細小姐上廣州

今朝好早起身呀！
六點半就起左身呀！
因為今日要上廣州開會呀！

我選擇左搭8點18分班車
7點半已經到左紅磡火車站，買左飛就去《美心快餐》食過早餐啦！

咩事LEE個早餐要$36呀！宜家D野真係貴到呢......

 

食飽飽都係時候入閘LU，一上火車我就覺得好倦，好想瞓覺呀！
果然冇幾耐已經瞓著了，仲要係熟睡果隻呀！有服務員放低左枝水我都唔知呀.....瞓死了！HAHA

兩個鐘的車程好快就過了，落左車過埋關仲要坐多半小時的士先到OFFICE，到左OFFICE交低左D文件，同會計開左個會，好快就搞掂哂D野喇！

返到屋企，媽咪叫飲湯，煲左D乜乜物物湯，對腰骨好的又怯濕......仲之係一堆材料，但我一樣都唔記得，剩係知道有豬骨...HAHA

跳掣

倦倦的一天
工作清閒的一天
就係因為以上兩個原因，我返到公司做左一陣野，大約十一點幾就瞓著了，跟住被電話嘈醒已經係下晝兩點喇！

 其實主要我唔係比電話嘈醒，而係熱醒，明明公司有開冷氣點解會熱醒呢？

當我起身之際，見到公司的燈熄哂、冷氣又熄咁！但D緊急燈竟然著哂喎！咩事呀！
原來係跳左掣呀！

瞓左一覺個人真係精神哂呀！

落街食個下午茶先，食左個咖哩牛筋腩飯！正呀！

明天要上廣州開會呀！所以要帶埋部電腦返屋企呀！

返到屋企，帶左波子去跑步呀！有得去街街佢一定好開心啦！

 跑左幾個圈返黎又熱又倦呀！幫佢洗完腳吹毛時，直情瞓底任你吹呀！HAHA

跟住沖完涼就食飯LU

食飽飽冇嘜野做，我九點已經上床準備瞓覺喇！
早睡早起，身體好！

無胃口

LEE排唔知點解冇嘜胃口呀！
我一向都好鍾意食野架，點解會冇胃口，算啦！當減下肥囉！HAHA

連續幾日都冇IDEA早餐食嘜呀！但又唔可以完全唔食架！
細個果陣好鍾意食LEE隻芝士餅架！一於食佢啦！

仲記得細個時，媽咪因為知我地鍾意食，所以會買成盒，我諗一盒都有三十包架！
我地幾姊妹又好鍾意食軟糖，媽咪又會成盒買番黎，咁當然唔會比我地一次過食啦！每次都係食一兩粒架炸！

LEE兩日工作很清閒，我好快已經做哂D野！
下晝同老細落樓下食左個下午茶，又返上去上網LU！返工返到咁，你話係邊搵......WAKAKA

收工返屋企果陣同紐紋傾左一陣電話，仲約左食完飯上佢屋企玩部皮膚機添

食飽飽休息一陣，就行上去LU
比紐紋試左部機，大家都覺得好WORK
魔鬼朋友成日導人買野！HAHA

題外話：今日老細送左樣野比我

有燈的眉夾呀！好實用呀！

Double Chocolate Muffin雙重朱古力蛋糕仔

LEE個係朋友的ORDER

濃濃的朱古力香，焗緊時成間屋都係古力同牛油的香氣
我諗香到應該隔離屋都聞到呀！

材料：
牛油 100g
糖 80g
蛋 2隻﹝約100g﹞
奶 150g
低筋粉 230g
無糖朱古力粉 70g
泡打粉 10g
幼鹽 少許

做法：

1. 牛油室溫放軟加入糖用電動打蛋器打至幼滑
2. 蛋分兩次加入，用電動打蛋器打勻
3. 加入奶，用電動打蛋器拌勻
4. 將粉類篩入，拌勻後，用電動打蛋器高速打至幼滑﹝約20秒﹞
5. 將麵糊放入模，再加入朱古力粒，再放入麵糊
6. 180度焗約20-25分鐘

驗身日

天氣麻麻地，陰陰的
有時仲會下大雨

早於幾星期前BOOK左今日去驗身呀！
BOOK左11點半，我預早左少少11點就到LU
不過間診所超多人呀！

等左大約半個鐘就到我喇！
入到去，度高磅重、驗下眼、抽左筒血、做左心電圖、留左小便

報告要兩星期後先知

好快15分鐘就搞掂LU

驗完身去左買牛什粉番公司食，因為冇食早餐呀！早D食LUNCH啦！

收工時收到家姐G的WHAT'S APP傳來兒甥食蛋糕的相，佢地真係我的SUPER FANS

媽咪今日見到家姐G，所以拎左我整的CHOCOLATER MUFFIN比兒甥們

睇下佢地食得幾開心！

見到佢地食得開心，我就好想整比佢地食！

糯米池(花生餡)

糯米池一向我都好鍾意食架！
媽咪一向知我鍾意食，見到一定會買比我食

但其實我只喜歡花生芝麻碎餡，其他的都不是我杯茶

見早兩日去探契仔媽，咪整幾個佢嘆下啦！

材料：
糯米粉 130g
粘米粉 10g
木薯粉 30g
糖 50g
椰汁 200g
奶 90g

餡料：
花生碎 4湯匙
芝麻 3湯匙
椰絲 3湯匙
糖1湯匙

做法：

1. 粉類倒入大碗中拌勻，過篩一次
2. 用小煲倒入椰汁、奶及糖煮滾後熄火
3. 隨即撞入混合好之粉類，快速拌勻
4. 在大碟子掃上菜油，放入粉糰，用中火蒸20分鐘，取出稍為放涼
5. 戴上手套，用匙取出適量糯米糰，用掌心輕輕壓平，放上餡料，將邊位之糯米糰包上，埋口搓圓，黏上黃豆粉即可

倦透了

今天真係好倦呀！
可能尋日出左一日街呀！

出一日街就咁倦，可能真係年紀大喇！HAHA

7點幾起左一次身，再瞓！
9點幾又起一次，都再瞓！
11點起左身，都仲唔想起身！懶蛇咁喺床

媽咪終於忍唔住入黎叫我起身食野呀！咁唯有起身啦！
簡簡單單的午餐後，陪媽咪出左旺角買野，再番屋企HEA

一HEA已經係黃昏喇！

今晚得我、老豆同媽咪食飯，所以簡簡單單煮少少野就算了
媽咪知我鍾意食蟹，買左成斤過我食，最後我都食左三隻，好飽！好滿足呀！

睇下電視，又一個晚上LU

變態的我9點就入房瞓覺LU

與契仔媽聚聚

又到星期五LU，我決定今日放半日呀！
因為我約左契仔媽食LUNCH

本來諗住早D入去，點知紐紋打電話黎，一傾已經係十二點喇！
唔傾喇，我要出發喇！如果唔係餓死契仔媽呀！

我入到屯門大約一點到，我冇食早餐好肚餓呀！契仔媽都係好肚餓
咁我地就是是但但去左食《榮式燒雞扒》
LEE間野我係金鐘返工時都成日食架，真係幾好味架！
宜家週圍都開左分店，不過始終都係總店好食D

我地叫左一個榮式燒雞扒烏冬同一個榮式燒雞扒耦餅飯
耦餅同雞扒都好好味，飯又剛剛好

食過LUNCH後，我地要返去喇，因為姐姐今日放假呀！
返到去，我地傾下講下已經4點喇！
今日見唔到契仔呀！佢瞓覺未醒呀！OH
因為契仔媽要出荃灣聽講座，咁就一齊坐車出去LU

分手後，我自己行左陣，就坐車返屋企LU

夜晚食過簡單的晚飯，我要開工喇！開工整蛋糕呀！
因為應承左一定要開工呀！點知屋企D雞蛋用哂呀！
又要特登出去買呀！

瞓得好

終於瞓番場好覺LU
瞓得好自然精神好呀！

早兩日約左契仔媽明天去探佢呀，咁當然要諗諗整嘜佢食啦！
一於整簡單又好味的蜜糖鬆餅啦！
今次我仲落重手麥皮，感覺健康D麻！哈哈！

整完仲做左我自己的下午茶

好美味呀！脆脆甜甜的！

做下野，好快已經收工了！
出左旺角整完D野，就返屋企食飯，食完仲整糯米池添

契仔媽你又有好野食喇！

倦倦的一天

今日好倦呀！
明明都瞓左7-8小時，但都好似唔係好夠咁喎！

講番早一個星期前去一個公園比D衰蚊咬，到今日都仲係好痕同紅卜卜，我係一個超級"野"蚊的人呀！

[以下照片會令人不安]

其實我咩都搽過，但都好似冇嘜用咁喎！可以點呀......

另外講下其他野先，早於一個月前我係FeiEsecretbeauty到買左一部+-離子導入導出美容機，用左一個月，每星期用一次，皮膚真係好明顯改善，尤其係我的鼻鼻呀！一路以黎黑頭係我最大最難搞的問題，自從用左LEE部機後，我D黑頭未至完全清除，但起碼現在的鼻鼻是滑滑的！

大家如果有興趣可以去FACEBOOK到LIKE佢就有得睇佢D PRODUCT架喇！

講番正題先，今日的一人午餐係《魚柳包》

這是我今天的早午餐，唔知點解我LEE兩日都冇嘜胃口，全日冇嘜食野都唔覺餓喎！
奇怪呀！

食過飽飽後，好眼瞓呀！咪閉目養下神囉！

快快樂樂又一天

檸檬紅茶慕絲蛋糕Lemon Tea Mousse Cake

LEE個蛋糕步驟都比較多，但真係好清新同美味

冇記錯的話，應該都係兩年前的作品了
因為朋友好LIKE飲檸檬茶，所以LEE個蛋糕一定LIKE的

檸檬醬材料：
磨碎檸檬皮及汁 半個
蛋 1隻
糖 40g
牛油 20g

做法：
1. 牛油以外的材料放入盆內，邊用打蛋器攪拌邊隔水加熱至濃稠
2. 待(1)成為軟滑忌廉狀時，加入牛油拌勻，備用

紅茶奶凍材料：

伯爵紅茶 6g
水 30g
牛奶 30g
蛋黃 1個
糖 40g
魚膠片 5g
水 25g
淡忌廉 100g[已打發]

 做法：

1. 水和紅茶煮開，加入牛奶煮滾後再焗一下，過濾成100g液體

2. 蛋黃和糖攪勻，加入1/3(1)的奶茶混合，倒回鍋中和其餘2/3奶茶一同用小火加熱到81度

3. 熄火後加入已浸軟的魚膠片，用餘溫溶解

4. 放涼後，加入打發的忌廉拌勻，然後倒入已舖好蛋糕模中冷藏凝固

檸檬慕絲材料：

檸檬醬 50g

魚膠片 2g

水 10g

淡忌廉 50g[已打發]

  

做法：

1. 檸檬醬加入已溶解的魚膠片，再混合已打發的忌廉
2. 將(1)倒入已凝固的紅茶奶凍上冷藏凝固