車車的快樂日誌

2012年8月23日星期四

Grand Opening

今日好早就起左身，因為要去樓下食早餐呀！
平時喺香港都唔洗咁早起身

食飽早餐後，就有同事黎車我去新OFFICE果邊喇！
新OFFICE的環境的確很不錯呀！

很光猛的RECEPTION呀！

Pantry and Workstation

Training Room

一個簡單的入伙儀式

喺度祝公司業務蒸蒸日上，越賺越多，我年尾個BOUNS就呵呵呵

兩點幾就出發返香港喇！
但因為跟一位德國的客戶在一起回港，他想中途到羅湖商業城行一圈買些紀念品給家人，我當然會盡地主之儀啦！

返到香港仲要同佢食埋飯先返得屋企呀！我好掛住波子呀！

2012年8月22日星期三

又要上廣州了

又要上廣州了
不過今次冇一早上，因為今次係要過夜的

明天新OFFICE GRAND OPENING呀！

我選擇左搭1:10果班車，因為LEE班車係香港車會舒服好多架！

雖然係上大陸，但我依然會著靚靚的！HAHA

上到去廣州都差3點半喇！仲要坐多半個鐘的士先OFFICE，因為落大雨的關係有D塞車！

返到OFFICE其實已經差不多收工喇！夜晚同國內D同事去左食飯呀！
去左間係川菜同餃子的舖頭食呀！
味味菜都辣架，不過我都有食少少

因為早食DINNER的關係，好早就食完返酒店喇！
未到8點已沖完涼坐底睇電視喇！

十一點到就瞓喇！

2012年8月21日星期二

脆到呢!!!!!!!!

話說尋晚諗起奶油脆豬，講過今日要整黎食
一返到公司即刻開工搓左個豬仔包麵糰先

不過雖然一返黎就搓，但等得發酵都要TEA TIME先有得食架喇！HAHA

今日我只係整個大約四個豬仔包的份量，因為整得太多食唔哂麻
兩個豬仔包整奶油脆豬，兩個就整左朱古力流心包
真係正到呢......！

真係超脆到超美味呀！
個外皮脆到卜卜聲架！真係食過自家制的翠華的都無得比呀！

朱古力軟心好好味呀！又係外脆內軟呀！

為左食LEE個包包，用左我幾個鐘都係抵架！因為整在太美味喇！

今日會早D收工呀！因為要幫老細過尖沙咀拎D野呀！
過尖沙咀又唔趕時間當然會選擇搭船啦！

過到去拎完野，諗住順便去睇下D叮噹啦！
嘩！D人多到根本睇唔到

見到咁多人都係速逃了

今晚又要去做球證呀！又要入馬鞍山呀！
唔知點解今日個人好倦呀！成日都覺得好眼瞓咁呀！

球賽順利完成，快D返屋企瞓吧！

2012年8月20日星期一

無聊

星期一喇！大家係咪好唔想返工呢？
大家今日係咪有假期後恐懼症呀？

其實只從上年轉左宜家返工後，已經冇再出現過以上症狀喇！

真的好感恩，因為我遇到一個100分的上司，又遇到一個100分的老闆
佢地兩個對我的工作抱有100%的信心，從沒有過問我的過程，只要我做得到就OK，就算唔得亦唔會責怪！真的太好了。

講到咁遠添！HEHE

今日著左上次喺阿宜到買果件衫呀！件衫真係著到人好瘦架！WAKAKA

老細仲喺香港呀！所以佢一定會同我食LUNCH，我地去左樓下間酒樓飲茶
叫到一枱都係野，邊食得哂呢！不過次次都係咁架喇......

收工去左脫粒粒呀！每次脫粒粒我眼水都會不停咁流，因為真係有少少痛架！不過要靚唔要命麻！HEHE

唔知點解喺屋企途中，不斷諗起奶油脆豬呀！
既然係咁，我明天要搓豬仔包整奶油脆豬呀！

黑糖合桃包

感覺上用黑糖做的包包好似高貴一點

之前見到大少奶整LEE個包包，一於跟住整啦！
整黎比契仔媽食啦！

包包好鬆軟架！仲有淡淡的黑糖香！正

材料：
高筋粉 250g
黑糖 50g
鹽 3g
水 160g
酵母 4g
牛油 12g (室溫)
合桃適量

做法：

1. 黑糖、鹽加埋水攪勻

2. 高筋粉加酵母，加已烘過的合桃，然後加入黑糖水，攪勻開始搓，搓3分鐘開始撻，撻到光滑後加牛油再搓,再撻大約200下

4. 搓至有薄膜，鋪上擰乾濕布第一次發酵，約45分鐘至1個鐘，麵糰發大兩倍
5. 取出麵糰排氣，再滾圓，面層鋪上擰乾濕布，放入雪櫃雪兩個鐘

6. 再取出排氣，平均切割份量，大約6-8份，滾圓蓋上擰乾濕布靜置15分鐘

7. 整造型進行最後發酵大約30-45分鐘，麵糰發大兩倍

8. 最後搽上蛋漿，180度焗10-15分鐘

2012年8月19日星期日

齊齊洗白白

唔知係咪尋日行左一日好鬼倦呀！
一覺瞓到今朝十點幾先起身，起左身又唔願落床喎！
係床到睇左陣MY TV

媽咪煲左皮蛋咸瘦肉粥同炒左米粉，真左少少就要準備出去喇！
今日要帶波子去洗白白呀！

準時開車接埋BEAR BEAR就出發喇！

放低左兩隻小狗後我地去左翠華食個TEA先

我叫左碗魚蛋河粉+凍檸茶

食完上左DADA屋企坐一陣就接番兩隻小狗就返屋企喇！

今晚DINNER喺屋企打邊爐呀！
返到屋企放低左波子後，我就再出去買D野，買左斤賴尿蝦呀！好新鮮呀！

打邊爐永遠都會平時吃得多一點，好飽好飽呀！
食飽飽仲要食埋雪糕先至安落！個肚就爆喇！

臨瞓前幫波子影左輯寫真！HAHA

係咪好靚仔呢？

2012年8月18日星期六

SUNNY Saturday
今日約左家姐E行街街同扮靚靚呀！

大約12點到先去銀行處理下D私務先，再會合家姐就出發LU
我地先去大埔食個LUNCH先
我地入親大埔都會去《學利》食魚蛋粉架！
好好味架！

食完我地就去行街街扮靚靚喇！
家姐次次都係植眼捷毛，我就修下手指同腳指囉！
咁就坐左我地兩個幾鐘呀！

行多一陣街已經就6點喇！
要返屋企喇！因為約左媽咪老豆食飯呀！

我先去左家姐E屋企同BEAR BEAR玩一陣先
隻傻BEAR真係傻架！唔同佢玩就吠人.....真係冇佢辦法呀！