又是開心星期五了
是日輕便上班LOOK
返到公司努力工作
跟住又要諗諗食乜好了
前日食剩左D粥，咁就諗諗加D乜等唔好咁悶先
加D蘑菇又變了新口味了
《蘑菇粟米排骨粥》
個粥加左好多蘑菇，所以碗粥真係好好味呀！
放工後約左紐紋去東華慈善嘉年華
中間發生了一件好激氣的事
話說紐紋收工後就過黎我公司一齊搭的士去啦，去到九龍灣工業區個司機行錯路，咁就有以下的對話：
我：頭先個路牌咪話轉右囉你做乜直行呀？
司機：邊有路牌呀？
我：(行到去路牌旁) 指住左邊係咪有呀？
司機：咁咪收少你兩蚊囉
我：唔係錢問題，你專心D揸車啦
當時路面限速50，個司機行20，重點前面係冇車的
我：你做乜行到咁慢呀？
司機：我安全駕駛，你唔鍾意咪報警囉！
我：OK，你鍾意就慢慢揸啦
終於都到目的地了，總車資係$41.2，我比100個司機，佢找番$60蚊比我，我就唔想好似欠佢咁，所以就拎兩蚊比佢 ，結果佢唔肯收，我就將兩蚊掉低，掉頭就落車，個司機竟然用手大力拍落我背脊，我好嬲即時拎電話出黎報警
個司機仲要大大聲話我用兩蚊掉佢，其實我好肯定我冇掉佢
結果警察黎到，了解了成件事，最後警察勸個司機道歉，咁事件就唔再追究
其實成件事唔係什麼大件事，係司機的駕駛態度問題，重點係出手問題，行錯路講句唔好意思便可以，唔需要死撐
事件解決了我地就繼續去玩了
我地入場後行左一個圈睇下有乜好玩，紐紋決定先玩跳樓機
跟住我地玩左個360度海盜船，再玩踫踫車，跟住再玩埋攤位遊戲就走了
跟住我地就搭車落番官塘食放題
宵夜放題.......抵喎！
食飽飽都差唔多11點了
我要回家了
GOODNIGHT
