提早

今朝到9點先起身呀！
唔好以為我唔洗返工喎！
只係我返工比較自由，冇人會理我幾點返工
所以我就可以瞓到咁晏先起身喇！

返到公司都10點幾喇！
做下野，上下網都已經2點喇！

同個同事落樓下食下午茶先
但唔知點解突然好頭痛呀！
我諗住叫左個雞脾薯條食左會好D啦！
點知食完想嘔添呀！

返到公司即沖入廁所嘔番個下午茶出黎，嘔完真係舒服哂！

準時收工返屋企，因為今晚屋企做節呀！
今晚好好餸，不過掛住食冇影相喎！HAHA

今晚有媽咪自己整的卥水鴨同白切嘉美雞、蒸魚、腰果炒西芹、炒白菜....仲有老黃瓜赤小豆煲豬尾湯。好飽呀！

食飽飯仲有好甜美的西瓜作飯後果添。