補貨

好眼瞓呀！

今朝起身覺得好似好凍咁喎，但看看氣溫又好以唔係好凍喎！
不過都係著多件衫算了

返到公司整下野，就落左銅鑼灣，要去銀行整D野，順便去《心甜》入D貨先

買左D裝飾糖粒等之後有時間玩下先

 跟住再落左CITY SUPER又買左LEE兩罐野

 每罐都係$36，又好似好抵咁喎！

買完野又係時候返公司LU

返到去冇嘜野搞，又睇左陣戲，跟住話咁快又收工LU

食飽飯就睇下電視啦！

宜家無線做緊果套《心路GPS》好以又幾好睇喎！

商舖資料：

心甜烘焙材料專門店

地址：銅鑼灣怡和街22號10樓全層

電話：2882 7188

驚蟄

今日係驚蟄日呀！
大家身邊會唔會都有小人需要打一打呀！

 其實身邊難免會有小人的，只要大家做事小心D，好多事都可以避免的

睇開報紙，有講開有關驚蟄的資料，大家有需要的話可以參考囉！

「驚蟄」又稱「白虎開口」

今晚是『打小人』的最佳時機，尤其是今天「犯太歲」的生肖《虎、猴、蛇、豬》最『犯小人』

《打小心口訣》
打你個小人頭，打到你一世無出頭
打你個小人耳，打到你俾人淋狗屎
打你個小人口，打到你有氣冇定透
打你個小人胸，打到你變了豬肉鬆
打你個小人肚，打到你人老錢又冇
打你個小人腸，打到你放屁特別響
打你個小人手，打到日日搽跌打酒
打你個小人腳，打到你情人節冇人約


其實我都覺得個口訣幾好笑，不過個人覺得以上這些習俗知道就得了，不能夠盡信呢

一年了

今日係我開個BLOG的1歲生日呀！

 一年前因為轉了工作，工作變得清閒了要找點事做而開左個BLOG
就係開左個BLOG令我可以將我的劣作放上來作個記錄

時間真的過得好快，咁就一年了

一年間發生了很多事，開心，傷心當然都會有，但我會選擇記住開心的

我都唔知我會有幾多的毅力繼續寫下去架，不過我會繼續努力的

一個忙碌的星期天

起身已經差不多12點喇！

換好衫就準備出去了，因為朋友個侄仔生日幫佢整左D餅仔同小食要拎比佢
順便約埋家姐去飲個茶啦

我地今日唔去龍皇轉場去陶源
我地叫左個商務午市精選套餐
先黎個霸王花煲瘦肉湯先，個湯煲得好濃郁呀！GOOD

 神草蒸龍躉件，D魚一D都唔"腥"仲好好肉添喎

姬松茸遼參粉果、腊味蘿蔔糕
個粉果好好味呀，個皮做得超薄仲唔會一夾就散添呀！

懷舊雞絲春卷，炸得好香脆仲一D都唔油呢

 名門雪影蝦球，個蝦蝦整得好爽口而且仲好好味添

 石窩鮑魚雞粒飯，個飯好香好好味呀！味道剛好，材料又適中喎！

 個餐真係好抵食，咁多野先係$398，個餐係4人份量，我就話足夠6人食呀！
另外仲叫左D點添
炸兩、叉燒包、排骨、豆苗餃、奶黃千層糕、蝦餃、鳳尾芋角

全部點心都好好味，基本上係冇唔好食的，而且服務態度也相當好呢！
6個人食左咁多野先係7佰幾蚊，你話係咪好抵先

食飽左就返去拎車出旺角買包包D糧同木糠，真係好唔鍾意假期揸車出旺角架，又多人又多車，而且D人又唔睇路喎！一氣短短的路足足用左10分鐘先走到
買好哂野，家姐又話要食野呀！

咁就搵間野坐低飲杯野啦！

行左去砵蘭街間《奇華閣》姐夫話LEE間D奶茶好好飲的，但我唔太好奶茶所以飲熱菜蜜，沖得剛好喎！

 魚柳包VS豬柳包，兩個都好味，包包甜甜的餐包，而且仲整得軟熟呀！

豬扒出前一丁~~~我冇食亦相信唔會唔好食囉！家姐話超多豬扒呀

 又一餐喇HEHE

拎返架車就車埋個朋友去荃灣再返屋企放低架車，再出返旺角睇戲喇

《喪星玩轉荷里活》

 套戲係幾好笑但又唔需要入戲院睇囉！嚴格的可以話爛片一套

睇完戲都差不多九點喇，要去搵野食喇，行返去太子《七喜》醫肚
因為太肚餓喇，唔影喇！快D食野喇

食飽飽返到屋企都11點喇！小波子都瞓覺LU

一個好充實的星期日呀！真係好倦呀！

GOODNIGHT

餐廳資料：
陶源酒家
地址：官塘開源道1號駱駝漆中心1樓
電話：2366 8108

奇華閣咖啡餅店
地址：旺角砵蘭街290號地下
電話：2394 3265

七喜粥麵小廚
地址：太子花園街224號地上
電話：2787 6280 

沒有約定的晚餐

外面真係凍左好多仲要落雨添！大家記住著多件衫呀！唔好冷親呀！

記身約左家姐E落牛頭角食粥，食飽飽就出去行下街啦
順便去埋修修甲先

因為今朝只係食左粥，所以大家都有餓喇！
既然係太子咁就去金華食個下午茶先

我地叫左兩個雞翼餐，
有兩隻炸雞全翼，一個酥皮蛋撻
一擺上枱我已心知不妙，一看便知兩樣野都係凍的
蛋撻不但凍的，仲要真係超難食呀，雞翼真係唔知炸左後放左幾耐，連一點暖意都冇呀！這間茶餐廳仲話係星級茶餐廳......

仲叫左一個楊州炒飯，飯反而炒得唔錯，不太乾也不會太濕

這間茶餐廳也不是第一次來，但食物的水準真係越來越差，現在連出名的奶茶也做得不好，奶茶的茶底沒有茶味，一杯凍奶茶只有死甜的！真係要好好改善下喇！

下晝家姐C打黎話今晚食飯呀
大家都諗唔到食嘜，不如買D野，又整D小食再叫PIZZA喺屋企食算啦

咁又食得舒服又唔洗同人迫麻
叫了一個BIG BOX餐再加一個七重芝士PIZZA
個七重芝士PIZZA好味喎！鍾意食芝士的一定會LIKE

仲去吉吉島買左壽司同小食豬耳添

我仲去街市買左D雞中翼同賴尿蝦，仲買左D菜菜添！

一頓簡簡單單的晚餐，但真係好飽呢

回程時將架車比姐夫K揸，等佢可以練練膽量和感受下路面情況

返到屋企沖埋涼就去SLEEP LU

餐廳資料：
金華冰廳
地址：太子弼街47號地下
電話：2392 6830

簡簡單單

又到HAPPY FRIDAY LA

話咁又到三月喇！時間真係過得好快呀！

點解好似成日都好似冇嘜野搞咁架！
諗左好耐都好似冇嘜野搞，都係乖乖寫埋D食評啦

終於用左大半日寫左大部了，但都有好多未寫呀！

話咁快又收工LU
媽咪話今晚煲粥炒麵呀！正，正合我心意

食飽飽睇下電視就入房煲埋套戲先

終於都結局喇！真係幾好睇呢！

早抖喇！

早睡早起身體好

早睡早起 身體好
LEE句說話人人都知，但又有幾多人做到呢

都市人每日都忙忙碌碌，有返工冇收工
放工返到屋企好才的就七、八點，食埋飯都10點啦，正常的話又點會就瞓啦

好多人上網都三更半夜都唔捨得瞓，有D可能仲喺邊上蒲呢
大家如果想有健康的身體，就要好好改善你的睡眠時間喇

 晚上9-11點 ~ 是免疫系統〈淋巴〉排毒時間，此段時間應安靜或聽音樂
晚間11-凌晨1點 ~ 肝的排毒，需在熟睡中進行
凌晨1-3點 ~ 膽的排毒，需在熟睡中進行
凌晨3-5點 ~ 肺的排毒；此即為何咳嗽的人在這段時間咳得最劇烈，因排毒動作已走到肺；不應用止咳藥，以免抑制廢積物的排除
凌晨5-7點 ~ 大腸的排毒，應上廁所排便
早上7-9點 ~ 小腸大量吸收營養的時段，應吃早餐

病療者最好早吃，在6點半前，養生者在7點半前

不吃早餐者應改變習慣，即使拖到9、10點吃都比不吃好

半夜至凌晨4點脊椎造血時段，必須熟睡，不宜熬夜。
那些經常熬夜的人，收到就早D瞓喇！