痛到呢

今朝又要去私家覆診了

洪寶寶已經39週喇

今朝又要返私家做檢查呀！

希望做埋LEE次檢查，洪寶寶快D出世啦！

今朝BOOK左十點第一個症，去到診所快手登記完，等楊醫生一返到就可以睇了

洪寶寶宜家已經差唔多有7磅半了，楊醫生為左令洪寶寶快少少出世，幫我刺激左D絨毛，但過程真係有D唔舒服同埋有D痛

整完之後洪寶寶應該唔太滿意有人騷擾佢，不停咁踼，攪到我勁唔舒服

睇完我地落左樓下食左個早餐，跟住就去荃灣買阿仔床單，今日有開倉呀！

去到都唔算多人，等左一陣就入到去了

入到去就真係多人喇，仲有D迫添，不過我已經有目標，快手拎左兩套床SET，仲幫大頭表哥買埋添

跟住見D枕頭都好底又買左兩個，再買多左SET我地的床單，買左咁多野都唔洗千幾，上次買阿仔一套休SET都差唔多一千呀，早知唔買住啦

買好哂，我地見未肚餓，咁就去按下腳啦

按完腳就去食米線，跟住返左娘家小休一陣，再落左九龍灣買個奶泵，再去買燒鴨就返媽到DINNER了

食飽飽我地同兩隻魔怪玩一陣就同埋豬仔回家了

返到去快手洗白白都想瞓覺了

今日周圍去真係好倦呀！