煎堆

 新年一定會整的就係煎堆

除左好意頭仲因為好好味

材料簡單，快手其實半個鐘內就搞掂

材料：

糯米粉 150g

泡打粉 2g

糖 50g

油 1湯匙

水 100-120ml

芝麻 適量

做法：

1. 將糯米粉、糖、油、泡打粉混合再加水

(水最好先加100ml，然後先再加20ml)

2. 麵糰搓到面層有少許濕潤，搓圓沾上芝麻

3. 熱鑊熱油放麵糰，再較中火炸，受熱後會浮起，就用筷子輕壓等佢有空氣就會脹大同變空心，一邊炸一壓

團年

 話咁快又年廿九了

起身安排好個仔

拎定左D餸出黎

我又同老公去還神了

搞掂哂就去食車仔麵，跟住買少少野就回家了

返到屋企，快手整左個元蹄先

跟住又同洪寶寶落樓踩一陣車啦

都踩左差唔多個幾鐘，跟住要返屋企喇

開始返風，凍呀

返到屋企，我都要準備晚餐啦

晚餐前，新姐姐激到我真係要爆佢了

講真，自從星期五到宜家個人都好似發夢咁，同佢講野無反應，十樣野大樣都話唔記得。。。。其實想點呀？

爆完，我要去煮飯啦

今晚吃什麼？

蒜蓉蒸斑腩，豉油王大蝦

白切雞，紅燒元蹄

我地食飯，洪寶寶又嘆他的百力滋了

食飽飯，清潔完

都要去沖涼喇，仲買左碌柚葉添

沖完涼同洪寶寶玩一陣，搽埋腳又要瞓覺了

真係好倦，尋晚個人壓力大到4點幾先瞓得著

蘿蔔糕

 一年一度蘿蔔糕又黎喇

以前LEE類新年糕都會係媽咪整

大個喇！自己識整就自己整，仲可以蒸埋比阿媽啦

材料：(兩底)

粘米粉 300g 

粟粉 2湯匙 

鹽 半湯匙 - 1湯匙

麻油 少許 

胡椒粉 少許 

臘腸 2條

蝦米、瑤柱   隨意

白蘿蔔   3斤 =1815g (我做法係分成兩份，一半刨絲，一半切幼條，呢種質感較好)

水    12安士

做法：

1. 蝦米浸軟，臘腸切粒，加少葱粒炒香，再加半茶匙生抽及酒炒香

2. 粘米粉，粟粉加12安士水份開成糊狀，再加入麻油，胡椒粉，生油及鹽

（水可以用蘿蔔水，瑤柱水，蝦米水混合）

3. 白蘿蔔一半刨絲，一半切絲後煮5分鐘至軟身

4. 將粉漿加入稍煮至重身，再加入蝦米，臘腸及瑤柱兜勻

5. 糕盤掃上油，將蘿蔔料倒入，一層壓實再倒另一層

6. 隔水蒸50分鐘即可

好天氣

 早晨呀

HAPPY SUNDAY

起左身，又預備同洪寶寶出街啦

出街前先安排左新姐姐今天的工作

我地帶左洪寶寶去食牛肉麵

唔好以為洪寶寶唔知自己想食乜呀

我地行過MR STEAK問佢係咪LEE間，佢會答唔係

見到茶木會話喺LEE到HAHA

食飽飽又行左一陣玩具店

跟住我地就去西九踩下車啦

跟住又去玩下草地啦

玩左一陣又要休息飲啖水啦

玩左差唔多1個鐘就走了

我地落左荃灣買包包食

再去買埋叉燒就回家了

條街多人到，周圍又塞車

買齊野就快快回家啦

返到屋企，快手安排洪寶寶食飯

我又整下蘿蔔糕啦

真心好倦

係心倦呀！

新工人姐姐搞到我好大壓力

點解可以成日發夢咁

買買買

 心理壓力好大

比個新姐姐激到我嘔血

老公出左去買早餐比洪寶寶

洪寶寶同姐姐上左天台玩同食早餐

我同老公換衫出去食LUNCH，順便買野啦

落左葵芳，諗唔到食乜

又去左食炸雞

食完就去買野，跟住行左一陣就回家了

返到屋企整下野，又同洪寶寶落樓放電啦

又同朋友仔去球場踩車啦

玩左成個鐘，又要回家吃飯了

個天都開始返風，又有少少雨

今晚開爐，簡單燒

好倦，今晚早點睡吧！

紅豆椰汁糕

 見到大少奶個食譜咁吸引，當然跟住做啦

軟軟糯糯，好好味呢

紅豆層材料：

罐頭蜜紅豆 300g

暖水 250-300g

糖 2茶匙

糯米粉 300g

油 2茶匙

紅豆層做法：

1. 紅豆加水及糖攪勻

 2. 加入糯米粉攪勻

椰汁層材料：

糖 75g

椰漿 130ml

水 120-150ml

糯米粉 150g

油 1茶匙

椰汁層做法：

1. 水加入糖水攪勻做成糖水，加入椰漿攪勻

2. 糯米粉加入椰漿水攪勻，最後加入油攪勻

蒸糕做法：

1. 糕盤先掃油

2. 先放紅豆層隔水蒸10分鐘

3. 再加入椰汁層蒸10分鐘，如此類推一層一層蒸

4. 蒸好後放涼放入雪櫃雪至定形，再煎香食更美味

新

 起左身，洪寶寶上左天台玩

 

又要玩波波池

我又快手醃左D牛肋肉同豬腩肉啦

搞掂哂，快手煎少少尋日整的紅豆椰汁糕黎試下先

軟軟糯糯好好食喎

跟住就出去接個新姐姐啦

接左個新姐姐返到屋企，快手叫佢去沖涼

跟住食個LUNCH

又要開始她的工作了

我同老公快手出去食個LUNCH

我地去左食天婦羅丼

食飽飽行左個圈

去街市買D餸就回家啦

返到屋企整少少野，就同洪寶寶落樓踩車啦

又玩到天黑先肯回家

返到屋企洪寶寶食飯

我又準備晚餐啦

今晚食蟹田雞煲

SUPER YUMMY

又一天了

今天好倦

拍拖

 今朝姐姐要去入境署整野

我同洪寶寶起身，跟住洪寶寶自已玩一陣

我就執好野就同佢出街喇

有新車坐SO HAPPY

我地去左青衣城食牛肉麵

洪寶寶食飽左，我就叫左個甜品比自己食HEHE

跟住行左一陣玩具店，拎車

洪寶寶要去踩車車

又落左東北公園玩下啦

 

海濱勁少人呀

踩左差唔多一個鐘就回家了

返到屋企洪寶寶都小休一下

我又整糕啦

整大少奶教的紅豆椰汁糕

唔難整，係要心機同時間

因為要續層蒸

蒸完糕就同洪寶寶落樓踩車啦

天黑又要回家吃飯了

今晚吃什麼？

雜錦雞煲

沖完涼又同洪寶寶玩一陣啦

點解洪寶寶個造型咁好笑

GOODNIGHT