小狗沖涼日

出面好大雨呀！開住冷氣都比D雨嘈醒呀！
出面個天超黑呀，又行雷喎！

既然起左身，就唔好瞓番喇！
原本諗住好天，帶波子去行下再沖涼麻

點知落大雨冇得去街街，咁就直接沖涼啦！
洗完白白，開心哂！

 係咪好靚仔呢！

同波子沖完涼，都搞都我成身汗呀！
坐一陣見冇嘜野搞，不如整下蛋糕先
見有香蕉喎！咁就整香蕉蛋糕啦！
《焦糖芝士香蕉蛋糕》

 個蛋糕焗緊果陣超香呀！連一向唔愛香蕉蛋糕的愛都被吸引住了。

整好蛋糕後，去沖個涼先，因為真係成身臭汗呀！
沖好涼爽哂！不過又係時候出街LU
要幫家姐E帶BEAR BEAR出去沖涼同剪毛呀！
因為家姐夫今日有ALL DAY TRAINING，家夫K就要返工趕唔切返黎呀！

帶BEAR BEAR出到去見未夠鐘咪同佢行下囉
個肥妹懶到死呀！成日唔肯行，成日靜坐呀！

 

 

 行左一個圈，MEET埋家姐E同姐夫就去沖涼LU

放低左BEAR BEAR都六點LU，我地就行一陣順便去搵食LU
最後決定食越南野《新西貢》
坐低左一人一杯青蛙蛋水

 睇下食咩先
火車頭湯河、春卷撈檬
豬頸肉湯河
個湯都幾好味，不過個撈檬D檬粉太淋了，NO GOOD

 跟餐送的春卷、青木瓜沙律同牛肉串燒
春卷冇特別，不過勝在夠熱；沙律一般啦，酸酸的；
牛肉串燒NO GOOD，超鞋呀，個味又怪怪的

 

另外仲叫了炸蝦丸、薯蓉包、法式炆牛腩同牛油雞翼

 

 食飽飽就收到狗店電話可以接番BEAR BEAR LU

剪左我，爽哂！

 點解剪左我都仲咁多肉架！

接左BEAR BEAR都要打道回府喇！
唔知點解我都好似好倦咁！
沖完涼早D瞓吧！ 

餐廳資料：
新西貢
地址：土瓜灣北帝街32號地舖
電話：2712 8827