痛痛

一起身就覺得喉嚨好痛又痕痕地

都係快快去睇醫生先

睇完醫生返黎就同小波子去跑下喇

 好曬呀！

跑完步就要返去洗白白喇！

同波子沖完涼真係好倦，我都要休息下了

飲番碗阿媽靚湯~~~西洋菜煲豬肺

飲完碗熱湯，喉嚨都好似舒服D喎！

大家姐同家姐E一家今晚都返來吃飯，兒甥A&B話要打麻雀

就陪佢地玩一陣啦！

食飽飯，再玩多陣佢地都要返屋企LU

睇下電視都要瞓喇！

瞓得好好

真係瞓得好好呀！

終於都有一日感覺瞓得飽飽的喇！

瞓醒了又好精神，就同小波子去運動下先

 真係好LIKE小波子的笑容架！可愛呢！

 玩夠！跑夠！就返屋企喇

 返到屋企洗好腳仔，波子就去瞓晏覺LU

我就同家姐去BBQ了

真係好耐都冇燒過LU

BELLA豬都玩得好開心喎！

 最後差不多11點先返屋企呀！

早抖喇！

繼續的倦

真係好倦，唔知要幾耐先可以RECOVER呢？

LUNCH約左契仔媽佢地，順便拎野D韓國手信AND代買ITEM比佢地

多人一齊食最好就係去飲茶啦

叫左個生炒糯米飯

 真係好LIKE食糯米飯

食飽了就各自返回工作崗位LU

收工後約左紐紋去買野，路經旺角真係好驚

 條街好多警察

買完野我地就去搵食喇！

紐紋想食放題，我地是但去左一間食就算了

食飽飽就快快搭VAN仔返屋企LU

回復正常

其實今日都仲係好倦架！

不過仲要返工的

小波子GOOD MORNING

 喺韓國買左好多衫，今日就著下啦

今日唔係咁涼，就著一件薄D啦

LEE件衫真係好適合來形容在韓國的比錢模式

《CASH ONLY》

返到公司做左一陣就就想收工喇！HAHA

真係好倦呀！

不過又唔會過份到一返工就收工的

我只係早D收啫

 收工後就返屋企DINNER喇！

今晚真係好早就上床SLEEPING
韓國D天氣真係好乾，今晚都係敷番個唇MASK先

倦.好倦

尋晚夜機返香港，返到屋企執埋野，瞓得上床都成點喇！

今朝又點會起到身呢！

但我今日唔係唔洗返工架，不過就真係起唔到身囉！

瞓到十點到，就起身換衫返工啦

返到公司做左陣野，其實真係唔係好想做野

因為真係好倦呀！

既然冇心機做野，就早點收工算了

 早D收工返屋企同波子去跑下步啦！

去左旅行幾日都冇落過街，一有得去街就好HAPPY

 睇下個傻仔笑得幾開心

 個天開始好黑喇！

要返屋企喇！

食飽DINNER，瞓下電視都要瞓喇！

我要快快叉返夠電呀！

Crazy Eating & SHopping At Seoul DAY 5

話咁快5天的行程就黎到最後一天喇！

我地決定今日早D起身，要用盡埋最後一天......HAHA

 我地要去廣藏食早餐

出發前先喺酒店CHECK OUT，行李就寄存喺酒店

廣藏市場出名的綠豆餅

 叫了一份，四個人分

綠豆餅~~~半煎炸的，煎得好香好脆，但就真係好油，不過又未至於要特登來試，試過便算

 見到D餃子咁吸引，就坐低食碗啦！

 喺韓國食野，無論貴的平的，高級的大排檔的，都會有自家制的泡菜食

一碗有九隻餃子，份量真的不少，同TINA SHARE 

餃子湯~~兩款口味，一款是泡菜餃，辣的，係真係好辣的，入面有肉碎同泡菜，一款是韮菜肉碎，唔辣的，餃子的皮唔厚；湯底清清的，加入紫菜同芝麻碎，好香

東大門廣藏市場

首爾鐘路區昌慶宮路88(禮智洞)

TIPS: 明洞(424)至東大門歷史文化公園(245)，轉1號線，鐘路(129)EXIT 7

食飽了我地就搭的士返去明洞作最後衝刺

買埋未買的東西，大家都有點倦又有點餓，就搵間CAFE飲杯野同食個甜品啦

 叫左兩個甜品SHARE

OREA ICE-CREAM WAFFLE~~~睇到已經好開心，食落仲最心呀！個雪糕好滑仲好CREAMY，個WAFFLE做得好好，外脆內軟，好好味

 士多啤梨WAFFLE~~~士多啤梨好甜美，CREAM打得好滑，WAFFLE又係好好味

 休息完又食飽了，時間差不多了

再去SUPERMARKET買少少野就返酒店去個TOILET，再拎埋行李就要搭車去機場LU

我地四個人，行李又多，唔可以坐的士，而且時間相當充裕，就搭LIMOUSINE，每人都係一萬WON，個半鐘到就到機場了,中間都冇塞車GOOD！

去到機場都未夠4點半，所以我地個COUNTER仲要開呀！

其實都未試過咁早到機場呀！

因為早到機場，人唔多，好快就CHECK完IN，但係呢，我同TINA的行李的超重呀！要拎番少少野出黎......嗚，做埋退稅，等埋兩個團友，佢地搭大韓超多人呀！

入左閘後，拎埋退稅錢就去食D野

LEE幾日都冇食過石頭飯，就喺機場食番先

泡菜豬肉石鍋飯~~~好味，好熱，有飯焦，配上泡菜的微辣好惹味！

蔘雞湯~~~味道比較普通，雞肉冇乜雞味，而且啖左D

食飽了，時間都差不多了

我地要上機返香港LU

SEOUL BYE BYE喇！

希望好快又可以再黎啦HEHE

3個多小時的機程好快就過了

過關拎埋行李，未到11點就搞掂了

CALL左的士，返到屋企都未夠12點呀！YEAH

小波子見到我好開心呀！

快手沖個涼，執好埋D戰利品就快快瞓喇！

真係好倦呀！

Crazy Eating & SHopping At Seoul DAY 4

由六人行變了四人行

今朝大約十點半起身，換好衫就同TINA去樂天DUTY FREE，BELL同JANET應該搞到今朝先瞓，所以等佢地瞓夠先會合我地啦

我地兩個又要ISSAC食份三文治跟住就向樂天出發LU

一路行一路享受這份咁美味的三文治

去到DUTY FREE人不算多，價錢真係平好多喎！

我地用白金VISA仲可額外的10%OFF

買好哂野就落樓下的SUPERMARKET買乳酪飲

 好好味架！入面仲有粒粒藍莓

 500ML一支都係4千幾WON

點解D紅石榴咁大個架

 太唔抵得！買左幾個返香港比媽咪食先

跟住我地就落左明洞大街行下，再行去SUPERMARKET買D手信，再幫RYDER去TOP TEN買兩件羽絨比佢爸爸媽媽

拎住大包小包先返酒店放低，會合埋兩個團友

我地出發去食海鮮

鷺梁津海鮮市場

韓國的MARKET都幾乾淨，雖然都會濕濕地，但D野擺得好整齊，而且D水又唔會飛黎飛去

不過點解D海鮮每樣都咁大

 海腸大家見過嗎？

之前睇星星，千頌伊成日都要食，今次諗住一試啦！

但佢個樣真係......令人郤步

仲有海菠蘿，兩個唔同樣的

 買好哂野就去開餐喇

海菠蘿刺身~~~佢個口感係"林""林"地，一入口好咸，食後又會甜甜地，試一次夠了

 八爪魚刺身~~~上碟時仲旭架，爽爽地，佢D吸盤仲吸住我條脷，好味！

 海腸刺身~~~咬下一口真的需要點勇氣，口感是爽爽的，有點似象拔蚌，都係試一次就夠了

 燒鮑魚~~~大大隻，燒得剛好，一D都唔"UN"

 海螺~~~白灼，唔算好大隻，好鮮甜，肉質好爽口

 燒大蝦~~~蝦肉好爽口，肉質好甜美

燒帶子~~~好大隻，而且肉好厚，燒得過熟了，有點"UN"

蟹~~~好甜！仲勁多膏

大蜆魚魚湯~~~海鮮店送左幾隻大蜆，就用來滾過湯飲啦，加入魚魚、瓜瓜、大量昆布，好鮮甜又味美

  食到LEE度已經係尾聲，但真係好飽呀！

我地又天光食到天黑呀！

走果陣已經天黑了

鷺梁津水產市場

首爾市銅雀區鷺梁津洞13-8號688

24小時開放

TIPS: 明洞(424)到首爾站(146)轉1號線，鷺梁津(19)EXIT 1，天橋直行就見到

價錢真係海鮮價，可以睇多幾間，再還價，大約可以平多15-20%

下一站係去DDP

 行左一陣就上左去睇LED花花

 DDP東大門設計廣場

首爾中區乙支路281

+82 (0) 2 2153 0510

www.ddp.or.kr

TIPS: 東大門文化公園站(245) EXIT 1

行左一陣影哂相，又去批發了

最後一晚了，我地要最後沖刺呀！

今晚早左去批發，所以人都冇咁多，但行下行下又開始多人了

我地行到大約12點到，肚仔餓了，要去搵食喇

去左附近的大排檔

煎餃子~~~夠熱又好味
飯卷~~~有啖啖的麻油香，材料簡單但好味

 韓式炒粉絲~~~雖然油左D但味道好好

 海鮮煎餅~~~煎得好脆，配料都唔少，又係油左D

 食飽了，行多一陣就返酒店了

我地要執行李呀！明天要返香港喇！

返到酒店，即去沖涼，跟住就要PACK行李喇！

真係好多野呀！會唔會超重呢？

大約執到3點，終於可以瞓喇！

GOODNIGHT