好大的溫差呀

尋日都仲係又熱又潮濕，今朝起身已經係涼涼的呀

真係要正正式式換季喇

本以為咁樣著都OK暖啦！話哂都係毛毛衫麻
怎料，下晝溫度跌到得番17度呀！
係咪想凍死人家個女呀！好才公司有條頸巾可以頂下啫

LUNCH唔知想食咩，於是去左買提子同埋薯片食算了
HAHA

放工要快快返屋企呀！真係好凍呀！
連睡衣都換埋長袖喇！仲要拎埋件神褸出黎著先夠暖呀

夜晚瞓覺可以太凍，D血到唔到腳趾呀！所以抽左幾次筋呀！

雖然好怕凍，但我好愛冬天呢！

Anpanman Biscuit Pop

早兩日睇小王子天地見到LEE個棒棒餅，就諗到可以變一變整麵包超人喇

睇下係咪好可愛同得意

小朋友大朋友見到一定好開心呢

材料非常的簡單

材料：
OREO餅
M&M朱古力
白朱古力
黑朱古力
雪條棒

做法：

1. 先將白朱古力及黑朱古力隔水煮溶

2. 將OREO餅分開，將雪條棒沾上白朱古力醬放在兩塊餅中間貼上固定

3. 將OREO餅沾上白朱古力醬，放在牛油紙上待凝結

4. 將M&M貼上作為鼻及面珠

5. 待白朱古力凝固後，用黑朱力醬畫上喜歡的表情便可以了

落雨天做阿茂

咩事落咁大雨呀！
仲要落足全日冇停過呀！

起身望一望個鐘，原來已經差不多12點喇
快快起身換衫，車D衫落去官塘賣呀

賣完上左秀茂坪商場買D野就返屋企LU

睇左一陣電視細佬話想去飲茶，咁就GO GO GO
去左鱷魚恤中心間玉桃苑飲喇

飲完茶就番屋企整蛋糕LU

諗左好耐整咩好呢
最後決定整朱古力雲石磅蛋糕

喺等緊蛋糕出焗又同波子影下相先

個蛋糕真係好香呀，而且我用左70%的黑朱古力，真係好香濃呢

食飽飽晚飯就拎左D蛋糕比兒甥TETE食，佢食到唔出聲就知好好味啦

餐廳資料：
玉桃苑
地址：觀塘鱷魚恤中心6樓
電話：2677 8637

狗狗活動日

天氣終於有D凍凍地的感覺喇！

就係因為凍凍地，所以好好瞓呀
瞓到差不多12點先起身呀

起身整左一陣野就同波子落街跑步喇

有得落街街跑步真係好開心架！

跑完就返去拎車去接埋BEAR BEAR一齊去沖涼LU

去到土瓜灣放低在兩個衰野，我地就去翠華食野LU

叫左碟咖喱吉列豬扒飯，嘩！超大碟呀

同家姐一半都食唔哂呀

食飽飽，我地仲買左兩個菠蘿包一陣食呀

5點幾兩隻衰野終於沖完返得屋企LU

返到屋企樓下見到TETE呀

返到屋企同TETE玩左一陣

食飽飯，上左百佳買野就返屋企LU

今晚超大風呀

餐廳資料：

翠華餐廳
地址：土瓜灣馬頭角道33號欣榮花園8-10號舖
電話：2760 9828

麵包超人星期五

一個好大雨的星期五

返到公司發覺漏左鎖匙喺公司呀，點算呀！
要等同事返黎先有門口入呀！

見咁就行左去北角間10蚊店睇下有嘜野買啦
行完返到公司都11點幾喇

返到公司其實冇野做架！好悶呢！

LUNCH落左街買米線食

放工要去有機站幫家姐拎芝士，跟住就去左超級市場買材料整麵包超人餅呀

今晚DINNER食NOODLE呀

食飽飽我就開工整餅餅喇！

係咪好得意呢！

明天叫媽咪拎比兒甥ABC先

其實我覺得大人細佬見到都會好開心呢

又是敗家去

今朝好晏先返到公司
因為瞓晏左囉

唔知點解LEE排成日都賴床呀

返到公司做左一輪野，跟住大約4點我就走喇！

因為要去尖沙咀幫老細拎番本PASSPORT
去到足足等左成個鐘呀

之後就順便落阿宜到敗家先，最後買左2條LEGGING，2條牛仔褲，3件衫，1件冷衫

買完快D返屋企食飯喇！

食飽飯後媽咪叫我幫佢D小手作影相呀

迷你聖誕掛飾，好靚呀！

加菲貓喺度睇書呀

仲有迷你聖誕樹

太多的突然間呀

今日太多的突然間喇！

今朝返到公司，當食緊早餐之際，收到老闆的電話，印度領事館打比佢話佢張相又有問題呀
好才咁ARM佢喺褔田，咁我就叫佢去影過張，我去上水約佢拎啦

去到上水都成12點喇！會合左老闆後去左稻香飲茶，跟住我就去拎相喇！
再去印度領事館交返張相

之後當然唔會返公司啦！
因為我約左表妹KAMAI去油麻地，帶佢去行同買烘焙野呀！
個傻妹見到咁多野叫到嘩嘩聲呀

行左兩個幾鐘再行埋10蚊店，好肚餓喇！
要去食個TEA先喇

食飽飽，傾左一陣就送佢去搭MTR喇！

我就去左花園街兜左個圈，諗住買埋D百力滋就返屋企食飯喇！

喺正要去搭車之際，大少奶打黎話去海運影聖誕燈飾呀！仲要呢....係封場影呀！唔洗同D自遊行迫呀！

咁我呢手上冇相機喎！點算呢？
唔緊要，橫掂我都想換機，咁就即刻去買部啦！
一於跟大少奶買CANON部G15啦
會合左大少奶後去左旺角間永成買相機，仲平左兩舊水呀！仲有一舊電送添呀
原價$4380，我宜家買$3880呀！好抵呀！

買完相機即刻飛的去尖沙咀，我地先去醫醫肚先
我地去左海南少爺醫肚

 奶食海鮮喇沙，我食海南雞飯

 仲叫左碟菜加個小食SHARE
馬拉盞炒芥蘭同埋蝦肉釀油炸鬼

 食飽飽就先去LOG-ON買相機繩跟住就出發去影燈飾喇

睇下，冇人架！我鍾意D冇人相呀

 棵聖誕樹巧靚呀

 我地影左一陣就走LU

我地去左滿記食糖水，大家都叫左杏仁茶加湯圓

之後就搭車返屋企LU

奶送左三個指甲鉗同一個靚靚指甲磨比我

 返到屋企，見買左新相機當然要同波子影幾張沙龍啦！

餐廳資料：
海南少爺
地址：尖沙咀海運大廈地下G16號舖
電話：2110 3533