有借有還

早睡早起 身體好

朝早起身就同小波子去跑下先

小波子一出街真係好開心架

 一上到山就可以周圍跑喇

 陽光下的波子

 小波子笑得好開心呀！

好倦喇！要返屋企喇！

 返到屋企洗下腳仔，跟住又到小波子的午睡時間了

我又要換衫出去了

 約左紐紋一齊去還神

還完神仲去左附近食左個TEA

個西多士好好味呀！

 食飽飽就揸車返屋企了

今晚我們這一家出去食飯同老豆慶祝生日呀

之前係BEECRAZY見到好似都幾抵食又話米芝蓮推介食店就買來試下啦！仲訂定位添

LEE個叫翡翠海鮮晚餐

真係搵笨一次過，真係唔會再來幫襯呀......
 

大家睇下LEE個餐食D乜啦！

鮑汁扣鮮鮑魚~~~ 鮑魚冇鮑魚味，仲冇口感，勁多獻汁

天婦羅脆蝦~~~蝦是冇味的玻璃雪藏蝦，唔可以叫天婦羅只可以叫炸蝦......

煎焗石斑球~~~完全睇唔出邊到有煎焗，更睇唔出亦食唔到係石斑球，個魚最多只係雪藏魚柳，仲要係有雪味的，個魚柳係炸左再喺上面淋D獻汁，難食

蟲草花螺頭燉豬展湯~~~個湯唯一的好是夠熱，其實燉湯應該係好濃味，但LEE個湯清到好似飲水咁......唉

 木耳彩椒炒珊瑚蚌~~~珊瑚蚌又是雪味好重，一點鮮味都冇
珍菌泡翡翠~~~就係普通的上湯灼白菜囉

珍珠糯米飯~~~一上枱已經"O"咀，珍珠雞......即是問唔係糯米飯咩，個上菜阿姐仲大大聲答，LEE個咪糯米飯囉，係咪當我地傻架！

酥皮叉燒包~~~係成個餐唯一讚的，個包好好食，入面D叉燒餡仲超級熱，好味

食到一半其實已經知道不妙，快快ORDER多幾個餸啦

蜜桃生炒骨~~~個味道可以啦，不過都係用番菠蘿好D囉！
石鍋醬燒生蠔~~~一個幾惹味的煲仔菜，個蠔都算鮮味的，不過個獻都係太傑

八珍海鮮豆腐煲~~~一個唔夠熱的煲仔菜，可以叫唔好食
原個南瓜牛仔肉~~~原來係咖喱，不過冇咖喱味，牛仔肉又是雪味好重，NO GOOD AGAIN

 金衣花姿球~~~好味！個花姿球好彈牙

花尾龍躉~~~價值$498，魚蒸的時間剛好，味道不錯！

 LEE間店我真係唔會再幫襯，食物難食已經係事實，仲要係冇服務可言，冇服務唔係態度差，係真係冇人服務呀！

仲有我真係好想知道點解會係米芝蓮推介食店......！

其實真係食唔飽架，不過都係算了

返到屋企都係食碗阿媽煲的湯水算了

 GOODNIGHT