萬事俱備

今日又好似凍番D

都係幫波子著番件衫好D喇！

我個小波子真係好靚仔架！

其實我成日都問波子呀，點解你咁靚仔架.....

 波子都要著衫，咁我當然都要著番厚D啦

今日著番對BOOT先

 返到公司又快手做好野，4點鬆D就收工喇！

我要先落旺角拎個蒸氣熨斗，跟住又要上去執好個場，明天開檔做大生意呀！HAHA

我地幾個努力執好D野，熨埋D衫，最後走時將D傳單掛埋就搞掂喇！YEAH

收工去食飯喇！

我地幾個落左深水埗炒餸食飯

我地去左《容記小菜王》

間野係平民街坊的食店

我地四個人叫左4個餸再加兩個煲仔飯

肉碎四季豆~~~全部都係一粒粒的，味道好惹味，唔油NICE

 咸魚煎肉餅~~~我覺得麻麻地，唔夠香脆又唔夠咸魚味，肯好個肉餅都有肉汁的

 沙拉豬扒~~~個豬扒好似係京都豬扒的味道，再係上面淋上一層沙律醬，OK但又唔特別咁囉

一品雞~~~雞雞好滑，好香的沙薑味，不錯不錯

個煲仔飯好得，D飯焦又剛好，NICE，份量唔係好大，其實一個人都食得哂

食飽了大家都要返屋企了

返到屋企就見到波子瞓到咁

 沖完涼要快快瞓喇

明天要去賣衫呀

餐廳資料：

容記小菜王

地址：深水埗福華街118-120號地下

電話：2387 1051