一零狗

LEE兩日D天氣真係好舒服呀！

涼涼地又爽爽地，少少陽光.......正呀

如果一年都冬天同埋LEE D天氣就真係正喇！！！

起左身後煲下劇，跟住就起身同豬仔去跑跑先

跑呀！天氣好爽呀！

 豬仔真係好好笑架，一出街就會笑

 跑完就同波子返屋企洗手腳，跟住我休息一陣就要換衫出去了

今日EVA隻狗狗Muji109日大呀

我地又搞個PARTY了

我去街市買做狗餅的材料，跟住會合埋TINA就去EVA屋企了

去到就要為我們的晚餐做準備了

人未食狗先食

 南瓜狗餅，做給各位有毛孩的朋友仔

 EVA主理的有骨肉眼~~~真係每次都咁好味！

惠蘭的FRESH FRESH沙律

Astrid的土匪雞翼

 TINA的千層麵，超正呀！

 仲有好好味的南瓜紅豆餅

 真係好滿足的一個晚上

走果陣突然好大雨呀！

又係灰姑娘時間返到屋企了

好倦呀！要瞓了！

一年了

一年了

一年前的事今天還歷歷在目，會這麼容易忘記嗎？

今天的心情真的好沉重

 一個月前已決定了今天的行程

起左身，整好哂野

今日天氣好好呀，涼涼地又有點陽光

就同豬仔去探下波子

細佬豬第一次見大佬波

 豬仔好乖咁坐定定，仲錫錫哥哥

我都抱住波子傾左一陣，淚水都不自覺流下了

想牠的淚......MISS U

探完波子後，就同豬仔返屋企了

返到屋企泊好車，就同豬仔去球場跑下先

最開心就係可以跑跑跑！

 笑得好開心喎！

 跑到好熱呀！

 返到學洗好手腳，豬仔又去小休了

睇下佢個樣幾得戚

 我都換衫返工了

返到公司做左一陣野又想收工了

今日真係冇乜心情返工......

我唔知點解又想返屋企見見豬仔

想做便做

執野回家同豬仔玩一陣，跟住又出街了

約左紐紋去食放題，但食之前去12蚊店行下先

行完時間都差唔多了

好肚餓呀！

 食下傾下又一個愉快的晚上了

返到屋企都十二點了

好倦呀！

鮮腐竹百合浸九杞

有D菜係會有D苦澀味，點樣令佢地更好味呢？

其實好簡單，用上湯浸就GOOD喇！

材料：

九杞 約1斤

鮮百合 5顆

鮮腐竹 5條

鮮菇 4個

金蒜 4粒

做法：

1. 九杞先洗淨，瀝乾水，備用

2. 鮮百合，切段，鮮冬菇切絲，備用

3. 鮮百合作分成一片片，洗淨備用

 4. 蒜頭先用少許煎至金黃，加入九杞炒勻，加入百合、冬菇及腐竹炒勻，加入1.5碗水及金蒜

5. 煮約3分鐘，下鹽調味即可

 

MOVIE

GOOD MORNING

 我的好朋友們LEE排好LIKE我的蕃茄乾包包

今朝返到公司做下野，跟住就拎尋日搓左的麵糰出黎做包先

順便可以比我做TEA

《茄乾肉鬆卷》

 個包真係做得好鬆軟呢！

 自己搓的包包，食一個都已經好飽了

做做下野，媽咪又SEND來豬仔的午睡照，真係瞓得好搞笑

 放工後約左BEAUTIES們去睇MOVIE

EVA老公公司包場睇美國隊長呀！好平好平！

咁就一齊睇啦！

套戲差唔多兩個半鐘，都幾好睇

睇完套戲都已經十點了，快快去搵食，諗唔到食乜，我地又去財記打邊邊，是但叫少少野，食飽飽就回家了

返到屋企沖個涼，同豬仔傾一陣就瞓了

帶返學

星期中了

咁就星期三了

GOOD MORNING

今日又要帶BELLA豬返學了

所以今個午餐會早少少食

《葱粒肉燥炒米粉》

 個米粉真係好好味呀！

食飽飽了就去會合BELLA豬，跟住就帶佢返學，今日佢第一次自己返學，好叻喎！

一D都冇喊喎！

放低左BELLA豬後，我就去整一整D手甲了，早兩日整完D甲唔知做乜扑左出黎，去整一整整

整好後，時間剛好，可以接番BELLA豬了

接左佢放學，就同佢去食個下午茶，跟住我就返公司了

放工後就返屋企帶豬仔上去BELLA豬屋企玩順便DINNER了

食飽飽後，豬仔又玩夠就返屋企了

好倦的一天

GOODNIGHT

試一試

我覺得豬仔真係越大越似波子哥哥了

 個神態真係好似波子，點解會咁似......好神奇！！

是日彩色LOOK

 件衫又係之前係Tin Tin訂的，好靚呢！

返到公司試下LEE枝油先

話用左會冇咁易口痕想食野，又試下先，其實個味都幾好聞架

喺GROUPON買左個做腳的GEL，今日BOOK左去試下先

一個鐘就搞掂都唔錯喎！

做完就返公司整LUNCH食了

煮左個肉燥，咁就煮個麵拌黎食啦

《肉燥拌麵》

 如果加埋葱粒就更正喇！

食緊LUNCH時，包包已經發酵中了，RYDER話想食麻，就焗比佢啦

佢跟住過左黎搵我拎包包，咁我又順便同佢傾下啦！

佢身上真係充滿左負能量，個人情緒真係好差，可以點幫她呢？

同佢傾左個幾鐘，我都覺得好倦呀！

我都要立即放工了

返屋企拎車，跟住約左ELSA同契仔媽去食雞煲

好好味的蟹雞煲

 真係巧巧味呀！

食飽飽就回家了

今日真係身心疲累呀！

我要早點睡了

BOOK到

又到MONDAY了

又要起身返工了

 其實對我來說返工真係好開心架！

返到公司，我可以做我想做的事，工作又唔算好大壓力，所以我愛我的工作HAHA

你們的工作又如何呢？

返到公司做一陣野，跟住我就試下BOOK唔BOOK到做手啦！

又比我BOOK到喎

BOOK左2點半，做完就返公司了

返到公司做定個麵糰，聽日又可以焗包包了

放工後就回家DINNER了

DINNER後又同BELLA豬玩下，跟住又同豬仔玩下

睇下豬仔瞓得幾舒服HAHA

唔知點解豬仔好鍾意咁瞓

芝士麻薯

家姐C喺意大利買左D芝士比我

開左又用唔洗

就用黎做麻薯波波啦

材料：
糯米粉 110g
木薯粉 15g
芝士粉 50g
鹽 1茶匙
已溶牛油 3湯匙
蛋 1隻
牛奶 約70ml

做法：
1. 先將粉類放在碗內混合均勻
2. 加入牛油拌勻
3. 拌勻後再加入牛奶

《若太乾可多放少少，太濕就加少少木薯粉》
4. 預熱焗爐200度約5-8分鐘
5. 用整湯圓的做法，搓成湯圓的大小放在牛油紙上
6. 200度焗15分鐘即可

好悶

又係落雨...

落到幾時呀！！！

落雨真係落到好悶呀！

今日我覺得冇乜動力

全日都係煲下劇，行下企下，再坐下又或者瞓下

終於DINNER前去街市買左斤蜆，番屋企煮粉絲當DINNER

好悶的一天

落足一日

其實都落左好多日雨了，幾時先停呀！

今日仲要係好大雨添

我的小豬仔成個星期冇落過街街喇！

冇得上山玩又冇得去球場，就帶豬仔落車場行下啦

冇得出去有D唔高興呢！

 帶左個波波落去玩，玩下玩下又開心番了

 豬仔：好想去球場跑呀！

玩完一輪就要返屋企了

返到屋企處理完豬仔，我休息一下又要準備出去了

約左家姐E去朋友個飯堂DINNER

好好味呢！

 好豐富呢！叫到一枱都係

 食到好飽呀！

返到屋企，煲下劇又瞓了