誠實豆沙包

叮噹豆沙餅，小朋友個個見到會鍾意食
叮噹是童年的回憶，宜家D小朋友只係識多啦A夢

記得LEE個豆沙包係兒甥女B五歲生日時整過做PARTY FOOD
見到個個小朋友、大朋友爭住食真係好開心

林料：

蛋 220g
糖 100g
蜂蜜 65g
梳打粉 半茶匙
泡打粉 半茶匙
低匙粉 160g
高筋粉 45g
味醂 20g
紅豆溶 適量

做法：
1. 蛋加糖打起﹝體積會發大，顏色淡黃﹞，約打5分鐘
2. 梳打粉及泡打粉用1湯匙水拌溶，加入(1)
3. 加入蜂蜜及味醂，並篩入粉類拌勻，即成麵糊，用保鮮紙蓋好雪2小時
4. 燒熱平底鑊，倒入適量麵糊，兩邊煎至淺啡色，包入餡料即可

半日安BBQ

好倦呀！
好眼瞓呀！
瞓得唔好，仲要發夢，所以令到我今天好倦呀！
不過唔緊要，今天我半日OFF

今朝一起身見到波子又攬住個磨菇頭SLEEPING，好得意呀！

下晝OFF的原因係因為我應承左紐紋陪佢去拜神同求籤呀！因為佢近排好似好黑仔咁，各樣事都好似唔係好順利咁！

作為朋友的我真係希望佢可以早日搵到份唔太辛苦又鍾意的工作呀！

去開拜神，我地當然會順便去埋大欖涌BBQ啦！

我地大約三點開始燒，燒到大約7點就走LU，因為我唔想太夜呀！

真係唔小心喇！手指比枝叉辣親呀！痛呀！

今晚我要早D瞓呀！

豪宅十下十下

天氣涼涼地又天朗氣清真係好喇！

今日有好多MISSION呀！

手頭的工作好早就KO了，襯住冇嘜野搞去幫ELSA拎左支黑頭水先
跟住仲要去銀行入票呀！

去完番黎經過BUGER KING食番個小華堡餐先！

跟住返到公司整LEE整路又一個下午了

收工我約左EVA去觀塘街市買打邊爐材料呀！
我地兩個分頭行事，唔洗半個鐘已經買齊材料LU

我負責去買手切牛同菜菜，EVA負責買海鮮同丸丸
買齊材料就搭的士出發去RYDER屋企LU

一去到就同工人姐姐一齊洗洗切切，好快就搞掂哂LU
整好哂，佢地都未返到呀！

喺一個咁靚的環境，當然欣賞下先

睇下今晚有咩食先
手切牛肩脊、雜丸、鮮蝦，賴尿蝦、象拔蚌BB、菇菇、冬瓜、苦瓜、炸魚皮、鮮雞、豆腐、田雞、白鱔、日本烏冬、雜菜......

其實我地得五個人炸，眼闊口窄呀

我仲喺未食得前整左D蜜糖鬆餅比佢地可以明天做早餐呀

我地一路食一路傾，唔經唔覺已經十一點喇！但仲未捨得走呀！
我地雖然大家都有不同背景、職業、性格、年齡，但當我們五個傻人走埋一齊一定係有很多的歡笑聲

不經不覺，原來我們已經互相認識了有五年了。

我地最後玩到差不多十二點，真係要走喇！
大家明天都要返工呀！

燉奶

又摷番D舊作POST下先
一個材料簡單，製係簡單的甜品

材料：

蛋白 2隻
奶 200ml
糖 2湯匙

做法：
1. 糖及奶加熱，拌入已發好的蛋白
2. 過篩注入，燉10分鐘即可

狗狗打針日

又星期日LU
今朝好早已經被嘈醒左喇！
因為今朝姐姐好早就黎清潔，所以波子就會吠

算啦！佢吠一陣就冇野，咁我可以瞓番喇！
一瞓已經係十一點LU

原來媽咪帶左波子去街街呀！返到黎幫佢洗完腳，佢超倦呀！
當然啦！出面咁鬼熱！HAHA

 媽咪LUNCH煲左皮蛋咸瘦肉粥同花膠冬瓜粒湯

大約點半就揸車同波子BEAR BEAR出去打針LU

一路搭車一路向後望住佢妹妹BEAR BEAR

出去果陣都冇落雨，點知一去到紅磡就落大雨呀！大到完全睇唔到路呀！

 好才地好快搵到位泊呀！

好喇！兩個衰豬要見醫生喇！

BEAR BEAR睇先，基本上都大致健康的，只係肥左少少要減肥，要減1KG呀！

同埋BEAR BEAR隻前腳天生有少少彎呀！不過LEE個問題可能會老左先有影響囉！

今日打左預防針同配左FRONT-LINE、心思蟲藥同埋導蟲藥。

到波子喇！醫生話佢比上一次輕了少少，但現在好FIT，只係KEEP住就得架喇！

但牙齒有D牙石，要多D刷牙呀！打左預防針同心思蟲兩枝針同埋導蟲藥。

搞掂哂所有野準備走之際，超級大雨呀！

但原來只係紅磡落雨炸，返到觀塘都冇落

媽咪今晚喺屋企煮飯呀！

家姐G同家姐C都返黎食呀！

三個兒甥一返黎成間屋嘈到呢！但又好熱鬧囉！

開開心心又一個晚上了

幫塊面做完清潔，敷埋MASK再做導入，靚哂！HAHA

復仇者聯盟

今朝起身終於冇落雨喇！
尋晚可能太夜瞓呀，所以今朝成十一點先起身
喺張床睇埋動新聞就起身LU

原來媽咪已經煮左飯喇！
簡簡單單的午飯後，我就執下自己野就要準備出街LU

因為約左人睇《復仇者聯盟》呀！

我地睇三點半，原來套戲成兩個半鐘架！
整體黎講都幾好睇，不過中間悶到有D想瞓囉！

睇完戲都六點LU，係時候搵食喇！
不過周街都係人，最後就去左冇人等的《味千拉麵》
我食左個吉列豬扒拉麵，味道真係麻麻地，塊豬扒好乾呀！NO GOOD

食飽飽當然要去食個甜品啦！近近地就食滿記啦！

飲飽食醉後，要返歸LU

係喎！今日係家姐E的生日呀！
祝佢生日快樂，DAY DAY都HAPPY，買野唔洗睇價錢！YEAH
仲有就係快D生番個BABY

黃雨呀

嘩！個天咩事咁黑呀！
原來黃色暴雨呀！
最討厭就係返工落雨呀！

今日都仲係有D忙呀！

家姐C包左D水餃比我帶返工食，所以今日的一人午餐係食餃子！
SO YUMMY AR

下晝做哂D野，冇嘜野搞咪食下花生囉！

6點到就收工了

今晚屋企冇煮飯，所以就同埋林公公，姐夫K，老豆媽咪上味皇食DINNER喇！

食飽飽就返屋企LU