馬交暴飲暴食DAY 2

尋晚唔係瞓得咁好呀！好早就起左身LU
因為家姐鼻鼾聲好噪呀！

起身佢地仲未起身就落樓下個上下網先

睇左一陣劇就上番去也搵佢地LU

等埋佢地就出去食野LU
去左氹仔搵食
間野其實喺官也街行入去架炸，不過都要行一段路，約15分鐘到啦
而且去到仲要排隊等位架，不過好食等下都冇所謂

 個紅豆冰真係超正呀，D紅豆又煲得好淋又入味喎！

牛尾湯公仔麵，個湯煲得好濃好入味呀！食完都唔覺口渴

咖喱海鮮炒飯，冇特別啦！
豬扒包，包包好香脆，豬扒夠入味呀！YUMMY

炸雲吞，細細粒好好食
芝士咸牛肉飛碟，OK啦，冇特別

食飽飽行左一陣就番酒店瞓番個午睡養下生先HEHE

瞓醒一覺精神哂，又要出去醫肚LU，我地一早BOOK定左MGM食BUFFET

 一入到大堂個新年佈置好靚呀！成個場都係桃紅咁呀！
我們原本的四人澳門美食團今日變成六人團喇，多D人一齊食野可以叫多D又會開心D

 

行個圈睇下有咩食先

 先食冷盤同刺身開下胃先
蠔雖然細細隻但好鮮甜呀，海蝦D肉好爽呀
三文魚夠鮮味，油甘魚超好味呀！

每張枱都有的熱辣辣包包，都好好味，外皮脆脆，內裡軟軟的架

 沙律都有好多選擇，但就冇得自己撈的，全部都係一早撈好預備的
再來刺身，因為實在太好味喇

 又去睇下甜品先，嘩！件件都好好味咁呀

雪糕都好多選擇呀！

食少少甜品過下口先
火焰菠蘿，熱熱地幾好味喎
芒果同乳酪雪笆，好好味呀！一陣要ENCORE

韓式海鮮豆腐湯~~~超足料呀！不過就辣左少少囉
雞卷~~~冇特別

 再來冷盤
蟹腳好味，蝦蝦好味，但蜆就冇味喎

 甜品款款都好好味呀！

LEE個係芝士新薯呀，個芝士超臭呀，好似臭腳味架，但食落就好好味HAHA

 再ENCORE兩球雪笆

真係飽到唔旭得喇

食飽飽就陪佢地入賭場兩兩手啦，我地就玩下俄羅斯輪盤機囉，當打發下時間囉

一玩已經係12點喇，仲話要去食宵夜呀！
大佬頭先果餐都好似仲未落格呀

佢地話要去食東北菜，即係食餃子呀
冷盤小食，炸花生，雲耳同支竹

煎餃子與蒸餃子，餃子太乾了NO GOOD

 涼拌豬耳青瓜絲，酸酸辣辣的幾好味

可能太眼瞓喇，唔記得影底地址添

真係好眼瞓喇！我地要返到瞓喇！
明天再食過！WAKAKA

餐廰資料：
喜蓮咖啡面食
地址：飛能便道街南龍花園地下B84號
電話：(853) 2882 7733 / 2882 7722

盛事餐廳 ROSSIO

地址：澳門美高梅金殿天幕廣場內

電話：(853) 8802 2372