曲奇日

今朝返工前去左拎REPORT呀！
身體檢查一切正常

因為今朝肚仔唔係咁舒服，所以冇嘜心機食早餐
更加冇心機諗食嘜啦！

尋日已經諗今日要整曲奇餅
因為買左枝曲奇槍好耐都未用過，一於玩下先

 諗下整咩味先，見到有盒伯爵茶茶菜，一於就整佢啦！

 整完曲奇，食過LUNCH後，做左一陣野
我又去左瞓晏覺，一瞓已經係收工時間了

收工返屋企食飯呀！簡簡單單的晚餐有成8個餸，好幸福呀！
食完飯我仲食埋荔枝呀！

今年D荔枝真係麻麻地呀！

脆卜卜肉絲炒麵

一向好鍾意食脆卜卜肉絲炒麵
喜愛他的脆卜卜，過一陣又會因為有汁而淋淋的

但喺屋企要開鍋油黎炸麵又真係浪費了
早排見到大少奶用焗爐焗麵餅，成功喎！

當然跟住做啦！

 材料：

麵餅 2個
肉絲 半斤
九王 1斤
芽菜 1斤
調味：
生抽 1茶匙
糖 半茶匙
鹽 半茶匙
生粉 2湯匙
蠔油 1茶匙
麻油 少許

水 1杯

 做法：
1. 麵餅用熱水鬆開，吹至乾身後，用少許油撈勻
2. 麵餅以180度焗約10分鐘，反轉再焗8分鐘
3. 先炒肉絲至熟，再下芽菜炒至軟身，下調味至收汁，再下九王
4. 麵餅放底，淋上肉絲便可

清茶淡飯

今日大老闆係香港呀！
雖然佢係香港根本唔會影響我，只係佢會返OFFICE，咁我冇咁FREE啫！

有D忙呀！
LUNCH同老闆去左《百樂潮洲酒家》飲茶
飲茶我一向都食唔到好多野，食少少已經覺得飽喇！

食完LUNCH老闆去開會，我繼續返公司做埋D野
做做做，一做已經係4點LU

5點準時走LU，因為約左EVA同TINA6點係德福等呀！
我地今晚要去RYDER屋企食飯呀

我地今晚唔大魚大肉，我地今日清清地食粥呀！

 工人姐姐負責煲粥，煲左搖柱皮蛋瘦肉粥
我去到就整肉絲炒麵，之前見大少奶整過，一於跟跟跟啦！

麵底不需用油炸，只係用焗爐焗到脆卜卜，雖然少了一份油香但咁樣會健康D
好味！

工人姐姐仲蒸左隻雞，因為太熱所以要剪呀！
好滑滑呀！

姐姐好細心切埋葱同元芫茜比我地添

食飽飽仲有飯後果！

好飽呀！飽到唔旭得呀！

開開心心食下傾下又一日！

倦倦的星期一

星期一
好倦的星期一
唔想返工的星期一
著靚靚的星期一

我相信好多人都唔鍾意星期一
我相信好多人星期一都會有請假的衝動

就係因為今日係星期一，我要食個麥當奴珍寶餐黎振奮下
點知原來個餐係超飽架！我食左一半都冇已經食唔落喇！

做左一陣野，突然覺得眼瞓到極點呀！
都係瞓陣先，一瞓原來已經2小時喇！

瞓醒精神哂！
做一陣野，落去買個下午茶食下先
好想食炸雞脾拼薯條呀！YUMMY

5點半準時收工返屋企食飯
食飽飽，約左BEAR BEAR一齊去公園玩呀！
BEAR BEAR好耐冇見過波子呀，所以好開心，一見到哥哥跑得超快呀！

玩左半個鐘，我地就各自返屋企了，因為表姐TETE要返屋企喇！

HAPPY SUNDAY

今朝好早就起身呀！
咁早起身做嘜呀！
咁早起身做呀茂！

因為下晝約左朋友，想整D野佢食，諗左好耐決定整《叮噹豆沙包》
因為整個粉漿後要冷藏兩個鐘，所以咪要咁早起身囉！

整好粉漿，上床再瞓過
10點再起身，煎餅皮

 

因為唔想整咁多，所以我只係整左食譜的1/4，TOTAL整左5份

整好後，沖過涼要出去喇！
我要去修修D頭髮呀！
雖然我決定左留番長D頭髮，但都要修修架！

剪好頭髮後，就會合朋友去睇《白雲公主之魔幻復仇記》

套戲都幾好睇，又有D緊張同笑位！唔錯

睇完食埋飯再食糖水就歸家了

輕輕鬆鬆星期六

咁快又一星期了，尋晚家姐E打黎約今日去行下呀！

咁我地約左12點去大埔食《學利》魚蛋粉，咩事要去到咁遠食魚蛋粉呀！好味囉！

家姐E食古法炸魚蛋米線、我食水餃河粉、姐夫K食古法炸魚蛋河粉
仲叫左碟炸魚皮，信心保證，EVERYTHING GOOD GOOD

食飽飽後，就去敗家了，一敗已經係黃昏了

我地各自返左屋企放底D野，沖過涼就出去食飯LU
我地BOOK左尖沙咀間《新高麗苑》食韓燒
我地BOOK左8點，點知等左成個鐘先有位呀！

好肚餓呀！一坐底即刻食啦！

 

材料都算幾新鮮同埋唔會死咸，不過真係太多人了。

飽飽仲落埋旺角食糖水，咁又一天了！

餐廳資料：
新高麗苑韓國餐廳
地址：尖沙咀廣東道海威商業中心3樓
電話：2779 4664

Lunch Gathering

本來今日唔想返工架！因為返完廣州今日應該會倦加麻！HAHA

返到公司做左一陣野，SUZAN打黎約食LUNCH呀！當然冇問題啦！
原本得我同SUZAN兩個人食，但後尾KARLEY同TIM都JOIN埋
咁我地揀左近佢地的THE CODFATHER

準時到逹攞定位等佢地啦！
人齊後，我地叫左4個餐SHARE

香煎西冷紅酒汁、意式香草鮮魚寛條麵

 燒美國豬扒蕃茄醬、火腿白菌忌廉汁扁意粉

 基本上四個都好好味！

食飽傾飽後，佢地都要返工LU，我都要返工公司喇！

因為要等份文件，所以成5點幾先走得
收工去左阿宜到幫朋友拎衫，順便自己又敗家了

敗完家返屋企食飯喇！

餐廳資料：

THE CODFATHER OYSTER AND SEAFOOD BAR

地址：鰂魚涌海灣街23號地下

電話：2856 5000