HAPPY

暖暖地的星期天

今朝起身又係已經中午了

我地去左大角咀搵食

老公話LEE間牛肉粉好食又抵食，就試下啦

每人一碗火車頭，再加多個春卷小食

 味道真係唔錯喎，價錢仲相當經濟添

店舖少少，座位真係唔多

食飽了，我地就返去搵豬仔了

同豬仔去公園跑下先

 臭豬仔有得跑真係笑得好開心

 跟住同豬仔玩來回跑，真係跑到無電喇

返去洗手洗腳，我地休息一陣，跟住就慢慢行落去按腳了

近排個肚開始大，個人又重左唔少，對腳真係好倦呀！

老公上去按腳前仲去買埋薯片同汽水，似唔似去睇戲呀HAHA

按完腳真係舒服哂

跟住又約左家姐去食放題了

食飽飽我地就返去拎車回家了

快快洗白白瞓覺了

提外話：

瞓到半夜要去洗手間，一開門見到OCEAN仔比老爺推左出房門，個人好可憐咁坐左喺到望住度門，我真係唔忍心，拖左OCEAN入去同我地瞓，我明我有時真係過份有愛心，但點都唔會因為狗狗唔舒服左住我瞓推佢地出房，OCEAN因為做左絶育要戴頭罩所以好緊張，所以成晚都會有D聲音，你估我帶左佢入房又瞓得好好呀，我一有聲就會醒望下佢做乜

無事果陣可以大大聲話自己好錫隻狗真係好易，真係錫佢地，係無論有事無事都咁錫先係錫

講完！

倦倦地

今日真係好倦呀！

瞓到差唔多12點先起身

起左身，我地去左食排骨麵

 跟住再去買杯梳打飲

跟住就返去再休息一陣

瞓左個妟覺個人都精神D

跟住我地又換衫準備出去了

我地約左家姐去巴希雅BBQ呀

去前老公話要買塊和牛，再買左盒蟹腳燒

燒下，傾下，老公又打下機咁就差唔多11點了

又要回家休息了

公公OCEAN

洪寶寶30週了

今朝8點就起身了

大約9點就要開車帶OCEAN去診所做絶育了

OCEAN去到診所好開心，因為佢以為自己只係去街街

放低左OCEAN，我同老公去左食早餐，跟住就車老公去TST，跟住老公就坐車過上環去澳門做野了

我跟住就返工了

返到公司做下野，跟住3點幾就返左屋企休想一陣

大約6點就要出去接番OCEAN了

 搞掂左OCEAN上車，我就先落旺角買骨骨比豬仔，跟住再落番黃埔DINNER了

約左BEATIES打邊邊，但間野出菜又慢，又多甩單

食飽飽都差唔多11點了

返到屋企都差唔多12點了

我沖完涼睇下劇都瞓著了，老公成3點幾先返到

我好倦呀！

買床

今日我有MISSION呀！

今朝同老公各自揸車出去

我先帶左豬仔返娘家，跟住我就喺屋企休息一下

跟住就約左家姐E去護協買床仔比洪寶寶

買完床仔就同BELLA豬齊齊去食三多炸脾

食飽了BELLA豬就要去學野，我就同家姐E去街市買野加餸，今晚同老公上家姐到DINNER

買完野時間剛好去接BELLA豬了

返到屋企泊好車就休息一陣啦！

等老公放工去拎埋狗糧，我地就慢慢行上去家姐到了

上到去同兩隻魔怪玩一陣就DINNER了

食飽飽再玩左一陣我地就返屋企了

明天又要早起身呀！
OCEAN明天要做絶育呀！

嬲爆

又到星期中了

個肚真係大左好多，宜家真係好易倦呢！

今朝返到公司都十點幾了

大約4點就收工返去再帶兩個仔出去玩

老公就喺放狗到會合

我的OCEAN真係有得玩就完全聽唔到野，一落車就跑左去

兩個仔由天光玩到天黑，就要返去洗手洗腳了

搞掂哂我地都沖埋涼就DINNER了

今晚仲有老豆喺潮州帶番黎牛丸整紫菜湯

提外話：

今日我真係堅嬲呀！我從來都知道一個男人如果小氣可以衰過女人百倍有多

話說頭先同我老爺一齊去放狗，去到因為OCEAN曳，老爺要打要鬧佢好正常，教訓完要罰佢坐都好正常，但點解條狗帶明明就咁放低就可以，偏偏要用自己方法去綁住呢？LEE個問題唔係第一次講，重點係個結一定穏陣嗎？個結一拉隻狗就可以跑左去架喇！有咩意外發生後悔都無用

就係LEE條導火線，我老爺就好似癲左咁，一口粗口咁對住我講野，講左一D收唔返的說話，自己方法錯但接受唔到人話他

我大住個肚都唔想同佢嘈，其實佢都講到離哂題架喇，連平日我唔食隔熱送都講咁，其實邊有個男人心胸咁細

最後我都費時理佢，自己去同豬仔玩，我唔需要理你咁多，老公明我就OK

我個人本身唔小氣，但今次我短期內都會當這個人透明，一個唔識尊重人，唔好諗住我會尊重你

早

今朝好早就起身喇

老公今朝有會開呀！

先車左老公去奧運站，今日超級塞車呀

用左成個鐘先出去九龍....TOO BAD

泊左車我都返工了

返到公司做下野就炒左個飯做LUNCH

《紫菜肉碎炒飯》

食飽飽又做下野，大約3點就收工了

我先去左MEGABOX換個水樽，跟住再去IKEA買幾個箱，跟住就返去了

返到去快手執下野，跟住再出去市中心接老公，跟住返黎就DINNER了

食飽飽同豬仔玩左陣波波

跟住我睇下劇都瞓了

星州炒米

其實好多炒粉麵都可以喺屋企做的

屋企做的好處就係冇咁多油囉

材料：

米粉 2個

叉燒 約30蚊

火腿 4片

葱段 適量

芽菜 適量

洋葱 一個

咖喱粉 1包

蛋 3隻

做法：

1. 米粉先用清水浸軟，隔水備用

2. 蛋打散，放入平底鑊煎，將煎好的蛋切成絲備用

3. 下油，加入洋葱炒香，加入叉燒及火腿炒香，加入米粉炒勻

4. 加入葱段及芽菜炒勻，再加入咖喱粉炒勻

5. 最後加少許鹽調味及蛋絲炒勻即可