞓算了！