小休

星期六有咩搞呢？

LUNCH同家姐E去左大埔食魚蛋粉，跟住行左一陣就打道回府LU

返到屋企又同波子落跑下步先
跑完就番黎食飯LU

今晚《法網追擊》大結局呀
個結局都還可以的

睇完就瞓覺LU

一個好優閑的星期六就完了

轉冷所以偷懶

今日又好凍呀！
所以我決定放日假喇！HAHA

尋日買左對新BOOT BOOT呀，今日即刻幫佢剪彩先

係咪好靚先！HAHA

咁放假做嘜好呢？
因為又要拎芝士比契仔媽所以就入左去搵佢喇！

我地先去食個LUNCH先

因為唔太肚餓所以只叫了一個魚生飯+一個烏冬SHARE囉

食飽飽行一陣就去接大契仔放學LU
跟住就返去同大細契仔玩

唔知點解大契仔宜家成日扭計，唔知係咪Trouble Two
希望過一排會好D啦

細契仔宜家好得意呀！

頭圓圓SO CUTE

夜晚仲食埋晚先走呀

返到屋企已經十點幾喇！

好倦呀！

鮮味

今日好清閒呀！
因為要處理的事情，尋日已經處理好了

LUNCH食嘜好呢
尋日好忙所以就是但食，今日有時間就諗下有咩搞先

買左隻大肉蟹番黎拆肉再用蕃茄煮個湯再加埋豆腐
個湯真係好甜呀！

 足足飲左兩大碗呀！

飲飽飽又去整番個家庭版燴蕃薯先
真係好香呀！

LEE個唔係自己食架！係拎比阿宜架

收工就去阿宜到拎衫同埋拎蕃薯佢食呀！

敗完家就返屋企食飯LU

忙碌的一天

今日好忙呀！
工作上好多事要今天處理，好耐都未試過有咁多野做喇！

忙左作個上午
LUNCH是但落左樓下食個QUICK LUNCH

食飽飽再番去再做過喇！

好努力咁做哂D野喇！

放工番屋企食飯呀！
食飽飽又到波子食玩喇
玩左一陣佢倦喇，自己走去瞓LU

 叫到理喇！HAHA

 

今日亦都係我一位中學同學一生的最後一步的日子

希望你一路好走，在另一個地方生活得更開心！

不一樣的公仔麵

返工途中不斷諗今日LUNCH食嘜好呢

真係好無聊呢，冇野做呀！諗埋D無聊野！HAHA

今朝其實好忙架，有好野要準備呀！

終於諗到食嘜喇

〈回鍋肉炒出前一丁〉

 好野味呀！正

唔知點解炒的出前一丁好似好多咁，一個都食唔哂呀！

食飽飽又努力工作LU

做呀做，又係時候收工LU
返屋企食飯

食飽飽上左家姐屋企同BEAR BEAR玩
今晚好似好大風呀！

仲好似好凍咁呀！

蟹肉薯仔餅

尋日心血來潮想整蟹餅
買左三個花蟹返黎拆肉先得2佰幾克蟹肉，又好似得蟹肉好似好悶咁喎，又加埋薯仔啦！

 材料：
蟹肉 約200g
薯仔 約400g
洋葱 半個
雞蛋 1隻
蛋黃醬 1湯匙
黑椒碎 少許
麵包糠 適量

做法：
1. 先將蟹洗淨，原隻隔水蒸約20分鐘，取出拆肉備用
2. 洋葱切碎備用
3. 薯仔切件入煲中，煮至淋身便可﹝約15分鐘﹞
4. 將薯仔壓成薯蓉並加入所以材料，除了麵包糠，拌勻
5. 將餡料取出適量做型，沾上麵包糖
6. 放入雪櫃雪一小時定型
7. 以180度焗約20分鐘或金黃色便可

拆蟹

今日好想整野食呀！

返工途中買左薯仔諗住今日整薯仔餅

返到公司做左一輪野就煮個LUNCH食下先
上個星期買左D牛肉碎食唔哂
就煮個牛肉碎刀削麵先

 原來刀削麵都幾好食架喎！QQ地架

食飽飽就落街睇下有冇蟹買，想整蟹肉薯仔餅呀！

買左三隻蟹蟹番黎蒸熟再拆肉

 三隻蟹都唔係架，但拆埋先得220克肉炸

整好時已經係我的下午茶時間LU

真係好好味呀！仲蟹味十足添呀！

試左兩個其餘的拎返屋企給家人分享
返到去焗番熱就食得LU

 大家都覺得好好味呀！仲相當重蟹味添呀！

睇下電視，同波子玩下就覺覺豬LU