長洲遊

 2021年最後的一天

大家今年過得好嗎？

希望疫情隨著2021一齊過去

大家都可以過番D正常的生活

洪寶寶瞓醒又去左樓梯食包包

仲食得好滋味

跟住又走左上天台玩一陣

洪寶寶玩一陣就準備食飯喇

我同老公都是但煮個出前一丁食便算了

我地一陣去長洲玩呀

我地將架車泊左喺青衣，跟住再坐MTR去中環

會合埋表姐表哥就上船去長洲喇

三個小朋友都第一次入長洲。。。好興奮

三個都好叻喎，坐左差唔多一個鐘就到了

一落船，我地就去搵野食喇

買左大粒魚蛋比三個小朋友食

佢地話好好味HAHA

食左魚蛋再行下睇下有乜好食啦

行左去買餃子，再買果汁再去食魚蛋粉

食完碗粉都勁飽了

不過個餃子真係好好味

吃飽飽我地再行左一陣

有個公園仔，小朋友又玩左一陣

跟住再去買埋芒果糯米池同紅豆糕就搭船LU

搭船出到大環都差唔多7點了

快手去青衣拎番車

再落番黃大仙食飯

返到屋企都十點幾了

沖埋涼同洪寶寶玩一陣都十一點幾了

咁就倒數埋先瞓啦

2021BYE

2022HAPPY NEW YEAR

體能考驗

 洪寶寶瞓醒上左天台玩

玩左一陣就落黎等食飯了

下晝諗住同洪寶寶出去玩，快手同老公出去食個LUNCH

去左葵芳食拉麵

跟住就快手返屋企同洪寶寶去街街LU

我地去迪士尼玩呀

入場時人唔多，點

知入到去勁多人呀

諗住同洪寶寶玩彈弓狗，見到條隊都唔想排

最後去買肉桂條比洪寶寶食

 

跟住再行下行下瞓著咁HAHA

見洪寶寶瞓著左，我地就走啦

跟住同洪寶寶落左東北公園踩車

洪寶寶有得踩車好似仲開心過入迪士尼

踩左一陣車同見到有人訓練鸚鵡

洪寶寶又好奇去睇下

玩到差唔多6點就要回家喇

洪寶寶返到屋企都肚餓，要食飯喇

我同老公都落左荃灣打邊邊

吃飽就回家休息喇

明天又出去玩呀！

學到喎

 洪寶寶好叻仔喎

瞓到成11點半先起身

一起身又搵豬仔哥哥玩

跟住食少少野

又玩一陣啦

老公今朝出左去做野

洪寶寶食LUNCH，我又快手出去買D野啦

買完野，MEET埋老公去食LUNCH

去左食烏冬

頭先食烏冬，入到去剛好見到有一張枱4個女仔起身，咁諗住等人地起哂身先坐低，點知突然唔知邊到有個男仔突然攝埋黎坐低左，我當然話佢聽張枱我等緊喎，佢竟然答我，因為我都未坐低

有冇咁無賴，佢仲答我吹咩

無教養又無品

食完烏冬我地就回家了

返到屋企，我快手煲落個湯

再炆定個餸

跟住又同洪寶寶落樓下踩一陣車

玩左陣又要去打籃球了

洪寶寶D防守真係笑C我

學完籃球就回家吃飯了

今晚吃什麼？

紅蘿蔔青蘿蔔煲豬骨

冬菇炆鴨腳

小炒王AND蒜蓉炒菜苗

咁又一餐了

紅蘿蔔青蘿蔔煲西施骨

 家庭經常煲的中湯

煲湯其實一D都唔難，只要買的材料靚就會煲到一碗好湯

材料：

紅蘿蔔 2個

青蘿蔔 2個

西施骨 4-5件

蜜棗 3粒

南北杏 3湯匙

做法：

1. 西施骨先放凍水中煮至滾汆水，洗淨備用

2. 青紅蘿蔔去皮，切件

3. 全部材料加入滾水中，大火煲滾，轉中慢火煲個半鐘即可

麻煩

 紅假完了

我們還在放假中

洪寶寶瞓醒出左去樓梯玩

突然愛上戴帽。。。HAHA

洪寶寶玩完落黎食LUNCH

諗住同老公出去食個LUNCH順便去買餸啦

到開車，老公唔知發咩神經

我要落荃灣買餸，竟然話我麻煩

講真，買餸我買，我行，我拎，我洗，我煮

我都未話只係食的你麻煩

你只係坐喺車等，話我麻煩

過意得去嗎？

講野有冇經過個腦呀？

買完餸極速返屋企，雖然買左餸

但條氣唔太順，我唔會煮囉

返到屋企拎D朱古力蛋糕食下，個人都無咁嬲

跟住見無聊又整下曲奇比洪寶寶食啦

焗緊果陣，洪寶寶聞到香味，又走去睇下

一出爐就嘈要要食

仲不停話好好味

出面賣$20一塊，宜家整左十幾塊都係$20

都係自己整好抵好安心

食完COOKIE，又同洪寶寶落樓踩下車啦

今日天氣都仲係凍凍地

太陽一落山就開始大風，要返屋企喇

洪寶寶食飯

我又同老公出去DINNER喇

我地去左試一間點心火鍋

抱住一試的心態

又估唔到唔差喎

吃飽了就回家陪洪寶寶了