都係咁決定啦

今朝要早起身呀！

 睇下我HONEY同豬仔幾溫馨

 快手換好衫就過去醫院見醫生了

CHECK完都係同果日個結果一樣啦！

 排左下星期一入院做手術啦！其實都唔係咩大手術，唔洗擔心

 咁見完醫生時間都係十點幾，我同HONEY都未食野就去食早餐啦

 HONEY好似有點擔心，所以我話我地去食個好D的早餐啦

 我地去左海濱食ALL DAY BREAKFAST

 睇見都HAPPY

食飽後就去左幫媽咪買鴨仔茶跟住就返屋企了

 出面落大雨呀！冇得同豬仔去街街

 但HONEY話都唔係好大雨，球場又冇人不如比豬仔去跑下

 咁HONEY就做左LEE件雨衣比豬仔喇

 真係笑C我喇

 又真係遮到雨喎HAHA

臭豬仔跑得幾開心

 跑到成腳都濕哂喇！

 跑完返到屋企就順便沖埋涼喇

 幫豬仔沖完涼，我同HONEY就返去了

返到去UNCLE都準備緊DINNER了

 食飽飽又同OCEAN仔玩一陣，跟住我都沖涼想瞓了

 但瞓左一陣又比我HONEY捉左去食糖水了

 返到黎快手刷牙就瞓了

 GOODNIGHT

望到啦

今朝瞓到9點幾先醒，食左D藥真係好倦

 我同HONEY都返工了

 OCEAN仔好乖咁坐定定睇我地開車

 我地先去左食少少野先返工

 去左食腸粉燒賣，跟住我車HONEY去九龍站，跟住我就自己返工了

 返到公司快手做少少野，跟住我大約4點就收工回家休息了

 返到屋企又食藥又瞓下啦，食左藥真係好倦

 原來諗住同HONEY DINNER，但佢今日好忙，又唔想佢趕住同我食飯，所以我喺屋企食左少少野，等佢收工先再陪佢食啦

 等到佢收工就同佢去炒兩個餸食飯啦

 食飽了，HONEY話想去按下腳，咁佢就去左按腳我就返屋企先

 HONEY今晚喺我屋企瞓，因為佢明天想陪我去見醫生

 HONEY成日都話一定要喺我屋企瞓一晚，終於比佢如願以償啦！

 等到HONEY按完腳上到黎都12點喇！

 快手叫佢沖涼就瞓了

 GOODNIGHT

最後

 做乜事落雨呀！

 

今朝要出TST覆診，出到TST先係9點半

有時間就去茶餐廳食個早餐啦！

 食完早餐時間剛好，上到去診所都未開呀！

 本來約左第一個做檢查，點知醫生成10點9先返到...激C

 檢查結果出來了，都係我和HONEY已知道的...唔緊要啦！

 HONEY仲喺飛機上仲未知道

 離開診所即搵大家姐睇下點做，大家姐都係話先去醫院啦，其他野她會安排

 咁我首先係要去睇左醫生先，因為我感冒仲未睇醫生，睇完醫生再快手食個飯，跟住返屋企食左藥，執少少野就去醫院登記了

 去到醫院登記左後，姑娘叫我星期五再返去見醫生，咁我就返屋企了

 返到屋企食左藥就瞓一陣了

 點解豬仔要瞓到咁呢？

 今晚本來約左TINA佢地食生日飯，但我真係好病最後都冇出到去了

 HONEY知道我冇出去就想我去佢到，想見下我又想睇下我點

 咁我就自己揸車過去啦！

 夜晚食粥加豆豉鯪魚，病左真係胃口都冇埋

食飽了休息一陣我都想瞓了

食埋藥都瞓喇！

 GOODNIGHT

好辛苦

個鼻塞左一晚，瞓得好差

 瞓瞓下又要起身抺鼻，唔抹又塞住透唔到氣

朝早起身返工做下野，下晝就走了

 返到屋企瞓左陣妟覺，跟住就同豬仔落街跑下，吸下新鮮空氣

 跟住就回家洗手洗腳，整好又等DINNER TIME了

唔舒服，媽咪煲左皮蛋肉碎粥

食飽飽又係時間小HEA一下

 再等HONEY返酒店，跟住同佢傾下我都瞓了

 我真係好倦好倦！

 明天要早起身，我要去覆診呀！

畫下

我真的病了

 個鼻塞到完全透唔到氣呀！

 D鼻涕多到抹極都有.....好辛苦呀！

 我個鼻仲要腫左呀！

今朝返到公司做下野，跟住就快手拎D餅餅出黎做ICING喇
唔係過兩日潮濕有排都唔乾呀！！！

話咁快就畫哂喇！

 係咪好靚呢....

 轉頭等乾透就可以入袋喇！

 畫好餅餅，我又係時間食LUNCH了

 媽咪整定左D豬潤比我，咁就煮個米粉食啦

 《芫茜豬潤瘦肉湯米》

 好好味呢！食完真係飽哂！

做多陣野我都要收工喇！我真係好病同好倦呀！

 收左工我就返屋企了

返到去快手沖過涼，跟住上床休息一陣等食飯了

食飽飯就同豬仔玩一陣，我都上床了

 跟住等HONEY做完野同佢傾一陣我都瞓了

 好倦好病呢！

 病都冇聲了

好痛

我個喉嚨發生乜事呀！

瞓瞓下都痛醒呀！

 即起身飲杯暖水再食包龍角散再瞓多陣，跟住就起身睇特首選舉喇！

 我好希望係薯片叔叔當選，但最後都係林鄭當選

有結果我同HONEY都要去搵食了，突然好想食魚蛋粉，就叫HONEY去大埔食學利啦！！

學利D魚蛋真係好好味！

 食飽飽後我地就返屋企去接豬仔，跟住再接埋OCEAN仔去玩玩跑跑LU

睇下個曳仔，玩玩下瞓低埋添

 玩到6點幾就返去了

 兩個寶寶都要大清潔呀！

 洗完白白我地都DINNER TIME了

食飽飽後我同豬仔都返屋企了

 HONEY今晚夜機飛東京呀！

 返到屋企我的小豬仔倦到呢

 我沖埋涼再等HONEY上機，我都要瞓喇！

 SO SLEEPY

打針針

又到開心星期六了

我每次唔喺屋企我的小豬仔就會好MOODY

 我真係病喇，今朝個喉嚨痛到醒左呀！

 見個喉嚨唔舒服快手食龍角散跟住再瞓多陣

 瞓醒後就快手同HONEY去食D野，跟住要同OCEAN仔去打針

 睇下LEE隻仔坐車幾曳，坐唔定架

 終於都去到診所見醫生了

 今日又係見DR. ANDREW

DR. ANDREW話OCEAN好健康，不過就瘦左D要增肥呀

打完針針就返去同豬仔哥哥跑跑了

OCEAN仔第一次去公園玩好好笑呀！

兩隻大帝玩完就要返屋企洗手洗腳了

 跟住比埋豬仔DINNER，我同HONEY就要返去了

 返到去UNCLE都煮好飯了

 食飽飯HEA一陣，我都食藥瞓了

 真係好倦呀！

作病中

 返到公司要快手整左個餅麵糰先呀，如果唔係下星期冇時間整了

 整好後就快快焗左先

 個餅餅係做比大頭兒甥仔百日宴的

 個餅餅焗好放入盒，下星期就可以做ICING喇

整好餅餅，我做多陣野都要出去了

又要出長沙灣飲藥呢！

 飲完藥見有D餓就食碗粉啦

 食完碗粉就快快回家了

 返到屋企快快同豬仔落街跑下，跟住沖涼

 今日喺屋企DINNER，我HONEY仲喺大陸做緊野呀

 食飽飽就同豬仔玩下再HEA左一陣

 跟住就去火車站接我HONEY跟住一齊回家了

 我好似作病中，今晚早D瞓吧！

蟲草花螺頭煲竹絲雞

LEE個湯真係好好好味架！

 用左好多材料，又用左十分的心機去煲，睇都知佢有幾甜啦

材料：

 竹絲雞(去皮) 1隻

螺頭 約10粒

杞子 適量

元肉 適量

蟲草花 適量

瘦肉 1小件

做法：

1. 瘦肉及雞放入凍水中煲至滾出水，盛起備用

 2. 螺頭、杞子、元肉、蟲草花先用水沖一沖再浸至軟身

 3. 煲滾一大煲水，將全部材料放入，大火煲1小時，轉細火煲1.5小時即可

好想食

我尋晚瞓瞓下突然好想食薑葱撈麵

 咁我返工前當然去買材料啦！

 返到公司做下野，跟住又最我愛的午餐了

 《銀芽薑絲韮菜餃撈麵》

 個麵真係好好味，我仲食到好飽呀！

 飽到唔想旭呀！HAHA

 做多陣野，我又要出去了

 大約3點鬆D就走了，我要出長沙灣飲藥呀

 出到去碗藥剛好可以飲了

 飲完後過街市買左D賴尿蝦就回家了

 返到屋企就同豬仔落街玩下

 有小朋友一齊玩喎

 玩左一陣我同豬仔就繼續行了

 跟住就回家洗手腳就DINNER了

 今晚整左金銀蒜蒸賴尿蝦，好好味呀

 食飽飽後就上左家姐E屋企，大頭仔細佬今日三個月喇

 玩左一陣就回家了

 返到屋企拎家姐E煲比我的桑寄生蛋茶食，食飽了等埋HONEY落機就瞓喇！

幫得幾多得幾多

話說尋日見完醫生話我麻麻地，咁今朝我就一早去見見中醫啦

做得幾多就幾多啦！

 見完醫師，要等煲藥就去食碗粥先

 HONEY知道我心情麻麻地，就出左黎接我

 我拎左藥就同HONEY去左美孚食ALL DAY BREAKFAST

 HONEY就食漢堡，個薯格好好味呀！

仲有杯HOT CHOCOLATE

食飽了我地就回家了

 返到去HONEY要做野又要開CALL，跟住我地就喺屋企DINNER

HONEY今晚要飛韓國呀！

 咁我食飽飯後休息一陣就揸車回家了，HONEY做埋D野都要去機場了

 我返到屋企沖完涼再同HONEY傾下我都瞓了

芝士辯辯包

食包包好多時有芝士都會揀芝士的

點解會咁LIKE芝士呢？

 我都唔知喎！！！

LEE個包包真係又香又鬆軟

材料：

高筋粉 250g

牛油 15g

糖 10g

鹽 5g

牛奶 190ml

 酵母 1小匙

 芝士碎 適量

做法：

1. 將所有材料放入P仔機，MODE10，一個多小時就已經完成第一次發酵

2. 取出麵排氣，滾圓，蓋上濕布放入雪櫃2小時作低溫發酵

3. 取出麵糰，平均分成8份，滾圓搓長做型，蓋上濕布發酵1小時

4. 以170度焗12分鐘即可

點解會咁...

今朝我唔返工喇！

 我要去第一次的產檢呀！

是日HOT HOT地LOOK

 約左11點半睇醫生，我就約HONEY直接喺醫生到等啦

 等左一陣終於都我喇！

 先量左血壓，再驗蛋白尿跟住就見醫生了

 醫生幫我照超聲波，見到個胚胎，有心跳，但心跳好弱，醫生話我有小產的機會，而且機會都好高

 聽完真係諗，其實我可以做D乜呢？

 我係乜都做唔到呀...

 我知道HONEY好膽心我，我都好膽心，但除了膽心仲可以做乜呢...

 我地離開左診所就去食D野，跟住我同HONEY都各自返公司了

 我返到公司都冇乜心機做野，大約4點半就收工了

 返到屋企就同豬仔玩下啦！

 豬仔玩到倦就去小休了，真係比佢激C

HEA左陣，沖左涼跟住比豬仔DINNER，我就上家姐E到食飯了

 HONEY收左工都過黎陪陪我，食飽飽了就一齊回家，返到去傾左一陣我就上樓了

 HONEY返到去傾左陣就瞓了

 GOODNIGHT

各自忙

MONDAY喇！

又要面對現實上班了

返到公司做下野又要諗下食乜先

雪櫃仲有煲粥喎，整番熱食埋佢啦

 食飽飽又做下野，我HONEY今日好忙呀！

 一個會又接一個會

 我大約5點鬆D就收工了

 返屋企同豬仔去跑跑

 跑到掟哂彎呀！

 好HAPPY咁喎！

 玩完又回家了

 洗好手腳又係時間DINNER TIME了

食飽飽後同豬仔玩一陣，跟住我都要洗白白了

 沖完涼HEA一陣等HONEY食埋飯就同傾下

 跟住就要瞓了

 臭豬仔覺覺豬了