杜蘇芮下的晴天

在一號風球的一天出發，天氣真係好焗熱呀！
個風係咪真係打得成呢？

出面真係好好天喎！
其實打唔打得成同我都冇嘜關係啦！明天都唔洗返工......HAHA

今天工作有點忙呀！
通常一忙我就唔會肚餓，一做連LUNCH都唔記得食架！唔緊要喎可以當減肥呀！HAHA

到下午四點幾掛三號喇！
但風好似冇嘜大到喎！個天仲係好晴朗喎！

5點收工走人，望一望個天真係唔多似打風囉！
唔通暴風雨的前夕真係平靜的！

 

 睇下，藍天白雲少少涼風呀！

雖然係FACEBOOK同朋友的WHAT'S APP個個都話個風好勁！但我都決定唔返屋企約左朋友食飯呀！
今晚約左紐紋同埋佢妹妹去試美心個火煱呀！
我地選擇左藍田啟田商場果間美心，不過開餐前我同紐紋去左匯景商場行一陣，因為妹妹未收工呀！我地要等埋佢先可以去食呀！

我地大約行個一個鐘到就上番地面，風明顯大左好多呀！個頭吹到亂哂呀！
真係要唱首《頭髮亂了》HAHA

黎到藍田順便拎埋D曲奇比LAW MAN先
拎左後行一陣10蚊店行一陣，妹妹都收工喇！我地可以去開餐喇！

我地叫左醉雞鍋底，因為太肚餓喇，唔得閒影相喇！

火煱配料雖然唔係太多選擇，但配料都算幾新鮮！讚

我地足足食左兩個鐘呀！見到電視話準備會掛8號波呀！快D埋單收人喇！
一出商場真係超大風呀！

同埋都開始落雨喇！都係快D返屋企安全D呀！

題外話：
今日下晝突然收到電話話林公公食食下LUNCH暈左呀！嚇死我喇！好才最後都冇咩事，同埋好才地剛好今天家姐E放假，如果唔係都唔知點算呀！最後係醫院做左檢查後，喺8號風球掛之前返左屋企喇！真係擔心死人呀！林公公你要身體健康呀！你仲要抱孫架！

餐廳資料：
美心大酒樓
地址：藍田啟田商場
電話：2717 9900

伯爵茶夏威夷果曲奇

上星期六曲奇日的其中一隻味呀
唔知點解好鍾意伯爵茶的味道，尤其係用於甜品上

好似加了伯爵茶感覺冇咁肥！HAHA
自欺欺人！

材料：﹝20塊﹞
伯爵茶包 1個
牛奶 1湯匙
牛油 70g
糖粉 20g
鹽 少許
低筋粉 120g
梳打粉 半茶匙
夏威夷果 30g

 做法：
1. 茶包茶葉加牛奶浸泡約30分鐘
2. 牛油加糖粉用電動打蛋器打至鬆發，加入(1)打勻
3. 篩入粉類，用刮刀切拌勻
4. 加入夏威夷果拌勻，揉作每份12g，放焗盤壓平
5. 以180度焗20分鐘

《食譜來自VANLILY CAKE》

炸蛋呀

今朝心情真係麻麻地呀！
因為一d私人問題，不過宜家冇事喇！

開心番哂喇！

就係因為心情麻麻，所以連早餐都冇心機食呀！
一路去到下午茶時間先落街食個下午茶

食完返去做一陣野就收工喇！
收工去左灣仔二德惠買野，再入將軍澳食飯呀！

今晚約左一班舊同事食飯呀！
因為BRIAN要派帖呀！佢7月要結婚擺酒呀！
真係恭喜哂呀！

我地原本諗住食西野架，點知間野冇得BOOK位仲要超多人，我已經早左9個字去拎位，終於9個字後都係入左一張枱，咁等都唔係辦法，都唔知幾時先有位喎！

都係轉場啦，咁我地是但入左一間酒樓打邊邊喇，間野冇嘜人架！
《百好宴會廳》我未試入一間酒樓，一入去已經想同佢開波架，話說我地同行有一個小朋友大約三歲到，個知客就問我地個小朋友食唔食架？帶得佢黎又點會唔食呢？不過我真係未試過有酒樓待應會問埋D咁冇腦的問題呀！

咁最後小朋友的媽媽決定叫碗粉比佢食算喇，打邊邊真係唔太ARM小朋友食。

點知我地問佢拎餐牌睇下叫咩好啦！個待應唔知點解好似唔比得個餐牌人睇咁喎！跟住講左一輪廢話先至比個餐牌我地，最後我地6個大人就打邊邊，小朋友就叫左碗叉燒河粉，但黎到河粉變左賴粉，間酒樓完全冇服務可言呀！絶對唔會有下次囉！

食飽飽後，BRIAN好好呀仲車埋我返屋企呀！真係唔該哂呀！

HAPPY LUNCH

星期三喇！
一個星期過左一半喇！
好快又會放假喇！

今日LUNCH約左大少奶同事頭婆食LUNCH呀！
地點係我地最喜愛的Amore Italian Restaurant呀

我地約左一點，我咁得閒同咁準時當然會早到啦
無幾耐事頭婆都到喇，因為事頭婆下午要返工，所以已經幫佢叫左野喇！

一坐底，好快已經有暖暖的包包奉上了

 外脆內軟的包包配上牛油，真的天作之合呀！

大少奶都到埋喇！
襯未有野食，已經傾呀傾，三個女人一個墟，好嘈呀！HAHA

先來一杯冰涼的WELCOME DRINK SIN

 AMORE TUNA SALAD AND TODAY SOUP(南瓜薑湯)
沙律菜好新鮮呀！湯好滑呀，濃濃的南瓜

 MAIN COURSE
大少奶的Beef Striploin with Red Wine Sauce
我冇試到呀！但奶仔話佢食得好滿足呀！

 事頭婆的Spinach Risotto with Tiger Prawn
信心保證，好味！

我的意大利雲吞，超YUMMY呀！份量ARM ARM好呀！

 DESSERT
意式奶凍~~~滑滑好味

因為事頭婆要趕住返工的關係，所以食完MAIN COURSE就要走喇！

咁我地兩個當然可以慢慢嘆喇！一坐已經三點喇！
我地原本諗住去食CAKE架，但奶仔要趕住返屋企交搞呀！
咁我地唯有行埋SOGO SUPERMARKET就要分手喇！

期待我們下次的HIGH TEA呀！

餐廳資料：
Amore Italian Restaurant
地址：銅鑼灣駱克道487-489號駱克駅25樓
電話：2573 2838

綠茶杏仁曲奇

星期六曲奇日
TOTAL整左四個味，其中一個係《綠茶杏仁曲奇》

一向好LIKE綠茶的味道

材料：﹝72塊﹞
牛油 280g
糖粉 160g
蛋 70g
綠茶粉 21g
低筋粉 420g
杏仁粉 70g

做法：
1. 牛油加入糖粉用電動打蛋器打至鬆發
2. 加入蛋打勻
3. 加入粉類拌勻，搓成喜愛的形狀，放入冰箱45分鐘至硬，切片
4. 以180度焗15-18分鐘

補祝

今天工作相當充實呀！
返工咁耐都未試過咁多野做架！

做到兩點幾先食LUNCH
天氣咁熱真係唔太想出去，睇下雪櫃有咩整下先

喺屋企拎左一個青蘋果同一個紅蘋果，一於整個沙律食下先
但又覺得剩食沙律有D悶喎！
再煎幾隻餃子先~~~YUMMY

好味又清新

食飽飽再努力工作

做做做！做做做！
6點收工返屋企食飯

家夫K買左個蛋糕同波子補祝生日，但個蛋糕係人食架喎！

 波子仔：HAPPY BIRTHDAY，身體健康！

波子2YRS喇

SLEEPY MONDAY

返工起身真係有D辛苦呀！
連續兩天假期都出左街，真係好倦！

就食一個豐富早餐為自己打打氣吧！
食左個麥當奴豬柳蛋漢堡餐，食左真係好飽，LUNCH都唔洗食呀！

因為好倦的關係，我今日要早D收工呀！
準時收工返屋企

我要同波子沖涼呀！

今日係波子兩歲生日呀！
但今年我唔記得同冇時間做蛋糕比佢呀！
因為我其實忘記左今日係6月25日呀！

唔緊要媽咪烚左蛋比波子食

波子：你要乖乖呀！要身體健康呀！

玉女添丁

一個瞓到好晏的星期日
一個唔好浪費的星期日
一個晴朗的星期日

我瞓到成12點先起身呀！
但其實仲係好眼瞓架，不過唔可以再瞓呀！

行行企企，食個木瓜做第一餐先
食完坐下坐下，見電視做《玉女添丁》又睇下先，一向好鍾意睇千嬅做戲架！

 簡簡單單笑下幾好呀！

睇到一半電話到，要準備出街喇！

去左鑽石山間《一品螞蟻》食下午茶，叫左個三文治同沙律，麻麻地啫！

無無聊聊咁行下，睇下都已經7點喇！
要去搵食喇！

搭車去左廟街搵食，首先入左一間食左個炒蜆同腐乳炒通菜就走人LU，再去第二間食左炒米粉同蠔餅！

真係飽飽喇！食飽飽散下步就再落九龍城《金滿堂》食個糖水就完滿的一天了。

COOKIE DAY

星期六咩事晨咁早起身呀！
咪就係因為早兩日收到哨哨話要食曲奇呀！

尋晚整定左個麵糰，今朝起身就焗啦！
九點半開始焗，終於焗到12點幾先焗完，我都冇數過焗左幾多塊，保守估計應該有200幾塊

 

 四隻味總有一隻你鍾意的

焗完曲奇成身汗呀！沖番個涼就要出街拍拖拖喇！

Shopping Day

Happy Friday La

工作都係冇特別要講呀！
都係清清閒閒，無驚無險又收工LU

LUNCH落街果陣，行過間夜令店見到個袋仔好得意呀！
我仲好叻咁由$498講到$200，哈哈！

 收工後去左阿宜到買衫呀！
同埋要拎番上次訂果對涼鞋呀！
好靚架！

敗完家，就返屋企喇！
今晚屋企冇煮飯呀！

返屋企前去SUPERMARKET買野先，因為我今晚要整定個曲奇麵糰呀！
返到屋企洗完手就開工LU

一整就整左四種味的麵糰，分別有朱古力杏仁、綠茶杏仁、朱古力綠茶格格同埋伯爵茶夏威夷果，整好哂真係有D倦呀！快D沖涼瞓覺喇！

沖完涼，同我親愛的傾左一陣電話就瞓LU

提早

今朝到9點先起身呀！
唔好以為我唔洗返工喎！
只係我返工比較自由，冇人會理我幾點返工
所以我就可以瞓到咁晏先起身喇！

返到公司都10點幾喇！
做下野，上下網都已經2點喇！

同個同事落樓下食下午茶先
但唔知點解突然好頭痛呀！
我諗住叫左個雞脾薯條食左會好D啦！
點知食完想嘔添呀！

返到公司即沖入廁所嘔番個下午茶出黎，嘔完真係舒服哂！

準時收工返屋企，因為今晚屋企做節呀！
今晚好好餸，不過掛住食冇影相喎！HAHA

今晚有媽咪自己整的卥水鴨同白切嘉美雞、蒸魚、腰果炒西芹、炒白菜....仲有老黃瓜赤小豆煲豬尾湯。好飽呀！

食飽飯仲有好甜美的西瓜作飯後果添。

抗氧化

今日好清閒呀！
上網上到唔知上咩好呀！
我知咁講會有好多人會羡慕，不過真係唔好羡慕呀！

既然咁無聊諗下LUNCH食嘜好啦！
諗呀！諗呀！諗呀！
都唔知食嘜好

今日食蒸飯啦！不過唔係自己整，落樓下買啦！

LUNCH後出左鰂魚涌幫老闆落訂金，順便拎埋支指甲油比SUZAN
跟住就搭車返公司LU

5點9收工喇！
今晚去街街呀！

今晚食嘜好呀！
突然好想食《星座冰室》呀！

《蕃茄牛肉撈蛋通》同埋《蕃茄牛肉炒蛋通》

食飽飽，行一陣就去食糖水
去邊到食好呢？
去九龍城啦！
去九龍城《金滿堂》啦！

唔記得影相添！
食完又行一陣就歸家去了

叉燒

在3號風球的一天出發
3號波幼稚園唔洗返學呀！
如果3號波唔洗返工就好喇！(發夢中)

返到公司又沖麥皮食呀！係時候減下肥喇！
感覺近排好似肥左少少呀！

不過我真係好唔LIKE食麥皮呀！
但為了靚，唔鍾意食都要食

早餐食左麥皮，LUNCH食嘜好呢？
尋晚食剩左D叉燒，一於煮叉燒湯米啦！買多兩條菜先

《菜遠叉燒湯米》

 簡簡單的一個午餐已經好滿足LU

準時收工返屋企食飯LU

Carrie's Birthday Dinner

又到一個星期好倦的一天呀！
經過星期六日兩天的活動，星期一真係有點倦呀！

今朝返到公司沖左杯麥皮食下先，我要減下肥呀！
做一陣野已經係12點幾喇！
煮個LUNCH食下先

《火雞腸芝士蕃茄醬長通粉》

一個簡簡單的長通粉，已令我充滿力量呀！

食過LUNCH又要小休一陣呀！
小休左大半個鐘又要努力工作喇！其實我都冇嘜野做！HAHA

放工後約左CARRIE食BIRTHDAY DINNER呀！
CARRIE話要食海鮮呀！
咁我地約左喺官塘等，再返屋企攞車就出發了
去到西貢都未夠7點，泊好車就慢慢行去《通記》

坐低左後，先食D前菜先
《沙薑雞腳》《熱辣辣叉燒》
雞腳同叉燒都係信心的保證，好好味呀！

再黎就係《刺身拼盤》

《豉椒聖子王》《薑葱炒膏蟹》

《美極煎大蝦》

因為係CARRIE生日，我特登ORDER了壽包

仲有飯後果西瓜添

 真係好飽呀！

順便喺LEE度預早祝CARRIE生日快樂，工作開心又順利，同埋最緊要係早日搵到她的白馬王子！





 
餐廳資料：
通記海鮮野味酒家
地址：西貢萬年街96-102號地下
電話：2792 7453

三重古古力曲奇

一向係古古力超級粉絲的我，一見到LEE個曲奇已經愛不釋手
曲奇在焗爐入面時，令滿室充斥著濃濃的古力香氣

一出爐稍涼已急不及待要試試，超香濃呀！
吃著濃濃的古力曲奇，真的有一份無明的幸福感覺呀！

材料：
牛油 100g
黑糖 70g
朱古力(70%) 100g
蛋 1隻
雲尼拿香油 1茶匙
低筋粉 150g
朱古力粉 30g
梳打粉 1茶匙
鹽 1/2茶匙
入爐朱古力粒 80g

 做法：
1. 牛油與黑糖拌勻至忌廉狀
2. 朱古力坐溶，加入牛油拌勻
3. 拌入蛋液及雲呢拿油
4. 拌入粉類及鹽拌勻
5. 拌入入爐朱古力粒
6. 以180度焗12-15分鐘，待涼即可