又一年了

2019年話咁快又過去

2019真係一個不容易的年頭

2019年相信有大部份都唔太開心

希望2020會更好

今朝由得洪寶寶瞓

返下午啦

洪寶寶起身飲NXR

 食左LUNCH就要返學喇

送左洪寶寶返學，我地就食D野跟住休息一陣

洪寶寶又放學喇

比佢飲奶奶瞓下覺先

 洪寶寶瞓著左，我就去街市買D野，咁一陣拎去家姐屋企煮啦

去左D蝦同八爪魚

洪寶寶襯我去買野就醒左了

姐姐自己坐車出黎JOIN我地

等埋姐姐，我地就去家姐到喇

我地食飽飽，小朋友們又玩下啦

表姐打機，洪寶寶又以為自己都玩緊

 太好笑喇

又要回家瞓覺喇

薑葱霸王雞

雞真係好好味

你們喜歡蒸、炒、炸、燒、炆定煲

我就比較喜歡蒸喇

加埋薑葱就完美的配合

材料：

雞 1隻

薑絲 適量

葱絲 適量

汁料材料：

雞汁(蒸雞後的汁) 3湯匙

老抽 半茶匙

生抽 1湯匙

糖 半湯匙

做法：

1. 雞先用粗鹽洗淨，吸乾水將薑片放入雞內

2. 隔水蒸25分鐘再熄火焗20分鐘

3. 雞取出切件，放上薑葱絲

4. 將汁料煮熱，淋上雞面即可

唔知醒

洪寶寶今朝唔肯起身

咁又返下晝啦

起左身又玩下啦

 食包食到咁招積

 臭寶寶

 老公見仔食佢又食

洪寶寶食左LUNCH就要準備返學喇

送左洪寶寶返學，我老公就去食車仔麵啦

LEE間家姐推介的

真係好好味喎！

食飽飽，我去買D野

跟住又可以接洪寶寶放學喇

又喺車瞓著左喇

今晚冇煮飯

老公又話要去食牛肉火煱

真係抵食又好味

食飽飽就要回家喇

點知原來落馬洲十點半就CLOSE

結果我地要落的士去羅湖啦

返到屋企就快手洗白白瞓覺喇

海南雞湯粉

海南雞飯就食得多

但唔想食飯，咁可以配乜呢？

其實配個湯河都唔錯架

材料：

雞 1隻

雞湯 約500ML

斑蘭葉 5條

蒜頭 6粒

乾葱 5粒

薑片 適量

醬汁材料：

生抽 1茶匙

老抽 2茶匙

糖 1茶匙

薑蓉材料：

薑蓉 2湯匙

葱蓉 2湯匙

滾油 3茶匙

五香鹽 1/3茶匙

做法：

1. 雞洗淨去除多餘脂肪，用薑、蒜頭及乾葱頭放入雞內封口

2. 雞湯加水，加入薑片、乾葱、蒜頭及斑蘭葉煮15分鐘撈起

3. 放入雞隻，關蓋煮5分鐘後熄火，浸泡45分鐘

4. 撈起雞，將浸泡冰水15分鐘，瀝乾水份後去骨切件

5. 河粉放入雞湯煮散 ，將雞放上，淋上熱湯即可

一齊玩

又到星期日喇

湊洪寶寶DAY

朝早喺屋企玩一陣，跟住食埋LUNCH

我地就去街街喇

出去順便喺車車瞓妟覺

出面天陰陰又大雨

洪寶寶瞓醒就去搵表姐表哥玩喇

我地同日日表哥行商場等表姐學游水

跟住就返表姐表哥屋企玩喇

家姐去買料打邊邊，落雨真係唔想周圍去

食飽飽又玩飽飽

洗埋白白就回家喇

又一個開心又倦的星期天

B下

點解洪寶寶可以瞓咁少

但又可以精力充沛

起左身又喺到嘆奶

今朝起身，我就出左去做FACIAL了

做完同老公去食點心，跟住就回家了

返到屋企洪寶寶都瞓左妟覺了

洪寶寶瞓醒就同佢去公園玩啦

 仲同埋豬仔哥哥一齊去玩添

玩完返屋企食飯喇 

 豬仔都洗好手腳了

搞掂哂洪寶寶，姐姐都食埋飯

我地去BBQ喇

終於約到

湊左洪寶寶兩日真係好倦呀

今朝瞓醒我就出去修甲了

搞掂之後去買少少野就返屋企喇

返到屋企洪寶寶剛好瞓醒妟覺

洪寶寶早少少食DINNER，一陣同佢去街街

 梳左個蛋撻頭又幾靚仔喎

我地約左朋友們食飯

洪寶寶去到又食食食啦

坐得耐又要周圍搞搞震啦

 真係無時停

 食飽飽又要回家喇

返到屋企都快手洗白白瞓覺喇

日式咖喱吉列豬扒飯

想方便當然食碟頭飯啦

但又唔想食佬飯喎

當喺屋企想整碟頭飯

我的頭號選擇會係日式咖喱

日式咖喱可以配唔同餸

今日配吉列豬扒

材料：

豬扒 兩塊

甘荀 1條

薯仔 2個

洋葱 1個

水 2杯

日式咖喱磚 半包

麵包糠 適量

蛋 1個

麵粉 適量

豬扒醃料：

鹽 半茶匙

糖 1茶匙

胡椒粉 半茶匙

麻油 半茶匙

生粉 1茶匙

做法：

1. 豬扒洗淨，用刀背輕拍，加入醃料醃20分鐘

2. 甘荀洋蔥一半切粒一半切塊，薯仔切塊備用

3. 預熱油鍋爆炒甘荀等材料，呈微金黃及香味溢出後，加入雞水和咖哩磚拌勻，蓋上獲蓋以小火燜煮20～30分鐘至材料軟身後加少許糖、鹽調味，關火燜10分鐘，備用

4. 醃好的豬排沾上一層麵粉，然後沾上蛋液，再沾上麵包糠，拍走多餘麵包碎，下油獲炸至金黃色，放到吸油紙上

5. 盛好白飯，將豬排切件，淋上咖哩醬汁即可享用

海洋公園之旅 DAY3

洪寶寶唔知係咪玩得太倦

睇到流哂口水

一瞓醒又係玩

搗蛋王

招招積積

 跟住快手比洪寶寶食個EARLY LUNCH

我地又要準備PACK番行李CHECK-OUT喇

酒店LOBBY中間個魚缸

搞掂哂又入公園玩LU

入到去第一時間食野先

我地去左海龍王餐廳食野

跟住去玩喇

我地又坐纜車上山喇

上到去又睇下魚睇下熊貓

跟住周圍行下，洪寶寶又瞓著左了

咁我地行下，跟住差唔多就走喇

洪寶寶醒左我地就打道回府喇

返到屋企洪寶寶都差唔多食DINNER了

担白講，真係好倦呀！

我地DINNER出去是但食D野都返屋企休息喇

海鮮粉絲雜菜煲

當你想懶懶地

當你又懶得出街食

咁整乜好

想有益又好味！

就做個雜菜煲啦

材料：

花甲 1斤

海蝦 半斤

唐生菜 適量

通菜 適量

西蘭花 半個

清雞湯 1盒

粉絲 2扎

做法：

1. 粉絲用水浸軟，備用

2. 花甲先用滾水煮至開殼，盛起備用

3. 下少許油，加入蒜蓉爆香，加入雞湯煮滾

4. 加入菜類，再加入粉絲，再加入海鮮煮滾，再煮至海鮮全熟即可

5. 加入胡椒粉，麻油及少許鹽調味即可

海洋公園之旅 DAY2

今朝洪寶寶大約十點就起身

起身喺酒店玩一陣

我就先準備左洪寶寶的午餐

搞掂哂我地就入海洋公園玩喇

今日真係好多人呀！

入到去排登山欖車要成個鐘，我地就改搭海洋列車啦

上到山上，我地原本諗住去睇海洋劇場

最後都係比洪寶寶食飯先

我地都快手食個麥當當

跟住就去左睇鯊魚啦

嘩！第一次睇咁大條魚魚呀

 LEE條唔知乜鯊，好恐佈呀！

 睇完鯊魚剛好時間去睇海洋劇場

洪寶寶仲細個，耐性真係唔太好，睇到差唔多尾聲就扭計要走

咁我地就走啦

比佢落地行下又跑下

 有得跑跑就精神

 古靈精怪 

跟住再去睇企鵝

 D企鵝真係好得意

 睇完企鵝就搭攬車返落山喇

我地落到山，洪寶寶都好倦喇

要返去睇妟覺喇 

返到酒店洪寶寶又玩野，唔肯瞓

最後搞左成個鐘先瞓著

瞓醒左，我地就再入公園睇魚魚

睇完魚魚再睇PANDA，再行多陣就去食DINNER了

我地BOOK左喺酒店食BUFFET

YUMMY

 真係唔錯喎

 酒店比左D眼鏡，洪寶寶又玩一餐

 食飽飽，我地就喺公園玩一陣就返房了

返到房玩一陣都要瞓覺喇